Kvenleikinn í fyrirrúmi

Kvenleikinn var í algjöru aðalhlutverki á haust – og vetrarsýningu Nina Ricci í París í gær. Línan var fallega elegant og nokkuð einföld, en flíkur eins og stuttar peysur og hnésíð pils voru áberandi. Peter Copping, yfirhönnuður tískuhússins, var innblásin af klæðnaði dansara og tókst snilldarlega að blanda saman áhrifum frá bæði æfingafötum og sviðsbúningum. Fyrirsæturnar gengu niður pallana undir lifandi píanóleik með rauðan varalit og uppsett hár. Elegans alla leið.