Bakkavararbræður líklegastir til að kaupa 5. maí 2012 07:00 Líklegir Nauðasamningur Bakkavarar Group gerði ráð fyrir því að félagið þyrfti að greiða yfir 100 milljarða króna til kröfuhafa til að bræðurnir myndu halda eftir um fjórðungshlut. Credit Suisse telur nú að þeir geti eignast ráðandi hlut. fréttablaðið/gva Bræðurnir Lýður og Ágúst Guðmundssynir hafa tryggt sér 25 prósenta hlut í Bakkavör Group gegn því að gefa eftir meirihluta í stjórn félagsins. Afgangurinn, um 75 prósenta hlutur, verður í eigu íslenskra kröfuhafa sem breyta kröfum sínum í nýtt hlutafé. Svissneski risabankinn Credit Suisse telur að sá hluti verði seldur fljótlega og að líklegustu kaupendur hans séu bræðurnir. Gangi það eftir munu þeir eignast félagið sem þeir í raun misstu, samkvæmt skilmálum nauðasamninga félagsins, að nýju. Heimildir Fréttablaðsins herma þó að vel komi til greina að selja hlutinn til annarra aðila. Miðað við rekstarafkomu Bakkavarar Group á árinu 2011 þá er virði hlutafés í félaginu talið vera á bilinu 20 til 40 milljarðar króna. Bakkavör Group gerði nauðasamning í mars 2010 en félagið hafði staðið í stórtækri skuldabréfaútgáfu auk þess sem það var skráð á hlutabréfamarkað. Alls skuldaði félagið um 64 milljarða króna þegar nauðasamningurinn var gerður. Helstu eigendur þeirra skulda voru Arion banki, skilanefnd Glitnis og þrír stærstu lífeyrissjóðir landsins, LSR, Lífeyrissjóður verzlunarmanna og Gildi. Skuldabréfin voru öll óveðtryggð þar sem allar undirliggjandi eignir Bakkavarar voru veðsettar öðrum. Nauðasamningarnir gerðu ráð fyrir að félagið ætti að greiða kröfuhöfum sínum yfir 100 milljarða króna fram á mitt ár 2014, annars myndu þeir eignast allt félagið. Í greiningu frá Credit Suisse um framtíð Bakkavarar Group, sem dagsett er 25. apríl 2012, kemur fram að erfitt sé að sjá þær aðstæður koma upp að það myndi borga sig fyrir Bakkavör Group að greiða þá upphæð til kröfuhafanna. Félagið sé einfaldlega ekki svo mikils virði. Það er mjög skuldsett og afkoma þess á síðustu misserum hefur verið mun lægri en áætlanir gerðu ráð fyrir. Credit Suisse telur að hin snemmbúna umbreyting á kröfum í hlutafé sé tilkomin vegna þess að kröfuhafarnir, íslensk fjármálafyrirtæki og lífeyrissjóðir, vilji selja sig út úr félaginu. Það verði gert með því að gera upp allar eignir Bakkavarar Group, dreifa þeim til kröfuhafa og leggja félagið niður. Nýtt móðurfélag rekstrarfélagsins Bakkavarar verður síðan skráð í Bretlandi og þar með verður skorið á tengsl við íslenska kröfuhafa. Að mati Credit Suisse myndi þessi aðgerð þynna hlut B Food Invest, félags Ágústs og Lýðs, í Bakkavör Group niður í 4,1 prósent, en félagið er í dag skráð fyrir 39,6 prósenta hlut. Samkvæmt samkomulagi milli kröfuhafa og bræðranna verður þeim hlut skilað til Klakka, sem áður hét Exista, en þeir færðu hann þaðan á árinu 2009. Afgangur hlutafésins, alls 95,9 prósent mun þá renna til íslenskra kröfuhafa Bakkavarar Group. Heimildir Fréttablaðsins herma að í kjölfarið verði hlutafé Bakkavarar Group aukið og að bræðurnir muni kaupa það hlutafé. Við það muni hlutur íslensku kröfuhafanna og Klakka þynnast niður í um 75 prósent. thordur@frettabladid.is Fréttir Mest lesið Heimsskortur á pistasíum vegna Dúbaí-súkkulaðis Viðskipti erlent Elskar kaffi að ítölskum sið og línulega dagskrá Atvinnulíf Fyrsta íslenska grænkera ostagerðin í hættu Viðskipti innlent Hvar er opið um páskana? Neytendur Plastkubbahús sem eru íslensk hönnun og framleiðsla Samstarf Systkinin öll verið forsetar: „Tvö félög, tvöfalt stuð!“ Atvinnulíf Boða alvöru breytingar í jafnréttismálum efnahags- og atvinnulífs Atvinnulíf Trump hafi „ekki hugmynd“ um hvað hann sé að gera Viðskipti erlent Ósáttur við aukna gjaldtöku við flugvöllinn fyrir leigubílstjóra Neytendur Spotify liggur niðri Neytendur Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira
Bræðurnir Lýður og Ágúst Guðmundssynir hafa tryggt sér 25 prósenta hlut í Bakkavör Group gegn því að gefa eftir meirihluta í stjórn félagsins. Afgangurinn, um 75 prósenta hlutur, verður í eigu íslenskra kröfuhafa sem breyta kröfum sínum í nýtt hlutafé. Svissneski risabankinn Credit Suisse telur að sá hluti verði seldur fljótlega og að líklegustu kaupendur hans séu bræðurnir. Gangi það eftir munu þeir eignast félagið sem þeir í raun misstu, samkvæmt skilmálum nauðasamninga félagsins, að nýju. Heimildir Fréttablaðsins herma þó að vel komi til greina að selja hlutinn til annarra aðila. Miðað við rekstarafkomu Bakkavarar Group á árinu 2011 þá er virði hlutafés í félaginu talið vera á bilinu 20 til 40 milljarðar króna. Bakkavör Group gerði nauðasamning í mars 2010 en félagið hafði staðið í stórtækri skuldabréfaútgáfu auk þess sem það var skráð á hlutabréfamarkað. Alls skuldaði félagið um 64 milljarða króna þegar nauðasamningurinn var gerður. Helstu eigendur þeirra skulda voru Arion banki, skilanefnd Glitnis og þrír stærstu lífeyrissjóðir landsins, LSR, Lífeyrissjóður verzlunarmanna og Gildi. Skuldabréfin voru öll óveðtryggð þar sem allar undirliggjandi eignir Bakkavarar voru veðsettar öðrum. Nauðasamningarnir gerðu ráð fyrir að félagið ætti að greiða kröfuhöfum sínum yfir 100 milljarða króna fram á mitt ár 2014, annars myndu þeir eignast allt félagið. Í greiningu frá Credit Suisse um framtíð Bakkavarar Group, sem dagsett er 25. apríl 2012, kemur fram að erfitt sé að sjá þær aðstæður koma upp að það myndi borga sig fyrir Bakkavör Group að greiða þá upphæð til kröfuhafanna. Félagið sé einfaldlega ekki svo mikils virði. Það er mjög skuldsett og afkoma þess á síðustu misserum hefur verið mun lægri en áætlanir gerðu ráð fyrir. Credit Suisse telur að hin snemmbúna umbreyting á kröfum í hlutafé sé tilkomin vegna þess að kröfuhafarnir, íslensk fjármálafyrirtæki og lífeyrissjóðir, vilji selja sig út úr félaginu. Það verði gert með því að gera upp allar eignir Bakkavarar Group, dreifa þeim til kröfuhafa og leggja félagið niður. Nýtt móðurfélag rekstrarfélagsins Bakkavarar verður síðan skráð í Bretlandi og þar með verður skorið á tengsl við íslenska kröfuhafa. Að mati Credit Suisse myndi þessi aðgerð þynna hlut B Food Invest, félags Ágústs og Lýðs, í Bakkavör Group niður í 4,1 prósent, en félagið er í dag skráð fyrir 39,6 prósenta hlut. Samkvæmt samkomulagi milli kröfuhafa og bræðranna verður þeim hlut skilað til Klakka, sem áður hét Exista, en þeir færðu hann þaðan á árinu 2009. Afgangur hlutafésins, alls 95,9 prósent mun þá renna til íslenskra kröfuhafa Bakkavarar Group. Heimildir Fréttablaðsins herma að í kjölfarið verði hlutafé Bakkavarar Group aukið og að bræðurnir muni kaupa það hlutafé. Við það muni hlutur íslensku kröfuhafanna og Klakka þynnast niður í um 75 prósent. thordur@frettabladid.is
Fréttir Mest lesið Heimsskortur á pistasíum vegna Dúbaí-súkkulaðis Viðskipti erlent Elskar kaffi að ítölskum sið og línulega dagskrá Atvinnulíf Fyrsta íslenska grænkera ostagerðin í hættu Viðskipti innlent Hvar er opið um páskana? Neytendur Plastkubbahús sem eru íslensk hönnun og framleiðsla Samstarf Systkinin öll verið forsetar: „Tvö félög, tvöfalt stuð!“ Atvinnulíf Boða alvöru breytingar í jafnréttismálum efnahags- og atvinnulífs Atvinnulíf Trump hafi „ekki hugmynd“ um hvað hann sé að gera Viðskipti erlent Ósáttur við aukna gjaldtöku við flugvöllinn fyrir leigubílstjóra Neytendur Spotify liggur niðri Neytendur Fleiri fréttir Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Bein útsending: Ársfundur Seðlabankans Sýknaður í Ímon-málinu tíu árum seinna Bein útsending: Vorfundur RARIK - Hreyfum samfélagið til framtíðar Milljarðaafgangur og besta niðurstaðan í sautján ár Enginn sjái eftir því á dánarbeðinum að hafa ekki unnið meira Mögulega leikflétta og eða viðbrögð við lækkunum Miðlunarlónin standa öll mun betur en á horfðist Bein útsending: Hlýtur Carbfix Nýsköpunarverðlaun Norðurlandanna? Penninn leggst í miklar breytingar Ríflega tveggja milljarða afgangur á Akureyri Sjá meira