Nýtt aðalskipulag Reykjavíkur samþykkt með tólf atkvæðum gegn þremur Haukur Viðar Alfreðsson skrifar 26. nóvember 2013 21:41 Tólf borgarfulltrúar greiddu atkvæði með tillögunni en þrír á móti. mynd/anton Borgarstjórn samþykkti nýtt aðalskipulag Reykjavíkurborgar til ársins 2030 á fundi sínum í dag. Greiddu tólf borgarfulltrúar atkvæði með tillögunni en þrír á móti. Aðalskipulagið er endurskoðun á eldra aðalskipulagi fyrir árin 2001 til 2024. Tillagan var kynnt í samræmi við 30-31. gr skipulagslaga. Aðalskipulagstillagan var kynnt á tímabilinu 9. ágúst til 20. september 2013 en þá rann út frestur til að gera athugasemdir. Tillagan var kynnt samhliða breytingum á svæðisskipulagi höfuðborgarsvæðisins 2001-2024. Viðfangsefni aðalskipulagsins er fyrst og fremst að tryggja heilsu, öryggi og lífsgæði íbúanna um ókomna tíð. Þá geti borgin orðið enn grænni en áður með nýjum áherslum í aðalskipulaginu þar sem núverandi innviðir, svo sem skólar, íþróttamannvirki, veitukerfi og umferðarmannvirki nýtist enn betur. „Mikilvægasti boðskapur þessa aðalskipulags er þétting byggðar. Við ætlum að þétta byggðina þannig að fólk geti búið nær vinnustöðum sínum í stað þess að teygja borgina upp til heiða. Þetta mun auka lífsgæði borgarbúa gríðarlega, draga úr umferð og styrkja borgarsamfélagið á margvíslegan hátt,“ segir Páll Hjaltason formaður umhverfis- og skipulagsráðs. Alls bárust 206 bréf með athugasemdum frá einstaklingum, fyrirtækjum, íbúasamtökum, félagasamtökum og hópum sem stóðu að undirskriftarsöfnunum. Bréfin varða a.m.k. 250 efnisatriði í tillögunni, langflest varða þó flugvöllinn í Vatnsmýrinni. Öllum athugasemdum hefur verið svarað. Athugasemdirnar og svör við þeim voru lagðar fram í umhverfis- og skipulagsráði 25. september og hefur ráðið farið vandlega yfir þær á alls sjö fundum. Helstu breytingar á auglýstri tillögu Helsta breytingin á auglýstri tillögu snýst um tímasetningar vegna samkomulags Reykjavíkurborgar, ríkisins og Icelandair Group um innanlandsflug en það gerir ráð fyrir að norður-suður flugbraut flugvallarins í Vatnsmýri verði áfram í aðalskipulaginu fram til ársins 2022 í stað 2016. Þá eru sett skýrari markmið um mögulega uppbyggingu norðan Suðurlandsbrautar um að ekki verði gengið á opin græn svæði eða þrengt að íþróttastarfsemi í Laugardal. Þá var einnig komið til móts við fjölmargar athugasemdir frá landeigendum á Kjalarnesi vegna nýtingar á þeirra landi. Engar grundvallarbreytingar voru gerðar á stefnu aðalskipulagsins vegna athugasemdanna. Víðtækt kynningarferli á vinnslutímanum Endurskoðun á aðalskipulaginu hefur staðið yfir undanfarin ár og falist í margvíslegri greiningarvinnu, mati valkosta og samráði við íbúa og hagsmunaaðila. Haldnir voru íbúafundir í öllum hverfum borgarinnar árið 2009 og aftur vorið 2012 þar sem íbúum gafst kostur á að skoða drög að aðalskipulaginu, koma með ábendingar og gera við það athugasemdir. Að auki voru haldnir fjölmargir aðrir kynningarfundir í tengslum við vinnu á aðalskipulaginu. Borg fyrir fólk Aðalskipulaginu 2010 – 2030 er skipt í fjögur meginþemu sem nefnast Borg fyrir fólk, Borgin við sundin, Græna borgin og Skapandi borg. Borg fyrir fólk er leiðarvísirinn í nýju aðalskipulagi og tekur stefnumótunin mið af því. Lögð er sérstök áhersla á hverfin og einstaka borgarhluta. Markmiðið er að hverfi borgarinnar verði sjálfbærari, mannvænni og fjölbreyttari þar sem allir félagshópar fá tækifæri til búsetu. Hvert hverfi hafi sinn kjarna svo dagleg verslun og þjónusta verði í sem mestri nálægð við íbúa. Þétting í stað útþenslu Aðalskipulag 2010 - 2030 gerir ráð fyrir að 90% allra nýrra íbúða á tímabilinu rísi innan núverandi marka borgarinnar. Markmiðið er að skapa heildstæðari og þéttari borgarbyggð og nýta þar með betur land og fjárfestingar í gatna- og veitukerfum og þjónustustofnunum. Með þéttari byggð er dregið úr vegalengdum, samgöngukostnaði og umhverfisáhrifum samgangna. Verkefni næstu áratuga er að fullbyggja Borgina við Sundin og því er uppbyggingu nýrra hverfa í útjaðri borgarinnar slegið á frest. Í kaflanum um grænu borgina er gert ráð fyrir að 40% lands verði opin svæði innan þéttbýlis Reykjavíkur ætluð til útivistar, afþreyingar og leikja. Reykjavíkurborg hefur mikinn metnað til að verða grænni og vistvænni og þar gegna samgöngur mikilvægu hlutverki. Stefnt er að því að hlutdeild almenningssamgangna í ferðum til og frá vinnu vaxi úr 4% í 12% á tímabilinu og hlutdeild gangandi og hjólandi vaxi úr 21% í 30%.Hlutverk höfuðborgar styrkt í skapandi borg Í nýju aðalskipulagi er lögð áhersla á að Reykjavík verði skapandi borg með öflugt og fjölbreytt atvinnulíf. Markmið aðalskipulagsins er að viðhalda fjölbreytni og styrk atvinnulífsins og skapa vaxtarskilyrði fyrir nýjar atvinnugreinar, einkum á sviði hátækni, grænnar orkunýtingar og menningar. Lögð er áhersla á að Reykjavík styrki hlutverk sitt sem höfuðborg landsins og verði forystuafl í vaxandi alþjóðlegri samkeppni um fyrirtæki, vinnuafl og ferðamenn. „Þetta aðalskipulag er tímamótaplagg í skipulagsmálum. Með því leggjum við undirstöðuna að sterkri stöðu Reykjavíkur í framtíðinni og búum til betri borg. Nýtt aðalskipulag mun hjálpa okkur að ná þeim markmiðum að gera Reykjavík að vistvænni, grænni, skapandi og skemmtilegri borg sem gott er að búa í og heimsækja hér við sundin blá,“ segir Jón Gnarr borgarstjóri. Aðalskipulagið verður nú sent til Skipulagsstofnunar til staðfestingar. Mest lesið Allt í rugli á Rauðahafi Erlent Rafmagn að koma aftur á: Íslendingar lýsa mikilli óvissu Erlent Carney og Frjálslyndir fóru með sigur af hólmi Erlent Reyndu að brjótast inn í hraðbanka Innlent Mikilvægt að vera betri í bakgarðinum en óvelkomnir gestir Innlent Allt að komast í samt lag á Spáni og í Portúgal Erlent Von á allhvössum vindi og rigningu Veður Hafi verið látinn fljúga þrátt fyrir þekkt andleg veikindi Innlent Starfsfólk Isavia of smeykt til að taka á kaffistofumálinu Innlent Spennan eykst milli Indlands og Pakistan Erlent Fleiri fréttir Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Sjá meira
Borgarstjórn samþykkti nýtt aðalskipulag Reykjavíkurborgar til ársins 2030 á fundi sínum í dag. Greiddu tólf borgarfulltrúar atkvæði með tillögunni en þrír á móti. Aðalskipulagið er endurskoðun á eldra aðalskipulagi fyrir árin 2001 til 2024. Tillagan var kynnt í samræmi við 30-31. gr skipulagslaga. Aðalskipulagstillagan var kynnt á tímabilinu 9. ágúst til 20. september 2013 en þá rann út frestur til að gera athugasemdir. Tillagan var kynnt samhliða breytingum á svæðisskipulagi höfuðborgarsvæðisins 2001-2024. Viðfangsefni aðalskipulagsins er fyrst og fremst að tryggja heilsu, öryggi og lífsgæði íbúanna um ókomna tíð. Þá geti borgin orðið enn grænni en áður með nýjum áherslum í aðalskipulaginu þar sem núverandi innviðir, svo sem skólar, íþróttamannvirki, veitukerfi og umferðarmannvirki nýtist enn betur. „Mikilvægasti boðskapur þessa aðalskipulags er þétting byggðar. Við ætlum að þétta byggðina þannig að fólk geti búið nær vinnustöðum sínum í stað þess að teygja borgina upp til heiða. Þetta mun auka lífsgæði borgarbúa gríðarlega, draga úr umferð og styrkja borgarsamfélagið á margvíslegan hátt,“ segir Páll Hjaltason formaður umhverfis- og skipulagsráðs. Alls bárust 206 bréf með athugasemdum frá einstaklingum, fyrirtækjum, íbúasamtökum, félagasamtökum og hópum sem stóðu að undirskriftarsöfnunum. Bréfin varða a.m.k. 250 efnisatriði í tillögunni, langflest varða þó flugvöllinn í Vatnsmýrinni. Öllum athugasemdum hefur verið svarað. Athugasemdirnar og svör við þeim voru lagðar fram í umhverfis- og skipulagsráði 25. september og hefur ráðið farið vandlega yfir þær á alls sjö fundum. Helstu breytingar á auglýstri tillögu Helsta breytingin á auglýstri tillögu snýst um tímasetningar vegna samkomulags Reykjavíkurborgar, ríkisins og Icelandair Group um innanlandsflug en það gerir ráð fyrir að norður-suður flugbraut flugvallarins í Vatnsmýri verði áfram í aðalskipulaginu fram til ársins 2022 í stað 2016. Þá eru sett skýrari markmið um mögulega uppbyggingu norðan Suðurlandsbrautar um að ekki verði gengið á opin græn svæði eða þrengt að íþróttastarfsemi í Laugardal. Þá var einnig komið til móts við fjölmargar athugasemdir frá landeigendum á Kjalarnesi vegna nýtingar á þeirra landi. Engar grundvallarbreytingar voru gerðar á stefnu aðalskipulagsins vegna athugasemdanna. Víðtækt kynningarferli á vinnslutímanum Endurskoðun á aðalskipulaginu hefur staðið yfir undanfarin ár og falist í margvíslegri greiningarvinnu, mati valkosta og samráði við íbúa og hagsmunaaðila. Haldnir voru íbúafundir í öllum hverfum borgarinnar árið 2009 og aftur vorið 2012 þar sem íbúum gafst kostur á að skoða drög að aðalskipulaginu, koma með ábendingar og gera við það athugasemdir. Að auki voru haldnir fjölmargir aðrir kynningarfundir í tengslum við vinnu á aðalskipulaginu. Borg fyrir fólk Aðalskipulaginu 2010 – 2030 er skipt í fjögur meginþemu sem nefnast Borg fyrir fólk, Borgin við sundin, Græna borgin og Skapandi borg. Borg fyrir fólk er leiðarvísirinn í nýju aðalskipulagi og tekur stefnumótunin mið af því. Lögð er sérstök áhersla á hverfin og einstaka borgarhluta. Markmiðið er að hverfi borgarinnar verði sjálfbærari, mannvænni og fjölbreyttari þar sem allir félagshópar fá tækifæri til búsetu. Hvert hverfi hafi sinn kjarna svo dagleg verslun og þjónusta verði í sem mestri nálægð við íbúa. Þétting í stað útþenslu Aðalskipulag 2010 - 2030 gerir ráð fyrir að 90% allra nýrra íbúða á tímabilinu rísi innan núverandi marka borgarinnar. Markmiðið er að skapa heildstæðari og þéttari borgarbyggð og nýta þar með betur land og fjárfestingar í gatna- og veitukerfum og þjónustustofnunum. Með þéttari byggð er dregið úr vegalengdum, samgöngukostnaði og umhverfisáhrifum samgangna. Verkefni næstu áratuga er að fullbyggja Borgina við Sundin og því er uppbyggingu nýrra hverfa í útjaðri borgarinnar slegið á frest. Í kaflanum um grænu borgina er gert ráð fyrir að 40% lands verði opin svæði innan þéttbýlis Reykjavíkur ætluð til útivistar, afþreyingar og leikja. Reykjavíkurborg hefur mikinn metnað til að verða grænni og vistvænni og þar gegna samgöngur mikilvægu hlutverki. Stefnt er að því að hlutdeild almenningssamgangna í ferðum til og frá vinnu vaxi úr 4% í 12% á tímabilinu og hlutdeild gangandi og hjólandi vaxi úr 21% í 30%.Hlutverk höfuðborgar styrkt í skapandi borg Í nýju aðalskipulagi er lögð áhersla á að Reykjavík verði skapandi borg með öflugt og fjölbreytt atvinnulíf. Markmið aðalskipulagsins er að viðhalda fjölbreytni og styrk atvinnulífsins og skapa vaxtarskilyrði fyrir nýjar atvinnugreinar, einkum á sviði hátækni, grænnar orkunýtingar og menningar. Lögð er áhersla á að Reykjavík styrki hlutverk sitt sem höfuðborg landsins og verði forystuafl í vaxandi alþjóðlegri samkeppni um fyrirtæki, vinnuafl og ferðamenn. „Þetta aðalskipulag er tímamótaplagg í skipulagsmálum. Með því leggjum við undirstöðuna að sterkri stöðu Reykjavíkur í framtíðinni og búum til betri borg. Nýtt aðalskipulag mun hjálpa okkur að ná þeim markmiðum að gera Reykjavík að vistvænni, grænni, skapandi og skemmtilegri borg sem gott er að búa í og heimsækja hér við sundin blá,“ segir Jón Gnarr borgarstjóri. Aðalskipulagið verður nú sent til Skipulagsstofnunar til staðfestingar.
Mest lesið Allt í rugli á Rauðahafi Erlent Rafmagn að koma aftur á: Íslendingar lýsa mikilli óvissu Erlent Carney og Frjálslyndir fóru með sigur af hólmi Erlent Reyndu að brjótast inn í hraðbanka Innlent Mikilvægt að vera betri í bakgarðinum en óvelkomnir gestir Innlent Allt að komast í samt lag á Spáni og í Portúgal Erlent Von á allhvössum vindi og rigningu Veður Hafi verið látinn fljúga þrátt fyrir þekkt andleg veikindi Innlent Starfsfólk Isavia of smeykt til að taka á kaffistofumálinu Innlent Spennan eykst milli Indlands og Pakistan Erlent Fleiri fréttir Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Sjá meira