Stórstjörnur á fremsta bekk

Haust og- vetrarlína tískuhússins Burberry Prorsum var sýnd á tískuvikunni í London í gær. Fékk hún lof gagnrýnenda eins og við var að búast, en þó var það fólkið sem sat á fremsta bekk sem vakti ekki síðri athygli. Greinilegt er að hönnun Burberry Prorsum fellur vel í kramið hjá stórstjörnum í kvikmynda, tísku og –tónlistarheiminum, en Rita Ora, Kate Beckinsale, Rosie Huntington Whiteley og Anna Wintour voru meðal þeirra sem nutu sýningarinnar af besta stað.