Það er mikið fjallað um Gunnar Nelson í aðdraganda bardaga hans gegn Omari Akhmedov sem fer fram í London á laugardag.
Norðmenn eru á meðal þeirra sem fjalla um Gunnar þessa dagana. Þeim þykir áhugavert hvernig Gunnar undirbýr sig fyrir bardaga.
"Ég er með þennan hefðbundna undirbúning eins og margir aðrir í þessari íþrótt. Ég æfi allt árið og er í æfingasalnum nokkra tíma á dag. Ég tek ekki tarnir þar sem ég keyri mig út og hvíli mig svo eftir bardaga. Ég reyni að halda takti allt árið," segir Gunnar við srib.no.
"Ég veit ekki hvað aðrir gera en ég hlusta á líkamann minn. Ef líkaminn þarf hvíld þá fær hann hvíldina. Það er nauðsynlegt að vita hvernig á að fara með líkamann ef menn vilja lifa lengi. Ég ætla að lifa lengi og vil æfa þar til ég verð áttræður," sagði Gunnar léttur.
Lesa má greinina í heild sinni hér.
