Hannaði Herra Tré í minningu afa síns Álfrún Pálsdóttir skrifar 26. febrúar 2013 13:00 Heiðdís Inga Hilmarsdóttir hefur hannað herðatréð, Herra Tré, í tilefni af Mottumars en allur ágóðinn af sölunni rennur til Krabbameinsfélaginu. Verkefnið er til heiðurs afa Heiðdísar sem lést fyrir ári síðan. Fréttablaðið/valli Hönnunarneminn Heiðdís Inga Hilmarsdóttir hefur hannað herðatré, Herra Tré, sem er eins og yfirvaraskegg í laginu, til styrktar Krabbameinsfélaginu í tilefni af Mottumars. Trén eru gerð í minningu afa Heiðdísar sem lést fyrir ári síðan. „Við pabbi höfum verið föst úti í bílskúr síðustu daga að slípa, pússa og lakka en þetta er smá handavinna," segir hönnunarneminn Heiðdís Inga Hilmarsdóttir sem hefur hannað herðatré í laginu eins og yfirvaraskegg. Herðatréð nefnist Herra Tré og er hannað með Mottumars í huga en allur ágóðinn af sölunni rennur beint til Krabbameinsfélagsins. Það er svart að lit með gylltum krók en þetta er fyrsta verkefni Heiðdísar sem hannar undir merkinu Hind. Heiðdís segir hugmyndina hafa skotið upp kollinum fyrir ári síðan er afi hennar, Þórir Þórðarson, lést eftir erfið veikindi. „Herðatrén eru gerð í hans minningu. Þegar hann dó var ég stödd í heimsreisu og náði því ekki að kveðja almennilega. Mig langaði að koma beint heim þegar hann dó en ég veit hann hefði viljað að ég héldi ferðalaginu áfram. Herra Tré er því honum til heiðurs enda var hann mér mjög kær og góður vinur." Heiðdís var tilbúin með prufueintak af herðatrénu í haust og hóf þá ferlið. „Ég teiknaði það upp og Krabbameinsfélagið tók strax mjög vel í hugmyndina. Slippurinn á Akureyri sér um að skera tréð út fyrir mig en ég pússa það til, lakka og skrúfa. Ég er svo heppin að pabbi hefur verið að aðstoða mig upp á síðkastið." Heiðdís stundar nám á hönnunarbraut í Tækniskólanum og segir ferlið í kringum framleiðsluna hafi verið lærdómsríkt fyrir sig. „Þetta er búið að vera mikil reynsla og ómetanlegt á ferilskrána. Margt sem þarf að huga að þegar kemur að framleiðsluhlutanum," segir Heiðdís, sem stefnir á áframhaldandi hönnunarnám hérlendis eða erlendis næsta haust. Herra Tré fer í sölu þann 1. mars næstkomandi og fæst í Hrími hönnunarhúsi á Laugaveginum. Þau kosta 5.000 krónur stykkið en þegar hafa fjölmargir vinir og vandamenn lagt inn pöntun hjá Heiðdísi. „Ég geri mér enga grein fyrir hver viðbrögðin verða og lét gera 50 stykki til að byrja með. Svo hef ég hannað brúnar öskjur sem hvert herðatré kemur í. Miðað við þær pantanir sem ég hef fengið nú þegar þarf ég líklega að gera fleiri fljótlega." Hægt er að finna frekari upplýsingar um Herra Tré á Facebook undir slóðinni Hindisleg. Mest lesið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið Gaf eiginmanninum nektarmynd á stórafmælinu Lífið Íris Ósk selur tryllt hönnunarhús Lífið Fyndnustu dýralífsmyndir ársins Lífið Fleiri fréttir Ógleymanlegt fermingarpils enn í uppáhaldi Kátir tískukarlar hjá Kölska Best klæddu stjörnurnar á Emmy verðlaununum Hægt og rólega að finna stílinn sinn aftur eftir barneignir Mætti á nærfötunum einum klæða Tár, gleði, hátíska og ást hjá Línu og Gumma í New York Tískan við þingsetningu: Hverjir voru í hverju? Halla valdi drapplitað fyrir þingsetninguna Laufey prýðir forsíðu Vogue Óþægilegir skór undantekningalaust slæm hugmynd Rakel María afhjúpar skotheldar leynileiðir í förðun Helen Óttars í herferð Juicy Couture „Banna mér alfarið að hugsa um föt sem karla- og kvennaföt“ Kemur með íslenskan innblástur til hátískuheimsins í París Ríflega þúsund manns skemmtu sér í bílakjallara Elskar að ögra og klæða sig þveröfugt við tilefnið „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Sjá meira
Hönnunarneminn Heiðdís Inga Hilmarsdóttir hefur hannað herðatré, Herra Tré, sem er eins og yfirvaraskegg í laginu, til styrktar Krabbameinsfélaginu í tilefni af Mottumars. Trén eru gerð í minningu afa Heiðdísar sem lést fyrir ári síðan. „Við pabbi höfum verið föst úti í bílskúr síðustu daga að slípa, pússa og lakka en þetta er smá handavinna," segir hönnunarneminn Heiðdís Inga Hilmarsdóttir sem hefur hannað herðatré í laginu eins og yfirvaraskegg. Herðatréð nefnist Herra Tré og er hannað með Mottumars í huga en allur ágóðinn af sölunni rennur beint til Krabbameinsfélagsins. Það er svart að lit með gylltum krók en þetta er fyrsta verkefni Heiðdísar sem hannar undir merkinu Hind. Heiðdís segir hugmyndina hafa skotið upp kollinum fyrir ári síðan er afi hennar, Þórir Þórðarson, lést eftir erfið veikindi. „Herðatrén eru gerð í hans minningu. Þegar hann dó var ég stödd í heimsreisu og náði því ekki að kveðja almennilega. Mig langaði að koma beint heim þegar hann dó en ég veit hann hefði viljað að ég héldi ferðalaginu áfram. Herra Tré er því honum til heiðurs enda var hann mér mjög kær og góður vinur." Heiðdís var tilbúin með prufueintak af herðatrénu í haust og hóf þá ferlið. „Ég teiknaði það upp og Krabbameinsfélagið tók strax mjög vel í hugmyndina. Slippurinn á Akureyri sér um að skera tréð út fyrir mig en ég pússa það til, lakka og skrúfa. Ég er svo heppin að pabbi hefur verið að aðstoða mig upp á síðkastið." Heiðdís stundar nám á hönnunarbraut í Tækniskólanum og segir ferlið í kringum framleiðsluna hafi verið lærdómsríkt fyrir sig. „Þetta er búið að vera mikil reynsla og ómetanlegt á ferilskrána. Margt sem þarf að huga að þegar kemur að framleiðsluhlutanum," segir Heiðdís, sem stefnir á áframhaldandi hönnunarnám hérlendis eða erlendis næsta haust. Herra Tré fer í sölu þann 1. mars næstkomandi og fæst í Hrími hönnunarhúsi á Laugaveginum. Þau kosta 5.000 krónur stykkið en þegar hafa fjölmargir vinir og vandamenn lagt inn pöntun hjá Heiðdísi. „Ég geri mér enga grein fyrir hver viðbrögðin verða og lét gera 50 stykki til að byrja með. Svo hef ég hannað brúnar öskjur sem hvert herðatré kemur í. Miðað við þær pantanir sem ég hef fengið nú þegar þarf ég líklega að gera fleiri fljótlega." Hægt er að finna frekari upplýsingar um Herra Tré á Facebook undir slóðinni Hindisleg.
Mest lesið Maggie Smith er látin Lífið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið Gaf eiginmanninum nektarmynd á stórafmælinu Lífið Íris Ósk selur tryllt hönnunarhús Lífið Fyndnustu dýralífsmyndir ársins Lífið Fleiri fréttir Ógleymanlegt fermingarpils enn í uppáhaldi Kátir tískukarlar hjá Kölska Best klæddu stjörnurnar á Emmy verðlaununum Hægt og rólega að finna stílinn sinn aftur eftir barneignir Mætti á nærfötunum einum klæða Tár, gleði, hátíska og ást hjá Línu og Gumma í New York Tískan við þingsetningu: Hverjir voru í hverju? Halla valdi drapplitað fyrir þingsetninguna Laufey prýðir forsíðu Vogue Óþægilegir skór undantekningalaust slæm hugmynd Rakel María afhjúpar skotheldar leynileiðir í förðun Helen Óttars í herferð Juicy Couture „Banna mér alfarið að hugsa um föt sem karla- og kvennaföt“ Kemur með íslenskan innblástur til hátískuheimsins í París Ríflega þúsund manns skemmtu sér í bílakjallara Elskar að ögra og klæða sig þveröfugt við tilefnið „Klæddu þig eftir veðri, ekki verði“ Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Sjá meira