"Mér finnst ég ótrúlega heppin að hafa sloppið" Kolbeinn Tumi Daðason skrifar 13. febrúar 2013 15:08 Freyja Haraldsdóttir Skjáskot Fyrir hver fimm börn sem fæðast hér á landi árlega fer fram ein fóstureyðing. Þetta er meðal þess sem fram kom í sjónvarpsþættinum Málinu á Skjá einum sem sýndur var á mánudagskvöldið. Komið var víða við í þættinum og rætt við fólk úr læknastétt, forsvarsfólk trúfélaga, þingmenn, sérfræðinga og fólk sem hefur sögu að segja. Meðal viðmælenda í þættinum var Freyja Haraldsdóttir sem spurð er út í sína skoðun á fósturskimunum, hnakkaþykktarmælingum og fóstureyðingum. „Það er eðlilegasta mál í heimi að það sé frelsi kvenna að fara í fóstureyðingu. Það er hluti af því að hafa stjórn á eigin líkama," segir Freyja sem þó telur mikilvægt að heildarmyndin sé skoðuð í hverju tilfelli. Velta þurfi fyrir sér hvers vegna verið sé að skima fóstur. „Er markmiðið að hreinsa til í margbreytileika mannlífsins og taka í burtu ákveðna hópa af því okkur finnst þeir óþægilegir eða þeir kosta samfélagið mikinn pening? Er líf fatlaðra barna til dæmis svo hræðilegt að það sé betra að þau fæðist ekki heldur en að vera til? Er það pælingin?" spyr Freyja. Hún veltir fyrir sér hvar þetta muni enda. „Hvað ef við finnum samkynhneigða genið? Ætlum við að skima eftir því?" segir Freyja og minnir á að konur njóti ekki alltaf sömu réttinda og karlar. „Eigum við að fara að eyða fóstrum á grundvelli kyns? Við þurfum að spyrja okkur allra þessara spurninga ef við ætlum að bjóða upp á fósturskimanir."Sölvi TryggvasonSkjáskotSölvi Tryggvason, umsjónarmaður þáttaraðarinnar, spurði Freyju út í sína persónulegu skoðun á fósturskimunum og hnakkaþykktarmælingum. Í slíkri mælingu er hægt að fá metin líkindi á því að fóstrið sé með litningagalla. Freyja segist líta svo á að hún sé hólpinn. Hún sé ekki mjög hrifin af fósturskimunum sem fötluð kona. „Ég er bara heppin að hafa fæðst þegar fósturskimanir voru ekki eins miklar. Ég veit ekki hvað foreldrar mínir hefðu tekið ákvörðun um að gera." „Ef þau hefðu vitað að ég væri mikið hreyfihömluð, hvort þau hefðu eytt mér eða ekki? Við vitum það ekki. Þá væri ég kannski ekki til. Það er svo ótrúlega skemmtilegt að lifa þessu lífi og mikilvægt að fá að gera það," segir Freyja og bætir við: „Það væri mjög skrýtið ef mér fyndist þetta í lagi því þá væri ég að segja að það væri í lagi að eyða fólki eins og mér."Guðmundur Ármann PéturssonSkjáskotÍ þættinum á mánudagskvöldið var einnig rætt við Guðmund Ármann Pétursson sem á barn með Downs-heilkenni. Aðspurður um það hvernig það sé að vera foreldri barns með Downs-heilkenni svarar Guðmundur: „Það eru forréttindi. Það eru algjör forréttindi. Þó að einstaklingur hafi Downs-heilkenni þá er hann ekki veikur. Það er ekkert að. Hann er eins og hann er. En hann verður veikur. Hann fær kvef og hann fær þetta og hann fær hitt. En hann er ekki veikur," segir Guðmundur. Hann er ekki hrifinn af fósturskimunum. „Í meðgöngu er einn hópur í okkar fjölbreytta þjóðfélagi tekinn út fyrir sviga," segir Guðmundur og á við fóstur sem greind hafa verið með downs-heilkenni. Hann samsinnir vangaveltu Sölva hvort börnum með downs-heilkenni hafi fækkað á síðustu árum. „Ég man að vitnað var í yfirlækni uppi á fæðingardeild að það væri teljandi á fingrum annarrar handar þeir foreldrar sem kysu að eiga barn þegar vitneskja væri komin um að barnið hefði Downs-heilkenni." Málið er á dagskrá Skjásins á mánudagskvöldum klukkan 22. Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent Rannsaka dráp á sjúkraliðum en neita að þeir hafi verið teknir af lífi Erlent Vaka jók við meirihlutann í stúdentaráði Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira
Fyrir hver fimm börn sem fæðast hér á landi árlega fer fram ein fóstureyðing. Þetta er meðal þess sem fram kom í sjónvarpsþættinum Málinu á Skjá einum sem sýndur var á mánudagskvöldið. Komið var víða við í þættinum og rætt við fólk úr læknastétt, forsvarsfólk trúfélaga, þingmenn, sérfræðinga og fólk sem hefur sögu að segja. Meðal viðmælenda í þættinum var Freyja Haraldsdóttir sem spurð er út í sína skoðun á fósturskimunum, hnakkaþykktarmælingum og fóstureyðingum. „Það er eðlilegasta mál í heimi að það sé frelsi kvenna að fara í fóstureyðingu. Það er hluti af því að hafa stjórn á eigin líkama," segir Freyja sem þó telur mikilvægt að heildarmyndin sé skoðuð í hverju tilfelli. Velta þurfi fyrir sér hvers vegna verið sé að skima fóstur. „Er markmiðið að hreinsa til í margbreytileika mannlífsins og taka í burtu ákveðna hópa af því okkur finnst þeir óþægilegir eða þeir kosta samfélagið mikinn pening? Er líf fatlaðra barna til dæmis svo hræðilegt að það sé betra að þau fæðist ekki heldur en að vera til? Er það pælingin?" spyr Freyja. Hún veltir fyrir sér hvar þetta muni enda. „Hvað ef við finnum samkynhneigða genið? Ætlum við að skima eftir því?" segir Freyja og minnir á að konur njóti ekki alltaf sömu réttinda og karlar. „Eigum við að fara að eyða fóstrum á grundvelli kyns? Við þurfum að spyrja okkur allra þessara spurninga ef við ætlum að bjóða upp á fósturskimanir."Sölvi TryggvasonSkjáskotSölvi Tryggvason, umsjónarmaður þáttaraðarinnar, spurði Freyju út í sína persónulegu skoðun á fósturskimunum og hnakkaþykktarmælingum. Í slíkri mælingu er hægt að fá metin líkindi á því að fóstrið sé með litningagalla. Freyja segist líta svo á að hún sé hólpinn. Hún sé ekki mjög hrifin af fósturskimunum sem fötluð kona. „Ég er bara heppin að hafa fæðst þegar fósturskimanir voru ekki eins miklar. Ég veit ekki hvað foreldrar mínir hefðu tekið ákvörðun um að gera." „Ef þau hefðu vitað að ég væri mikið hreyfihömluð, hvort þau hefðu eytt mér eða ekki? Við vitum það ekki. Þá væri ég kannski ekki til. Það er svo ótrúlega skemmtilegt að lifa þessu lífi og mikilvægt að fá að gera það," segir Freyja og bætir við: „Það væri mjög skrýtið ef mér fyndist þetta í lagi því þá væri ég að segja að það væri í lagi að eyða fólki eins og mér."Guðmundur Ármann PéturssonSkjáskotÍ þættinum á mánudagskvöldið var einnig rætt við Guðmund Ármann Pétursson sem á barn með Downs-heilkenni. Aðspurður um það hvernig það sé að vera foreldri barns með Downs-heilkenni svarar Guðmundur: „Það eru forréttindi. Það eru algjör forréttindi. Þó að einstaklingur hafi Downs-heilkenni þá er hann ekki veikur. Það er ekkert að. Hann er eins og hann er. En hann verður veikur. Hann fær kvef og hann fær þetta og hann fær hitt. En hann er ekki veikur," segir Guðmundur. Hann er ekki hrifinn af fósturskimunum. „Í meðgöngu er einn hópur í okkar fjölbreytta þjóðfélagi tekinn út fyrir sviga," segir Guðmundur og á við fóstur sem greind hafa verið með downs-heilkenni. Hann samsinnir vangaveltu Sölva hvort börnum með downs-heilkenni hafi fækkað á síðustu árum. „Ég man að vitnað var í yfirlækni uppi á fæðingardeild að það væri teljandi á fingrum annarrar handar þeir foreldrar sem kysu að eiga barn þegar vitneskja væri komin um að barnið hefði Downs-heilkenni." Málið er á dagskrá Skjásins á mánudagskvöldum klukkan 22.
Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent Rannsaka dráp á sjúkraliðum en neita að þeir hafi verið teknir af lífi Erlent Vaka jók við meirihlutann í stúdentaráði Innlent Ekkert spurst til Sólrúnar á Spáni í nokkra daga Innlent Viðbúnaður í Vesturbæ vegna leitar Innlent Fleiri fréttir Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Sjá meira