Bjarni Benediktsson fjármálaráðherra segir gríðarlega mikilvægt að stefna að hallalausum fjárlögum til að stöðva skuldasöfnun ríkissjóðs. Bankaskatturinn verður notaður til að lækka skatta á fyrirtæki og heimili.
Bjarni segir að það sé raunhæft markmið að ríkissjóður skili afgangi á næsta ári. „Það kostar auðvitað markvissar aðgerðir. Við förum í tekjuöflunaraðgerðir með því að breikka bankaskattinn en við sköpum um leið svigrúm til þess að lækka aðra skatta á fyrirtæki og fjölskyldur, með lækkun tekjuskatts og lækkun tryggingagjalds. Hallalaus fjárlög eru gríðarlega mikilvæg til þess að stöðva skuldasöfnun ríkissjóðs sem hefur verið gríðarleg undanfarin ár,“ segir Bjarni.
Hægt er að horfa á viðtalið í heild hér að ofan.
