Fjaðrir og vetrarblóm hjá Erdem

Fatahönnuðurinn Erdem Moralioglu sýndi dekkri og drungalegri línu en búast mátti við á tískuvikunni í London í gær. Eins og venjan er hjá honum notaðist hann við fallegar samsetningar á efnum, en svarti liturinn var mun meira áberandi en fyrr. Rómantíkin sem tískuhús Erdems er þekkt fyrir fékk þó að halda sér, blómamynstur, fjaðrir og blúndur spiluðu stórt hlutverk. Línan var falleg og dömuleg, en þó var eitthvað skemmtilega öðruvísi við hana.