Dómari segir SFO algjörlega vanhæfa 11. apríl 2012 09:00 Vincent Tchenguiz Hann hefur farið fram á 20 milljarða íslenskra króna í skaðabætur vegna málsins. Dómari við breskan dómstól, High Court, átelur bresku efnahagsbrotalögregluna Serious Fraud Office (SFO) harðlega fyrir að geta ekki lagt fram nein gögn sem legið hafi til grundvallar húsleitum hjá auðkýfingnum Vincent Tchenguiz í mars í fyrra. Aðgerðirnar sem SFO réðst í í mars í fyrra voru gríðarlega umfangsmiklar og beindust að bræðrunum Robert og Vincent Tchenguiz og Kaupþingi og lánaviðskiptum þeirra á milli. 135 manns tóku þátt í þeim og níu voru handteknir, þeirra á meðal Sigurður Einarsson, Ármann Þorvaldsson og aðrir íslenskir fyrrverandi starfsmenn Kaupþings. Í febrúar síðastliðnum neyddist SFO til að senda frá sér þriggja blaðsíðna skriflega afsökunarbeiðni til Vincents Tchenguiz og viðurkenna að aðgerðirnar hefðu grundvallast á röngum upplýsingum. Á sama tíma lýsti SFO því yfir að rannsóknin mundi halda áfram. Fyrir dómi í síðustu viku fór SFO fram á sex vikna frest til viðbótar til að sýna fram á það á hverju málið grundvallaðist, að því er segir í breska blaðinu Financial Times. Dómarinn, Sir John Thomas, sagði að það væri með öllu óviðunandi að SFO hefði enn ekki skilað af sér þessum rökstuðningi. Eina skýringin væri „alger vanhæfni". „Ég hef aldrei kynnst öðru eins," bætti hann við, samkvæmt Financial Times. Hann veitti þó frest til loka apríl. SFO afsakaði sig með því að nákvæmar upplýsingar um upphaf og aðdraganda rannsóknarinnar væru einfaldlega ekki lengur til staðar hjá embættinu. Margir af upphaflegum rannsakendum væru hættir störfum hjá stofnuninni og sumir jafnvel fluttir úr landi. Vincent Tchenguiz sagði óskiljanlegt að SFO hygðist halda áfram rannsókninni á málefnum hans í ljósi alls þessa. „Þegar ég var í skóla hélt ég því gjarnan fram að hundurinn hefði étið heimaverkefnin mín. Það er allt í lagi fyrir skólastrák, en frekar aumt af opinberum eftirlitsaðila," er haft eftir honum. Tchenguiz telur aðgerðirnar hafa skaðað sig og starfsemi sína og hefur höfðað hundrað milljóna punda skaðabótamál vegna þess, jafnvirði um 20 milljarða króna. stigur@frettabladid.is Fréttir Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Seðlabankinn hafi ekki önnur úrræði en að lækka vexti Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Verðstríð að hefjast á matvörumarkaði Neytendur Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Dómari við breskan dómstól, High Court, átelur bresku efnahagsbrotalögregluna Serious Fraud Office (SFO) harðlega fyrir að geta ekki lagt fram nein gögn sem legið hafi til grundvallar húsleitum hjá auðkýfingnum Vincent Tchenguiz í mars í fyrra. Aðgerðirnar sem SFO réðst í í mars í fyrra voru gríðarlega umfangsmiklar og beindust að bræðrunum Robert og Vincent Tchenguiz og Kaupþingi og lánaviðskiptum þeirra á milli. 135 manns tóku þátt í þeim og níu voru handteknir, þeirra á meðal Sigurður Einarsson, Ármann Þorvaldsson og aðrir íslenskir fyrrverandi starfsmenn Kaupþings. Í febrúar síðastliðnum neyddist SFO til að senda frá sér þriggja blaðsíðna skriflega afsökunarbeiðni til Vincents Tchenguiz og viðurkenna að aðgerðirnar hefðu grundvallast á röngum upplýsingum. Á sama tíma lýsti SFO því yfir að rannsóknin mundi halda áfram. Fyrir dómi í síðustu viku fór SFO fram á sex vikna frest til viðbótar til að sýna fram á það á hverju málið grundvallaðist, að því er segir í breska blaðinu Financial Times. Dómarinn, Sir John Thomas, sagði að það væri með öllu óviðunandi að SFO hefði enn ekki skilað af sér þessum rökstuðningi. Eina skýringin væri „alger vanhæfni". „Ég hef aldrei kynnst öðru eins," bætti hann við, samkvæmt Financial Times. Hann veitti þó frest til loka apríl. SFO afsakaði sig með því að nákvæmar upplýsingar um upphaf og aðdraganda rannsóknarinnar væru einfaldlega ekki lengur til staðar hjá embættinu. Margir af upphaflegum rannsakendum væru hættir störfum hjá stofnuninni og sumir jafnvel fluttir úr landi. Vincent Tchenguiz sagði óskiljanlegt að SFO hygðist halda áfram rannsókninni á málefnum hans í ljósi alls þessa. „Þegar ég var í skóla hélt ég því gjarnan fram að hundurinn hefði étið heimaverkefnin mín. Það er allt í lagi fyrir skólastrák, en frekar aumt af opinberum eftirlitsaðila," er haft eftir honum. Tchenguiz telur aðgerðirnar hafa skaðað sig og starfsemi sína og hefur höfðað hundrað milljóna punda skaðabótamál vegna þess, jafnvirði um 20 milljarða króna. stigur@frettabladid.is
Fréttir Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Seðlabankinn hafi ekki önnur úrræði en að lækka vexti Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Verðstríð að hefjast á matvörumarkaði Neytendur Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira