Lögreglumennirnir höfðu frumkvæði að því að veita þjónustu gegn greiðslu Þorbjörn Þórðarson skrifar 27. maí 2012 18:59 Lögreglumenn sem unnu fyrir þrotabú Milestone samhliða störfum sínum hjá lögreglunni höfðu sjálfir frumkvæði að því að veita þrotabúinu þjónustu gegn greiðslu. Hátt verð sem mennirnir rukkuðu kom skiptastjóra Milestone í opna skjöldu. Mennirnir líta svo á sjálfir að þeir hafi aðeins unnið með gögn sem þegar tilheyrðu þrotabúinu. Meint brot lögreglumannanna fyrrverandi, Guðmundar Hauks Gunnarssonar og Jóns Óttars Ólafssonar varða allt að þriggja ára fangelsi. Ef það á að ákæra í málinu, sem er nú til rannsóknar hjá ríkissaksóknara, dugar ekki aðeins að sýna fram á að þeir hafi selt trúnaðarupplýsingar í ávinningsskyni heldur verður að sanna að þeir hafi haft ásetning um að hagnast með ólögmætum hætti. Mennirnir hafa haldið því fram að öll vinna þeirra hafi grundvallast á gögnum sem þegar tilheyrðu þrotabúinu. Þannig hafi þeir ekki selt neinar trúnaðarupplýsingar sem þeir fengu í starfi sínu, en sérstakur saksóknari virðist vera á öndverðri skoðun í ljósi kærunnar. Eins og komið hefur fram hófu mennirnir tveir að selja þrotabúi Milestone þjónustu síðasta haust, mörgum mánuðum áður en þeir létu af störfum hjá sérstökum saksóknara. Þeir sögðu skiptastjóra Milestone jafnframt að vinna þeirra fyrir þrotabúið hafi verið með vitund yfirmanna. Í 20. gr. laga um réttindi og skyldur starfsmanna ríkisins eru embættismenn skyldaðir til að láta yfirboðara sína vita ef þeir taka að sér annað launað starf eða þiggja greiðslu samhliða starfi sínu hjá ríkinu. Innan tveggja vikna skal starfsmanni tilkynnt ef þetta þykir ekki samrýmast starfi hans. Í þessu lagaákvæði er lögð ákveðin athafnaskylda á starfsmann. Hann þarf sjálfur að fyrra bragði að tilkynna yfirboðurum sínum um starfið. Ólafur Þór Hauksson sagði við fréttastofu að mennirnir tveir hefðu ekki gert þetta. Þannig hafi embætti hans ekki getað lýst skoðunum sínum á vinnu mannanna í fyrirtækinu Pars Per Pars þar sem hann hafi ekki haft vitneskju um þetta. Þessar skýringar Ólafs Þórs þykja umdeildar, því öðrum saksóknurum var full vel kunnugt um störf mannanna fyrir þrotabúið, t.d vissi saksóknarinn Hólmsteinn Gauti Sigurðsson af henni. Rúv hefur greint frá tölvupóstum sem varpa ljósi á þetta. Samkvæmt heimildum fréttastofu Stöðvar 2 höfðu mennirnir tveir frumkvæði af því að selja þrotabúinu þjónustu sína í september 2011. Hugmyndin var semsagt þeirra. Samkvæmt þessum reikningum (sjá myndskeið með frétt) sem fyrirtækið Pars Per Pars sendi þrotabúinu var greinargerðin sem þeir unnu skrifuð í október og nóvember, meðan þeir voru í fullu starfi sem lögreglumenn hjá sérstökum saksóknara. Greinargerðin er aðeins lítill hluti af ráðgjöf sem mennirnir veittu. Á síðasta reikningnum er engin sundurliðun, en það mun vera vegna þess að eftir útgáfu fyrsta reikningsins sem hljóðar upp á 22 milljónir króna, sem kom skiptastjóra Milestone algjörlega í opna skjöldu, gerði skiptastjórinn mönnunum grein fyrir því að hann myndi aldrei greiða meira en 30 milljónir króna fyrir þessa vinnu. Tekið skal fram að í yfirlýsingu skiptastjóra Milestone frá því fyrir helgi segir hann að hann hafi ekki vísbendingu um annað en að vinna mannanna hafi grundvallast á gögnum sem þegar hafi tilheyrt þrotabúinu. Af þessari yfirlýsingu má draga þá ályktun að hann hafi aldrei litið svo á að mennirnir væru að selja upplýsingar sem þeir öfluðu í starfi sínu hjá sérstökum saksóknara og var skylt að þaga um. thorbjorn@stod2.is Tengdar fréttir Lögreglumenn fóru að selja trúnaðarupplýsingar haustið 2011 Lögreglumennirnir tveir sem sérstakur saksóknari hefur kært til ríkissaksóknara vegna brots á þagnarskyldu hófu að selja skiptastjóra Milestone trúnaðarupplýsingar í lok september 2011, löngu áður en þeir hættu hjá embættinu. Þeir héldu áfram að yfirheyra sakborninga og starfa hjá embættinu sem verktakar. 25. maí 2012 18:30 Unnu skýrslu um gjaldþol Milestone - sinna rekstri á sviði rannsókna Lögreglumennirnir tveir sem hafa verið kærðir til ríkissaksóknara, Guðmundur Haukur Gunnarsson lögfræðingur og Jón Óttar Ólafsson, doktor í afbrotafræðum, reka fyrirtækið Pars Per Pars, sem sérhæfir sig í ýmis konar rannsóknum og vinnu fyrir þrotabú fjármálafyrirtækja og fjárfestingafélaga, auk annarra rannsóknarverkefna. Jón Óttar hefur m.a. sinnt stundakennslu við Háskóla Íslands á sínu fagsviði. 24. maí 2012 12:00 Ákæra vegna brots á þagnarskyldu opinberra starfsmanna fordæmalaus Aldrei í réttarsögunni hefur verið ákært fyrir brot á þagnarskyldu opinberra starfsmanna, að sögn ríkissaksóknara. Lögreglumennirnir tveir sem seldu þrotabúi trúnaðarupplýsingar sem þeir öfluðu í starfi sínu yrðu þeir fyrstu, ef þeir verða ákærðir. 26. maí 2012 12:45 Mest lesið Mennirnir tveir fundnir Innlent Sagður hafa nauðgað konu fyrir níu árum Innlent Líf segir söguna um stóladans Mörtu og Hildar dagsanna Innlent Mættur í Samfylkinguna Innlent Færri ánægðir með Höllu en Guðna og Ólaf Ragnar Innlent Brynjar ákærður fyrir að brjóta á fleiri stúlkum Innlent Listamaðurinn Jón Gnarr hættir og pólitíkusinn tekur við Innlent Ítalía tekur aftur upp agaviðurlög frá tíma Mussolini Erlent Hlaut varanlegan skaða vegna myglu en fær ekki krónu Innlent Marta hafnar því alfarið að hafa ítrekað sest í stól Hildar Innlent Fleiri fréttir Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Sjá meira
Lögreglumenn sem unnu fyrir þrotabú Milestone samhliða störfum sínum hjá lögreglunni höfðu sjálfir frumkvæði að því að veita þrotabúinu þjónustu gegn greiðslu. Hátt verð sem mennirnir rukkuðu kom skiptastjóra Milestone í opna skjöldu. Mennirnir líta svo á sjálfir að þeir hafi aðeins unnið með gögn sem þegar tilheyrðu þrotabúinu. Meint brot lögreglumannanna fyrrverandi, Guðmundar Hauks Gunnarssonar og Jóns Óttars Ólafssonar varða allt að þriggja ára fangelsi. Ef það á að ákæra í málinu, sem er nú til rannsóknar hjá ríkissaksóknara, dugar ekki aðeins að sýna fram á að þeir hafi selt trúnaðarupplýsingar í ávinningsskyni heldur verður að sanna að þeir hafi haft ásetning um að hagnast með ólögmætum hætti. Mennirnir hafa haldið því fram að öll vinna þeirra hafi grundvallast á gögnum sem þegar tilheyrðu þrotabúinu. Þannig hafi þeir ekki selt neinar trúnaðarupplýsingar sem þeir fengu í starfi sínu, en sérstakur saksóknari virðist vera á öndverðri skoðun í ljósi kærunnar. Eins og komið hefur fram hófu mennirnir tveir að selja þrotabúi Milestone þjónustu síðasta haust, mörgum mánuðum áður en þeir létu af störfum hjá sérstökum saksóknara. Þeir sögðu skiptastjóra Milestone jafnframt að vinna þeirra fyrir þrotabúið hafi verið með vitund yfirmanna. Í 20. gr. laga um réttindi og skyldur starfsmanna ríkisins eru embættismenn skyldaðir til að láta yfirboðara sína vita ef þeir taka að sér annað launað starf eða þiggja greiðslu samhliða starfi sínu hjá ríkinu. Innan tveggja vikna skal starfsmanni tilkynnt ef þetta þykir ekki samrýmast starfi hans. Í þessu lagaákvæði er lögð ákveðin athafnaskylda á starfsmann. Hann þarf sjálfur að fyrra bragði að tilkynna yfirboðurum sínum um starfið. Ólafur Þór Hauksson sagði við fréttastofu að mennirnir tveir hefðu ekki gert þetta. Þannig hafi embætti hans ekki getað lýst skoðunum sínum á vinnu mannanna í fyrirtækinu Pars Per Pars þar sem hann hafi ekki haft vitneskju um þetta. Þessar skýringar Ólafs Þórs þykja umdeildar, því öðrum saksóknurum var full vel kunnugt um störf mannanna fyrir þrotabúið, t.d vissi saksóknarinn Hólmsteinn Gauti Sigurðsson af henni. Rúv hefur greint frá tölvupóstum sem varpa ljósi á þetta. Samkvæmt heimildum fréttastofu Stöðvar 2 höfðu mennirnir tveir frumkvæði af því að selja þrotabúinu þjónustu sína í september 2011. Hugmyndin var semsagt þeirra. Samkvæmt þessum reikningum (sjá myndskeið með frétt) sem fyrirtækið Pars Per Pars sendi þrotabúinu var greinargerðin sem þeir unnu skrifuð í október og nóvember, meðan þeir voru í fullu starfi sem lögreglumenn hjá sérstökum saksóknara. Greinargerðin er aðeins lítill hluti af ráðgjöf sem mennirnir veittu. Á síðasta reikningnum er engin sundurliðun, en það mun vera vegna þess að eftir útgáfu fyrsta reikningsins sem hljóðar upp á 22 milljónir króna, sem kom skiptastjóra Milestone algjörlega í opna skjöldu, gerði skiptastjórinn mönnunum grein fyrir því að hann myndi aldrei greiða meira en 30 milljónir króna fyrir þessa vinnu. Tekið skal fram að í yfirlýsingu skiptastjóra Milestone frá því fyrir helgi segir hann að hann hafi ekki vísbendingu um annað en að vinna mannanna hafi grundvallast á gögnum sem þegar hafi tilheyrt þrotabúinu. Af þessari yfirlýsingu má draga þá ályktun að hann hafi aldrei litið svo á að mennirnir væru að selja upplýsingar sem þeir öfluðu í starfi sínu hjá sérstökum saksóknara og var skylt að þaga um. thorbjorn@stod2.is
Tengdar fréttir Lögreglumenn fóru að selja trúnaðarupplýsingar haustið 2011 Lögreglumennirnir tveir sem sérstakur saksóknari hefur kært til ríkissaksóknara vegna brots á þagnarskyldu hófu að selja skiptastjóra Milestone trúnaðarupplýsingar í lok september 2011, löngu áður en þeir hættu hjá embættinu. Þeir héldu áfram að yfirheyra sakborninga og starfa hjá embættinu sem verktakar. 25. maí 2012 18:30 Unnu skýrslu um gjaldþol Milestone - sinna rekstri á sviði rannsókna Lögreglumennirnir tveir sem hafa verið kærðir til ríkissaksóknara, Guðmundur Haukur Gunnarsson lögfræðingur og Jón Óttar Ólafsson, doktor í afbrotafræðum, reka fyrirtækið Pars Per Pars, sem sérhæfir sig í ýmis konar rannsóknum og vinnu fyrir þrotabú fjármálafyrirtækja og fjárfestingafélaga, auk annarra rannsóknarverkefna. Jón Óttar hefur m.a. sinnt stundakennslu við Háskóla Íslands á sínu fagsviði. 24. maí 2012 12:00 Ákæra vegna brots á þagnarskyldu opinberra starfsmanna fordæmalaus Aldrei í réttarsögunni hefur verið ákært fyrir brot á þagnarskyldu opinberra starfsmanna, að sögn ríkissaksóknara. Lögreglumennirnir tveir sem seldu þrotabúi trúnaðarupplýsingar sem þeir öfluðu í starfi sínu yrðu þeir fyrstu, ef þeir verða ákærðir. 26. maí 2012 12:45 Mest lesið Mennirnir tveir fundnir Innlent Sagður hafa nauðgað konu fyrir níu árum Innlent Líf segir söguna um stóladans Mörtu og Hildar dagsanna Innlent Mættur í Samfylkinguna Innlent Færri ánægðir með Höllu en Guðna og Ólaf Ragnar Innlent Brynjar ákærður fyrir að brjóta á fleiri stúlkum Innlent Listamaðurinn Jón Gnarr hættir og pólitíkusinn tekur við Innlent Ítalía tekur aftur upp agaviðurlög frá tíma Mussolini Erlent Hlaut varanlegan skaða vegna myglu en fær ekki krónu Innlent Marta hafnar því alfarið að hafa ítrekað sest í stól Hildar Innlent Fleiri fréttir Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Sjá meira
Lögreglumenn fóru að selja trúnaðarupplýsingar haustið 2011 Lögreglumennirnir tveir sem sérstakur saksóknari hefur kært til ríkissaksóknara vegna brots á þagnarskyldu hófu að selja skiptastjóra Milestone trúnaðarupplýsingar í lok september 2011, löngu áður en þeir hættu hjá embættinu. Þeir héldu áfram að yfirheyra sakborninga og starfa hjá embættinu sem verktakar. 25. maí 2012 18:30
Unnu skýrslu um gjaldþol Milestone - sinna rekstri á sviði rannsókna Lögreglumennirnir tveir sem hafa verið kærðir til ríkissaksóknara, Guðmundur Haukur Gunnarsson lögfræðingur og Jón Óttar Ólafsson, doktor í afbrotafræðum, reka fyrirtækið Pars Per Pars, sem sérhæfir sig í ýmis konar rannsóknum og vinnu fyrir þrotabú fjármálafyrirtækja og fjárfestingafélaga, auk annarra rannsóknarverkefna. Jón Óttar hefur m.a. sinnt stundakennslu við Háskóla Íslands á sínu fagsviði. 24. maí 2012 12:00
Ákæra vegna brots á þagnarskyldu opinberra starfsmanna fordæmalaus Aldrei í réttarsögunni hefur verið ákært fyrir brot á þagnarskyldu opinberra starfsmanna, að sögn ríkissaksóknara. Lögreglumennirnir tveir sem seldu þrotabúi trúnaðarupplýsingar sem þeir öfluðu í starfi sínu yrðu þeir fyrstu, ef þeir verða ákærðir. 26. maí 2012 12:45