Ísútrás yoyo heldur áfram

Tvær Yoyo-ísbúðir verða opnaðar á Benidorm og Alicante á Spáni fyrstu vikuna í mars. Þar í landi er lítil hefð fyrir sjálfsafgreiðslu-ísbúðum og því líklegt að sólarlandafarar taki þessari nýjung fegins hendi.

Búðirnar tvær bætast í hóp tveggja Yoyo-ísbúða sem voru opnaðar í Riga í Lettlandi í fyrra. Stefnt er á að opna fjórar ísbúðir til viðbótar í Eystrasaltsríkjunum á næstunni. Tvær slíkar búðir eru starfræktar á Íslandi, eða við Nýbýlaveg í Kópavogi og við Egilsgötu í Reykjavík. -fb