Flautað til leiksloka og þá byrjaði að snjóa

Snjórinn sem óttast var undanfarnar vikur að myndi gera leikmönnum erfitt fyrir í landsleik Íslands og Króata mætti fyrir rest.

Sem betur fer hafði Alberto Undiano, spænskur dómari leiksins, þegar flautað til leiksloka þegar hvít föl fór að falla á iðagrænan Laugardalsvöll.

Þjálfari Króata, Niko Kovac, hrósaði vallastarfsmönnum á Laugardalsvelli fyrir þeirra þátt í að skapa frábærar aðstæður í Dalnum í kvöld.

Næst verður spiluð knattspyrna á Laugardalsvelli í maí.