"Hann er bestur. Hann er bestur“

Leikkonan Eva Mendes mætti á viðburð í New York á þriðjudagskvöld og var meðal annars spurð út í nýjustu mynd kærasta síns, leikarans Ryans Gosling, How to Catch a Monster.

„Já, það er falleg, falleg mynd. Ég veit að ég er hlutdræg. Hann er bestur. Hann er bestur,“ sagði Eva.

Mikið hefur verið slúðrað um að samband þeirra standi á brauðfótum en þau hafa ekki staðfest þann orðróm. Eva og Ryan byrjuðu saman í september árið 2011 og eyddu meðal annars gæðastundum í Reykjavík í fyrra.