Atvinnumenn í internettölvuleik Fanney Birna Jónsdóttir skrifar 26. febrúar 2014 09:10 Aðalsteinn er "Senior Developement Director“ eða þróunarstjóri hjá leikjafyrirtækinu Riot Games. Vísir/Colin Young-Wolff Riot Games „League of Legends, eða LoL eins og hann er oft kallaður, er langstærsti netleikurinn sem spilaður er í heiminum í dag, það er að segja PC-leikur,“ segir Aðalsteinn Óttarsson í samtali við Markaðinn í dag. Aðalsteinn er „Senior Developement Director“ eða þróunarstjóri hjá leikjafyrirtækinu Riot Games sem gefur út leikinn. Um 27 milljónir spilara spila leikinn á degi hverjum og 67 milljónir á mánuði. Hjá fyrirtækinu starfa yfir 1.400 manns á heimsvísu og yfir 800 eru starfandi í höfuðstöðvum þess í Santa Monica í Los Angeles í Bandaríkjunum.Byrjaði hjá OZ Aðalsteinn starfaði áður sem forritari og síðar við verkefna- og framleiðslustjórnun hjá íslenska leikjafyrirtækinu CCP sem allir þekkja. „Ég var það heppinn að vera ráðinn inn í fyrirtækið OZ seint á tíunda áratugnum sem forritari. Þar hitti ég mikið af frábæru fólki sem síðar fór og stofnaði CCP og ég fór með. Ég var þar að forrita, en stuttu eftir að góður vinur minn slóst í hópinn, benti hann mér á það að ég væri ekkert sérlega góður í því og fór að huga að verkefnastjórnun og innleiðingu á aðferðafræðum,“ segir Aðalsteinn. Hann kynntist Riot games skömmu eftir að fyrirtækið gaf út LoL og var í sambandi við stjórnendur þess á ráðstefnum og öðrum viðburðum. Hann segir fyrirtækið keimlíkt CCP að því leytinu til, að leikurinn er gefinn út beint til spilaranna og notuð er svipuð aðferðafræði við að skila honum út til þeirra.Stríð milli fylkinga Sögusvið League of Legends er heimurinn Runeterra þar sem hinar ýmsu fylkingar háðu hatrömm stríð sín á milli. Eftir því sem eyðilegging og ókyrrð vegna þessara stríða jókst í Runeterra varð ljóst að nýja lausn þurfti til þess að útkljá valdabaráttuna. Galdramenn einnar fylkingarinnar bjuggu því til Réttlætisvöllinn, þar sem stríð eru háð án þess að stofna almennum borgurum í hættu. Helstu stríðsmenn hverrar fylkingar byrjuðu að keppa um réttinn til þess að berjast fyrir þjóð sína og hljóta þann heiður að komast í hóp virtustu stríðsmanna Runeterra. League of Legends er nettengdur fjölspilunarleikur með 10 spilurum í hverjum leik, fimm í hvoru liði. Hver spilari stjórnar einni hetju sem hann velur fyrir leikinn úr hópi 117 hetja. Leikurinn byggir á svipuðum lögmálum og aðrir tölvuleikir, það er, spilarinn safnar fjármunum (gulli) og reynslustigum á meðan á leiknum stendur. Reynslustigin fara í að þróa krafta hetjunnar á meðan gullið fer í að kaupa hluti sem styrkja hinar ýmsu hliðar hetjunnar, eins og að auka skaða hetjunnar eða byggja upp meira þol gagnvart skaða. Hver leikur endist í um 35 til 45 mínútur og er markmiðið að eyðileggja turna og bækistöð óvinaliðsins og leikurinn vinnst þegar aðalbygging óvinarins er eyðilögð.Leikurinn einfaldlega góður Hlutverk Aðalsteins í vinnunni er að leiða teymi sem vinnur að lóðsun og stjórnun á þróunarteymum tölvuleiksins og er ábyrgur fyrir vinnukerfinu, sem allir í þessu umhverfi vinna eftir, og einnig stöðugum endurbótum á því. „Þetta eru um 400 manns sem vinna í teymum og skila frá sér tölvuleiknum á tveggja til þriggja vikna fresti til spilara úti um allan heim. Ég samkeyri það sem þessi teymi eru að gera,“ segir Aðalsteinn, sem segist einblína á að ganga úr skugga um að teymin nái eins góðum árangri og þau mögulega geta. Hann segir ástæðu velgengninnar aðallega vera þá að leikurinn sé einfaldlega rosalega góður. „Svo hefur hann mikið endurspilunargildi. Það er mikil dýpt og breidd í leiknum og þó það sé svolítið flókið að byrja að spila þá lærir maður fljótt inn á hann,“ segir Aðalsteinn.Síðasta heimsmeistaramót í LoL var haldið í Staples Center í Los Angeles, á heimavelli körfuboltaliðsins LA Lakers.Vísir/JesterAtvinnumenn í LoL „Leikurinn er spilaður bæði af nýgræðingum eða áhugamönnum úti um allan heim. En það er líka keppt í þessu sem íþróttagrein á heimsvísu. Það er bara hefðbundið atvinnumannaumhverfi. Aðalsteinn segir muninn á þeim sem spila leikinn sér til dundurs og öðrum sem spila á hæstu stigum og keppa til að mynda á heimsmeistaramótum vera gríðarlegan. „Þetta er atvinnumannaíþrótt, bæði eru almennt peningaverðlaun í boði og síðan eru liðin styrkt af fyrirtækjum um allan heim,“ segir Aðalsteinn. Sem dæmi er lið frá Danmörku, Copenhagen Wolves, styrkt af Adidas. Þá segir Aðalsteinn þekkja dæmi um lið sem haldi til í villu í Beverly Hills þar sem liðsmenn búa allir saman, æfa alla daga og gera ekkert annað. „Þá erum við með vikulegar útsendingar frá keppnum úti um allan heim. Það er meira áhorf á þessar vikulegu útsendingar okkar af keppnum LoL heldur en útsendingar af hafnabolta, sem er þjóðaríþrótt Bandaríkjanna,“ segir Aðalsteinn. Leikurinn er ókeypis og hægt er að spila endalaust án þess að greiða nokkuð fyrir það. Aðalsteinn segir þó að tekjumódelið sé traust. „Þetta virkar þannig að við bjóðum upp á yfir 100 hetjur sem hafa hver og ein ákveðna hæfileika. Í hverri viku er ókeypis að spila tíu af þessum rúmlega 100 hetjum en það er breytilegt hverjar þær eru. Fólki finnst oft gaman að spila eina ákveðna hetju og þá kaupir það hana. Síðan gerir fólk útlitsbreytingar á sínum hetjum, til að persónugera þær. Það er oft mjög flott og fallegt og við erum með sérstaka hönnuði sem eru bara í því að gera þessar útlitsbreytingar,“ segir Aðalsteinn.Miðja tölvuleikjaiðnaðarins Aðspurður um muninn á því að vinna í leikjabransanum úti og heima segir Aðalsteinn léttur að mesti munurinn felist í loftslaginu. „En við leggjum rosalega mikið upp úr því að ráða til okkar toppfólk og það er töluvert auðveldara í borg eins og Los Angeles, sem er mikil miðja tölvuleikja- og skemmtanaiðnaðarins, að sannfæra fólk um að flytjast hingað heldur en á eyju í norðanverðu Atlantshafi.“ Tengdar fréttir Tölvuleikjamarkaðurinn þenst út Leikir á netinu og í fartæki kynda undir gífurlegan vöxt í leikjaiðnaði. Tekjuspár nálgast stjarnfræðilegar stærðir. 26. febrúar 2014 10:14 Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
„League of Legends, eða LoL eins og hann er oft kallaður, er langstærsti netleikurinn sem spilaður er í heiminum í dag, það er að segja PC-leikur,“ segir Aðalsteinn Óttarsson í samtali við Markaðinn í dag. Aðalsteinn er „Senior Developement Director“ eða þróunarstjóri hjá leikjafyrirtækinu Riot Games sem gefur út leikinn. Um 27 milljónir spilara spila leikinn á degi hverjum og 67 milljónir á mánuði. Hjá fyrirtækinu starfa yfir 1.400 manns á heimsvísu og yfir 800 eru starfandi í höfuðstöðvum þess í Santa Monica í Los Angeles í Bandaríkjunum.Byrjaði hjá OZ Aðalsteinn starfaði áður sem forritari og síðar við verkefna- og framleiðslustjórnun hjá íslenska leikjafyrirtækinu CCP sem allir þekkja. „Ég var það heppinn að vera ráðinn inn í fyrirtækið OZ seint á tíunda áratugnum sem forritari. Þar hitti ég mikið af frábæru fólki sem síðar fór og stofnaði CCP og ég fór með. Ég var þar að forrita, en stuttu eftir að góður vinur minn slóst í hópinn, benti hann mér á það að ég væri ekkert sérlega góður í því og fór að huga að verkefnastjórnun og innleiðingu á aðferðafræðum,“ segir Aðalsteinn. Hann kynntist Riot games skömmu eftir að fyrirtækið gaf út LoL og var í sambandi við stjórnendur þess á ráðstefnum og öðrum viðburðum. Hann segir fyrirtækið keimlíkt CCP að því leytinu til, að leikurinn er gefinn út beint til spilaranna og notuð er svipuð aðferðafræði við að skila honum út til þeirra.Stríð milli fylkinga Sögusvið League of Legends er heimurinn Runeterra þar sem hinar ýmsu fylkingar háðu hatrömm stríð sín á milli. Eftir því sem eyðilegging og ókyrrð vegna þessara stríða jókst í Runeterra varð ljóst að nýja lausn þurfti til þess að útkljá valdabaráttuna. Galdramenn einnar fylkingarinnar bjuggu því til Réttlætisvöllinn, þar sem stríð eru háð án þess að stofna almennum borgurum í hættu. Helstu stríðsmenn hverrar fylkingar byrjuðu að keppa um réttinn til þess að berjast fyrir þjóð sína og hljóta þann heiður að komast í hóp virtustu stríðsmanna Runeterra. League of Legends er nettengdur fjölspilunarleikur með 10 spilurum í hverjum leik, fimm í hvoru liði. Hver spilari stjórnar einni hetju sem hann velur fyrir leikinn úr hópi 117 hetja. Leikurinn byggir á svipuðum lögmálum og aðrir tölvuleikir, það er, spilarinn safnar fjármunum (gulli) og reynslustigum á meðan á leiknum stendur. Reynslustigin fara í að þróa krafta hetjunnar á meðan gullið fer í að kaupa hluti sem styrkja hinar ýmsu hliðar hetjunnar, eins og að auka skaða hetjunnar eða byggja upp meira þol gagnvart skaða. Hver leikur endist í um 35 til 45 mínútur og er markmiðið að eyðileggja turna og bækistöð óvinaliðsins og leikurinn vinnst þegar aðalbygging óvinarins er eyðilögð.Leikurinn einfaldlega góður Hlutverk Aðalsteins í vinnunni er að leiða teymi sem vinnur að lóðsun og stjórnun á þróunarteymum tölvuleiksins og er ábyrgur fyrir vinnukerfinu, sem allir í þessu umhverfi vinna eftir, og einnig stöðugum endurbótum á því. „Þetta eru um 400 manns sem vinna í teymum og skila frá sér tölvuleiknum á tveggja til þriggja vikna fresti til spilara úti um allan heim. Ég samkeyri það sem þessi teymi eru að gera,“ segir Aðalsteinn, sem segist einblína á að ganga úr skugga um að teymin nái eins góðum árangri og þau mögulega geta. Hann segir ástæðu velgengninnar aðallega vera þá að leikurinn sé einfaldlega rosalega góður. „Svo hefur hann mikið endurspilunargildi. Það er mikil dýpt og breidd í leiknum og þó það sé svolítið flókið að byrja að spila þá lærir maður fljótt inn á hann,“ segir Aðalsteinn.Síðasta heimsmeistaramót í LoL var haldið í Staples Center í Los Angeles, á heimavelli körfuboltaliðsins LA Lakers.Vísir/JesterAtvinnumenn í LoL „Leikurinn er spilaður bæði af nýgræðingum eða áhugamönnum úti um allan heim. En það er líka keppt í þessu sem íþróttagrein á heimsvísu. Það er bara hefðbundið atvinnumannaumhverfi. Aðalsteinn segir muninn á þeim sem spila leikinn sér til dundurs og öðrum sem spila á hæstu stigum og keppa til að mynda á heimsmeistaramótum vera gríðarlegan. „Þetta er atvinnumannaíþrótt, bæði eru almennt peningaverðlaun í boði og síðan eru liðin styrkt af fyrirtækjum um allan heim,“ segir Aðalsteinn. Sem dæmi er lið frá Danmörku, Copenhagen Wolves, styrkt af Adidas. Þá segir Aðalsteinn þekkja dæmi um lið sem haldi til í villu í Beverly Hills þar sem liðsmenn búa allir saman, æfa alla daga og gera ekkert annað. „Þá erum við með vikulegar útsendingar frá keppnum úti um allan heim. Það er meira áhorf á þessar vikulegu útsendingar okkar af keppnum LoL heldur en útsendingar af hafnabolta, sem er þjóðaríþrótt Bandaríkjanna,“ segir Aðalsteinn. Leikurinn er ókeypis og hægt er að spila endalaust án þess að greiða nokkuð fyrir það. Aðalsteinn segir þó að tekjumódelið sé traust. „Þetta virkar þannig að við bjóðum upp á yfir 100 hetjur sem hafa hver og ein ákveðna hæfileika. Í hverri viku er ókeypis að spila tíu af þessum rúmlega 100 hetjum en það er breytilegt hverjar þær eru. Fólki finnst oft gaman að spila eina ákveðna hetju og þá kaupir það hana. Síðan gerir fólk útlitsbreytingar á sínum hetjum, til að persónugera þær. Það er oft mjög flott og fallegt og við erum með sérstaka hönnuði sem eru bara í því að gera þessar útlitsbreytingar,“ segir Aðalsteinn.Miðja tölvuleikjaiðnaðarins Aðspurður um muninn á því að vinna í leikjabransanum úti og heima segir Aðalsteinn léttur að mesti munurinn felist í loftslaginu. „En við leggjum rosalega mikið upp úr því að ráða til okkar toppfólk og það er töluvert auðveldara í borg eins og Los Angeles, sem er mikil miðja tölvuleikja- og skemmtanaiðnaðarins, að sannfæra fólk um að flytjast hingað heldur en á eyju í norðanverðu Atlantshafi.“
Tengdar fréttir Tölvuleikjamarkaðurinn þenst út Leikir á netinu og í fartæki kynda undir gífurlegan vöxt í leikjaiðnaði. Tekjuspár nálgast stjarnfræðilegar stærðir. 26. febrúar 2014 10:14 Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Staðreyndum snúið á hvolf til að eigna ríkisstjórninni verðbólguna Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Tölvuleikjamarkaðurinn þenst út Leikir á netinu og í fartæki kynda undir gífurlegan vöxt í leikjaiðnaði. Tekjuspár nálgast stjarnfræðilegar stærðir. 26. febrúar 2014 10:14