Nikitaclothing.com var valinn besti vefurinn á íslensku vefverðlaununum, sem afhent voru við hátíðlega athöfn í Gamla Bíói í dag.
„Íslensku vefverðlaunin eru uppskeruhátíð vefiðnaðarins á Íslandi, haldin með það að markmiði að efla iðnaðinn, verðlauna framúrskarandi verkefni og hvetja þá sem starfa á þessum vettvangi til dáða. Verðlaunin voru fyrst veitt árið 2000 og hafa vaxið og dafnað með hverju árinu sem líður,“ segir í fréttatilkynningu frá Samtökum vefiðnaðarins.
Hér fylgja verðlaunahafar hinna flokkanna þrettán.
Athyglisverðasta verkefnið, sem kosið var af félagsmönnum SVEF er spurningaleikurinn QuizUp.
Besti fyrirtækjavefurinn, í flokknum lítil og meðalstór fyrirtæki, er nikitaclothing.com.
Besti fyrirtækjavefurinn, í flokknum stærri fyrirtæki, er alvogen.com.
Aðgengilegasti vefurinn er vefur Fjársýslu ríkisins, fjs.is.
Besti innri vefurinn er þjónustuvefur Mílu, thonusta.mila.is.
Besta appið er QuizUp.
Mesta markaðsherferðin á netinu er herferðin Höldum fókus.
Besti einstaklingsvefurinn er haraldurthorleifsson.com.
Besti „non-profit“ vefurinn er vegvisir.is.
Besti vefmiðillinn er visindavefur.is.
Besti opinberi vefurinn er vefur Matís, matis.is.
Frumlegasti vefurinn er draumamadurinn.is.
Vefurinn með bestu hönnunina og viðmótið eru haraldurthorleifsson.com.
QuizUp með tvenn verðlaun
