Friðlýsing Þjórsárvera lögð í salt Svavar Hávarðsson skrifar 22. júní 2013 07:00 Norðlingaölduveita og tengdar virkjanir Sigurður Ingi Jóhannsson, umhverfis- og auðlindaráðherra, ákvað í gær að fresta undirritun vegna stækkunar friðlands í Þjórsárverum. Brást hann við eftir að forstjóri Landsvirkjunar sendi ráðuneytinu og Umhverfisstofnun skorinort bréf þar sem fyrirtækið áskilur sér rétt til að fara fyrir dómstóla ef málinu verði ekki frestað. Hörður Arnarson, forstjóri Landsvirkjunar, sendi Sigurði Inga bréf á fimmtudag þar sem hann lýsir yfir furðu sinni á boðskorti í nafni ráðuneytisstjóra umhverfisráðuneytisins og forstjóra Umhverfisstofnunar sem honum hafði borist daginn áður. Þar var honum, eins og um 70 öðrum, boðið að vera viðstaddur undirritun friðlýsingu Þjórsárvera í félagsheimilinu Árnesi í Skeiða- og Gnúpverjahreppi. Þar segir að boðskortið hafi komið „verulega á óvart“, enda hafi fyrirtækið ekki fengið neinar upplýsingar að það stæði til að ganga frá stækkun friðlandsins.Iðnaðarráðherra segir fréttir Þrátt fyrir ákvörðun Sigurðar Inga fengust fyrst fréttir af því að hugsanlega yrði málinu frestað í viðtali mbl.is við Ragnheiði Elínu Árnadóttur, iðnaðar- og viðskiptaráðherra. Þar sagðist hún hafa farið fram á það við Sigurð Inga að hann frestaði undirritun og að hann færi betur yfir málið, en Landsvirkjun hafði sent Ragnheiði afrit af bréfinu. Kristín Linda Árnadóttir, forstjóri Umhverfisstofnunar, tekur undir það að í bréfi Landsvirkjunar felist þungar ásakanir, að stjórnsýsluferlið standist ekki landslög. „En þar er að finna athugasemdir sem hafa ekki komið fram áður, svo við töldum rétt að skoða þær,“ sagði Kristín og bætti við að lögfræðingar umhverfis- og auðlindaráðuneytis og Umhverfisstofnunar væru að fara yfir athugasemdir Landsvirkjunar sameiginlega. Alþingi Í óundirbúnum fyrirspurnartíma á Alþingi í gær tók Svandís Svavarsdóttir, þingmaður Vinstri grænna, málið upp og innti forsætisráðherra eftir afstöðu sinni til friðlandsins í Þjórsárverum og því á hverju þessi ákvörðun væri byggð - og duldist engum að fyrrverandi umhverfisráðherra var misboðið. Furðaði Svandís sig á því að upplýsingarnar komu fram í viðtali við iðnaðarráðherra, en ekki umhverfisráðherra sem málaflokkurinn heyrir undir. „Hér er enn eitt dæmið um það hversu undarlega umhverfismálum er skipað í nýrri ríkisstjórn, náttúruvernd mætir þar afgangi,“ sagði Svandís. Sigmundur Davíð Gunnlaugsson sagði að vinna þyrfti mál faglega og huga að samráði við aðila sem málinu tengjast. Hvað friðlýsinguna varðaði sagði forsætisráðherra að Svandísi ætti að vera það ljóst að frestunin var tilkomin vegna athugasemda sem bárust frá sveitarfélögum og Landsvirkjun. Eðlilegt hefði verið talið að gefa hagsmunaaðilum tækifæri til að koma ábendingum sínum á framfæri.Norðlingaölduveita Árni Finnsson, formaður Náttúruverndarsamtaka Íslands, gagnrýndi ákvörðun Sigurðar Inga harðlega í viðtali við Vísi í gær. „Þetta er fordæmalaus uppákoma. Um er að ræða svæði sem er í verndarflokki samkvæmt rammaáætlun og Landsvirkjun hefur engar athugasemdir gert við þá samþykkt Alþingis að Þjórsárver væru í verndarflokki. Núna er greinilegt að Landsvirkjun vill færa Þjórsárver úr verndarflokki í nýtingarflokk. Þá má segja að Landsvirkjun hafi rofið þann frið sem hefur náðst um rammaáætlun,“ sagði Árni. Landsvirkjun sendi frá sér fréttatilkynningu síðdegis í gær vegna málsins. Þar kemur fram, eins og oft áður, mat fyrirtækisins að Norðlingaölduveita sé með hagkvæmustu virkjunarkostum á landinu og langt utan núverandi friðlandsmarka Þjórsárvera, en innan fyrirhugaðrar stækkunar friðlandsins til suðurs. „Í tilfelli Norðlingaölduveitu, sem Alþingi veitti heimild til að reisa árið 2003, telur Landsvirkjun eðlilegt að færi sé gefið á að endurskoða núverandi tilhögun, t.d. mismunandi rekstrarhæðir veitulóns. Áform um stækkun friðlandsins til suðurs myndi útiloka slíka breytta tilhögun. Landsvirkjun hefur lagt áherslu á bæði nýtingar- og verndarsjónarmið við útfærslu á Norðlingaölduveitu en sú friðlýsing, sem lögð er til, virðist koma í veg fyrir að slíkur kostur sé tekinn til skoðunar,“ segir í tilkynningu fyrirtækisins. Bent skal á að unnið hefur verið að stækkum friðlandsins í Þjórsárverum samkvæmt náttúruverndaráætlun 2009-2013. Með stækkuninni hefði friðlandið stækkað úr 375 ferkílómetrum eins og nú er, í 1.563 ferkílómetra.Landsvirkjun styður stækkun friðlands➜Málsmeðferð ólögmætLandsvirkjun hefur gert athugasemdir við drög að friðlýsingarskilmálum um friðland í Þjórsárverum og bent á að undirritun þeirra í dag [gær] hefði ekki staðist lög í ljósi verulegra annmarka á málsmeðferð. Landsvirkjun er augljós hagsmunaaðili á svæðinu og skiptir fyrirtækið því miklu máli að málsmeðferðin sé lögmæt, málefnaleg og vönduð. […] Sú málsmeðferð, að undanskilja Landsvirkjun sem hagsmunaaðila í þessu friðlýsingarferli, stenst ekki skoðun og því þarf að koma til kasta ráðuneytisins að fylgja lögbundinni málsmeðferð.➜ Landsvirkjun styður stækkun friðlands Þjórsárvera Landsvirkjun ítrekar að fyrirtækið styður stækkun friðlands Þjórsárvera og setur sig ekki á móti friðlýsingum, þvert á móti er friðlýsing studd þar sem það á við. Landsvirkjun hefur vakið athygli Alþingis á að fyrirtækið styðji þá stækkunartillögu sem samstarfshópur umhverfisráðuneytis og viðkomandi sveitarfélaga náði samkomulagi um á árinu 2007 þar sem var lagt til að friðlandið verði stækkað til norðausturs og til vesturs en ekki til suðurs.Fréttatilkynning Landsvirkjunar í gær. Mest lesið Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Njósnaaðgerðir sagðar tengjast deilum tveggja af auðugustu mönnum landsins Innlent „Miklu svakalegra en ég gerði mér grein fyrir“ Innlent Árásarmannsins enn leitað Erlent Boðar brottfararstöð fyrir hælisleitendur Innlent Furðar sig á umdeildri Exit-auglýsingu og hækkar veiðigjöldin Innlent „Viltu ekki tala við mig eins og ég sé gamalmenni“ Innlent „Fyrst hélt ég að þetta væri eitthvað grín“ Innlent „Í guðanna bænum höldum vöku okkar við aksturinn" Innlent Fleiri fréttir Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sjá meira
Sigurður Ingi Jóhannsson, umhverfis- og auðlindaráðherra, ákvað í gær að fresta undirritun vegna stækkunar friðlands í Þjórsárverum. Brást hann við eftir að forstjóri Landsvirkjunar sendi ráðuneytinu og Umhverfisstofnun skorinort bréf þar sem fyrirtækið áskilur sér rétt til að fara fyrir dómstóla ef málinu verði ekki frestað. Hörður Arnarson, forstjóri Landsvirkjunar, sendi Sigurði Inga bréf á fimmtudag þar sem hann lýsir yfir furðu sinni á boðskorti í nafni ráðuneytisstjóra umhverfisráðuneytisins og forstjóra Umhverfisstofnunar sem honum hafði borist daginn áður. Þar var honum, eins og um 70 öðrum, boðið að vera viðstaddur undirritun friðlýsingu Þjórsárvera í félagsheimilinu Árnesi í Skeiða- og Gnúpverjahreppi. Þar segir að boðskortið hafi komið „verulega á óvart“, enda hafi fyrirtækið ekki fengið neinar upplýsingar að það stæði til að ganga frá stækkun friðlandsins.Iðnaðarráðherra segir fréttir Þrátt fyrir ákvörðun Sigurðar Inga fengust fyrst fréttir af því að hugsanlega yrði málinu frestað í viðtali mbl.is við Ragnheiði Elínu Árnadóttur, iðnaðar- og viðskiptaráðherra. Þar sagðist hún hafa farið fram á það við Sigurð Inga að hann frestaði undirritun og að hann færi betur yfir málið, en Landsvirkjun hafði sent Ragnheiði afrit af bréfinu. Kristín Linda Árnadóttir, forstjóri Umhverfisstofnunar, tekur undir það að í bréfi Landsvirkjunar felist þungar ásakanir, að stjórnsýsluferlið standist ekki landslög. „En þar er að finna athugasemdir sem hafa ekki komið fram áður, svo við töldum rétt að skoða þær,“ sagði Kristín og bætti við að lögfræðingar umhverfis- og auðlindaráðuneytis og Umhverfisstofnunar væru að fara yfir athugasemdir Landsvirkjunar sameiginlega. Alþingi Í óundirbúnum fyrirspurnartíma á Alþingi í gær tók Svandís Svavarsdóttir, þingmaður Vinstri grænna, málið upp og innti forsætisráðherra eftir afstöðu sinni til friðlandsins í Þjórsárverum og því á hverju þessi ákvörðun væri byggð - og duldist engum að fyrrverandi umhverfisráðherra var misboðið. Furðaði Svandís sig á því að upplýsingarnar komu fram í viðtali við iðnaðarráðherra, en ekki umhverfisráðherra sem málaflokkurinn heyrir undir. „Hér er enn eitt dæmið um það hversu undarlega umhverfismálum er skipað í nýrri ríkisstjórn, náttúruvernd mætir þar afgangi,“ sagði Svandís. Sigmundur Davíð Gunnlaugsson sagði að vinna þyrfti mál faglega og huga að samráði við aðila sem málinu tengjast. Hvað friðlýsinguna varðaði sagði forsætisráðherra að Svandísi ætti að vera það ljóst að frestunin var tilkomin vegna athugasemda sem bárust frá sveitarfélögum og Landsvirkjun. Eðlilegt hefði verið talið að gefa hagsmunaaðilum tækifæri til að koma ábendingum sínum á framfæri.Norðlingaölduveita Árni Finnsson, formaður Náttúruverndarsamtaka Íslands, gagnrýndi ákvörðun Sigurðar Inga harðlega í viðtali við Vísi í gær. „Þetta er fordæmalaus uppákoma. Um er að ræða svæði sem er í verndarflokki samkvæmt rammaáætlun og Landsvirkjun hefur engar athugasemdir gert við þá samþykkt Alþingis að Þjórsárver væru í verndarflokki. Núna er greinilegt að Landsvirkjun vill færa Þjórsárver úr verndarflokki í nýtingarflokk. Þá má segja að Landsvirkjun hafi rofið þann frið sem hefur náðst um rammaáætlun,“ sagði Árni. Landsvirkjun sendi frá sér fréttatilkynningu síðdegis í gær vegna málsins. Þar kemur fram, eins og oft áður, mat fyrirtækisins að Norðlingaölduveita sé með hagkvæmustu virkjunarkostum á landinu og langt utan núverandi friðlandsmarka Þjórsárvera, en innan fyrirhugaðrar stækkunar friðlandsins til suðurs. „Í tilfelli Norðlingaölduveitu, sem Alþingi veitti heimild til að reisa árið 2003, telur Landsvirkjun eðlilegt að færi sé gefið á að endurskoða núverandi tilhögun, t.d. mismunandi rekstrarhæðir veitulóns. Áform um stækkun friðlandsins til suðurs myndi útiloka slíka breytta tilhögun. Landsvirkjun hefur lagt áherslu á bæði nýtingar- og verndarsjónarmið við útfærslu á Norðlingaölduveitu en sú friðlýsing, sem lögð er til, virðist koma í veg fyrir að slíkur kostur sé tekinn til skoðunar,“ segir í tilkynningu fyrirtækisins. Bent skal á að unnið hefur verið að stækkum friðlandsins í Þjórsárverum samkvæmt náttúruverndaráætlun 2009-2013. Með stækkuninni hefði friðlandið stækkað úr 375 ferkílómetrum eins og nú er, í 1.563 ferkílómetra.Landsvirkjun styður stækkun friðlands➜Málsmeðferð ólögmætLandsvirkjun hefur gert athugasemdir við drög að friðlýsingarskilmálum um friðland í Þjórsárverum og bent á að undirritun þeirra í dag [gær] hefði ekki staðist lög í ljósi verulegra annmarka á málsmeðferð. Landsvirkjun er augljós hagsmunaaðili á svæðinu og skiptir fyrirtækið því miklu máli að málsmeðferðin sé lögmæt, málefnaleg og vönduð. […] Sú málsmeðferð, að undanskilja Landsvirkjun sem hagsmunaaðila í þessu friðlýsingarferli, stenst ekki skoðun og því þarf að koma til kasta ráðuneytisins að fylgja lögbundinni málsmeðferð.➜ Landsvirkjun styður stækkun friðlands Þjórsárvera Landsvirkjun ítrekar að fyrirtækið styður stækkun friðlands Þjórsárvera og setur sig ekki á móti friðlýsingum, þvert á móti er friðlýsing studd þar sem það á við. Landsvirkjun hefur vakið athygli Alþingis á að fyrirtækið styðji þá stækkunartillögu sem samstarfshópur umhverfisráðuneytis og viðkomandi sveitarfélaga náði samkomulagi um á árinu 2007 þar sem var lagt til að friðlandið verði stækkað til norðausturs og til vesturs en ekki til suðurs.Fréttatilkynning Landsvirkjunar í gær.
Mest lesið Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Njósnaaðgerðir sagðar tengjast deilum tveggja af auðugustu mönnum landsins Innlent „Miklu svakalegra en ég gerði mér grein fyrir“ Innlent Árásarmannsins enn leitað Erlent Boðar brottfararstöð fyrir hælisleitendur Innlent Furðar sig á umdeildri Exit-auglýsingu og hækkar veiðigjöldin Innlent „Viltu ekki tala við mig eins og ég sé gamalmenni“ Innlent „Fyrst hélt ég að þetta væri eitthvað grín“ Innlent „Í guðanna bænum höldum vöku okkar við aksturinn" Innlent Fleiri fréttir Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sjá meira