Dæmdi danskar fyrirsætur 29. september 2012 11:00 Kristinn Óli Hrólfsson rekur hárgreiðslustofuna Mugshot ásamt Mike Nielsen. Þeir komu fram í sjónvarpsþáttunum Danmarks Næste Topmodel. „Við fengum símtal frá framleiðendum þáttanna og vorum beðnir um að vera með. Við slógum auðvitað til enda er þetta frábær auglýsing fyrir stofuna og skemmtileg reynsla,“ segir Kristinn Óli Hrólfsson. Hann rekur hárgreiðslustofuna Mugshot í Kaupmannahöfn ásamt Mike Nielsen. Þeir komu fram sem gestadómarar í þætti af sjónvarpsþáttaröðinni Danmarks Næste Topmodel á fimmtudag og sáu einnig um að breyta útliti keppenda þáttanna. Kristinn Óli og Mike breyttu útliti fimmtán keppenda með því að klippa hár þeirra og lita og tóku stúlkurnar misvel í gjörninginn. „Ein grét í þrjá klukkutíma yfir því að hárið á henni hefði verið klippt í axlasídd. Við höfum aldrei lent í því áður að kúnni gráti í stólnum hjá okkur.“ Hárgreiðslumennirnir tóku einnig að sér hlutverk gestadómara í sama þætti og voru með í þeirri ákvörðun að kjósa tvær stúlkur úr keppni. Kristinn Óli segir það hafa verið erfitt verk. „Auðvitað var það erfitt. Þetta eru ungar stúlkur sem dreymir um að verða fyrirsætur og það er ekki gaman að vera með í þeirri ákvörðun um að binda endi á þann draum.“ Hann segir reynsluna hafa verið skemmtilega en viðurkennir að það hafi verið skrítið að horfa á sjálfan sig á sjónvarpsskjánum. „Það var mjög skrítið að horfa á þáttinn, sérstaklega þegar maður hugsar út í það hversu margir horfa á hann. Ég passaði mig mikið að tala rétt og koma vel fram, en svo er það þannig að maður sjálfur er alltaf sinn versti gagnrýnandi.“ Þetta er þriðja þáttaröð Topmodel í Danmörku og er barónessan Caroline Fleming stjórnandi þáttanna. Þeir eru sýndir á sjónvarpsstöðinni Kanal 4 og njóta mikilla vinsælda. „Þættirnir fá mikið áhorf og þess vegna er þetta frábær auglýsing fyrir okkur og Mugshot. Þarna fengum við að sýna allri Danmörku hvað við kunnum og getum.“ sara@frettabladid.is Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
„Við fengum símtal frá framleiðendum þáttanna og vorum beðnir um að vera með. Við slógum auðvitað til enda er þetta frábær auglýsing fyrir stofuna og skemmtileg reynsla,“ segir Kristinn Óli Hrólfsson. Hann rekur hárgreiðslustofuna Mugshot í Kaupmannahöfn ásamt Mike Nielsen. Þeir komu fram sem gestadómarar í þætti af sjónvarpsþáttaröðinni Danmarks Næste Topmodel á fimmtudag og sáu einnig um að breyta útliti keppenda þáttanna. Kristinn Óli og Mike breyttu útliti fimmtán keppenda með því að klippa hár þeirra og lita og tóku stúlkurnar misvel í gjörninginn. „Ein grét í þrjá klukkutíma yfir því að hárið á henni hefði verið klippt í axlasídd. Við höfum aldrei lent í því áður að kúnni gráti í stólnum hjá okkur.“ Hárgreiðslumennirnir tóku einnig að sér hlutverk gestadómara í sama þætti og voru með í þeirri ákvörðun að kjósa tvær stúlkur úr keppni. Kristinn Óli segir það hafa verið erfitt verk. „Auðvitað var það erfitt. Þetta eru ungar stúlkur sem dreymir um að verða fyrirsætur og það er ekki gaman að vera með í þeirri ákvörðun um að binda endi á þann draum.“ Hann segir reynsluna hafa verið skemmtilega en viðurkennir að það hafi verið skrítið að horfa á sjálfan sig á sjónvarpsskjánum. „Það var mjög skrítið að horfa á þáttinn, sérstaklega þegar maður hugsar út í það hversu margir horfa á hann. Ég passaði mig mikið að tala rétt og koma vel fram, en svo er það þannig að maður sjálfur er alltaf sinn versti gagnrýnandi.“ Þetta er þriðja þáttaröð Topmodel í Danmörku og er barónessan Caroline Fleming stjórnandi þáttanna. Þeir eru sýndir á sjónvarpsstöðinni Kanal 4 og njóta mikilla vinsælda. „Þættirnir fá mikið áhorf og þess vegna er þetta frábær auglýsing fyrir okkur og Mugshot. Þarna fengum við að sýna allri Danmörku hvað við kunnum og getum.“ sara@frettabladid.is
Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira