Sjáðu glæsimark Gumma

Bolvíkingurinn Guðmundur Kristjánsson skoraði stórkostlegt mark beint úr aukaspyrnu í 3-3 jafntefli Start gegn Brann í norsku úrvalsdeildinni í knattspyrnu í gær.

Mark Guðmundar var ekki aðeins glæsilegt heldur jafnaði hann metin í 3-3 gegn Brann sem er í efri hluta deildarinnar. Nýliðar Start eru meðal neðstu liða og hvert stig því dýrmætt.

Á heimasíðu norska vefmiðilsins Dagbladet má sjá markið glæsileg. Þar er markinu lýst sem „biluðu marki Íslendingsins". Mark Guðmundar má sjá með því að smella hér. Óhætt er að fullyrða að þess virði sé að skoða það.