Umfjöllun, viðtöl,einkunnir og myndir: KR - Keflavík 2-0 | Almarr sá um Keflvíkinga Stefán Árni Pálsson á KR-vellinum skrifar 11. ágúst 2014 15:36 Atli Sigurjónsson fékk tækifæri í byrjunarliði KR. Vísir/Arnþór KR vann frábæran sigur á Keflvíkingum, 2-0, í 15. umferð Pepsi-deild karla en Almarr Ormarsson gerði bæði mörk KR-inga í leiknum. Þessi lið mætast í bikarúrslitum Borgunarbikarsins á laugardaginn og þetta lítur því óneitanlega vel út fyrir KR-inga. KR-ingar byrjuðu leikinn mjög vel og voru klárir frá fyrstu mínútu. Heimamenn óðu í færum og fyrsta markið lá heldur betur í loftinu. Keflvíkingar þurftu að hafa sig alla við að halda marki sínu hreinu og björguðu í tvígang á marklínunni í fyrri hálfleiknum. Sama hvað KR-ingar reyndu, þá fór boltinn ekki í netið. Keflvíkingar fengu aftur á móti frábært færi rétt undir lok hálfleiksins þegar Theódór Guðni Magnússon fékk algjört dauðafæri sem Stefán Logi varði meistaralega í marki KR. Staðan var því 0-0 í hálfleik en leikurinn virkilega fjörugur. Síðari hálfleikurinn byrjaði nokkuð rólega og voru liðin lengi að komast í takt við leikinn. Þegar tæplega korter var liðinn af síðari hálfleiknum náðu heimamenn að skora mark sem kom upp úr engu. Keflvíkingar gerðu sig seka um skelfileg mistök í vörn sinni. Atli Sigurjónsson tók einfaldlega boltann af Einari Orra Einarssyni, miðverði gestanna, og renndi honum á Almarr Ormarsson sem afgreiddi hann laglega í netið. Virkilega barnaleg tilþrif hjá leikmönnum Keflvíkinga. Almarr var aftur á ferðinni aðeins fimm mínútum síðar þegar hann skoraði sitt annað mark í leiknum eftir frábæra fyrirgjöf frá Óskari Erni. Botninn alveg farinn úr leik Keflvíkinga á þessum tímapunkti og KR-ingar með leikinn í sínum höndum. Eftir markið róaðist leikurinn töluvert og lauk honum síðan með 2-0 sigri KR-inga. Þetta lítur því mjög vel út fyrir Vesturbæinga fyrir bikarúrslitin á laugardaginn þegar þessi tvö lið mætast einmitt. Rúnar: Óskar mun skilja eftir sig stórt skarð„Þetta verður öðruvísi leikur á laugardaginn en þetta lítur vel út hjá okkur,“ segir Rúnar Kristinsson, þjálfari KR, eftir leikinn í kvöld. „Þeir hvíldu menn fyrir bikarúrslitaleikinn og við gerðum það einnig. Það er mjög erfitt fyrir mann að undirbúa svona leik, menn vilja ekki meiðast eða fara í leikbann fyrir stærsta leik sumarsins.“ „Mér fannst við spila fanta góðan fótbolta í kvöld, sérstaklega fyrsta hálftímann og á stórum kafla í síðari hálfleiknum.“ Óskar Örn Hauksson mun ekki klára tímabilið með KR-ingum því KR hefur samþykkt að lána hann til norska úrvalsdeildarfélagsins Vålerenga. Óskar Örn fer út á morgun og missir því af bikarúrslitaleiknum á laugardaginn. Almarr Ormarsson var frábær í leiknum í kvöld og gerði tvö mörk. „Almarr var flottur í kvöld og það hefur verið mikill stígandi í hans leik í sumar. Óskar er að fara frá okkur til Vålerenga og það verður að klára það mál núna á næstu mínútum. Það verður gríðarlegur missir fyrir okkur að missa Óskar en við erum samt sem áður með menn í okkur röðum til að leysa hann af hólmi.“ Kristján: Við getum alveg eins hent þessum leik í ruslið„Við komum alveg sáttir inn í hléið og áttum í raun að skora undir lok fyrri hálfleiksins,“ segir Kristján Guðmundsson, þjálfari Keflvíkinga, eftir leikinn í kvöld. „Það hefði verið mjög gott að skora mark í fyrri hálfleiknum því seinni hálfleikurinn hjá okkur var langt frá því að vera nægilega góður.“ Kristján segir að liðið hafi hreinlega gefið KR-ingum leikinn. „Það er ömurlegt þegar maður gefur andstæðingunum svona mark á silfurfati sem hefur áhrif á allan leik liðsins.“ „Við getum lítið notað þennan leik til að undirbúa okkur fyrir laugardaginn og því verð ég einfaldlega að henda honum í ruslið.“ Almarr: Fer ekkert að væla á Twitter„Ég var nú aðallega að reyna stimpla mig inn í liðið í kvöld,“ segir Almarr Ormarsson, markaskorari KR eftir leikinn í kvöld. „Það var nú bara bónus að það sé bikarúrslitaleikur framundan en það er alls ekkert sjálfsagt að komast inn í þetta KR-lið.“ Almarr segir að það hefði verið ljúft að ná að skora þrennu í kvöld en það hafi ekki gengið eftir þrátt fyrir gott færi undir lokin. „Auðvitað vonar maður að maður fái að spila bikarúrslitaleik, þetta er skemmtilegasti leikur ársins ásamt Evrópuleikjum. Vikan fer núna alfarið í þennan leik.“ Pepsi Max-deild karla Mest lesið Bein útsending: Íslenska ofurfólkið keppir við þau bestu í heimi Sport „Hún er hjartað og lungað í liðinu“ Körfubolti Komin aftur á völlinn þremur mánuðum eftir barnsburð Handbolti „Gæti verið minn síðasti leikur á laugardaginn“ Íslenski boltinn Sjáðu sigurmarkið sem dæmt var af Skagamönnum Fótbolti Ásta og Laufey valdar í úrvalslið EM Sport PSG aftur á toppinn Fótbolti Í leyfi eftir að hafa misst fjögurra mánaða afabarn Enski boltinn Íslenska ofurfólkið sem keppir á HM í bakgarðshlaupi Sport „Óskiljanlegt að setja Erlend í þetta verkefni" Fótbolti Fleiri fréttir Uppgjörið: Breiðablik - Stjarnan 2-1 | Draumaúrslitaleikurinn verður að veruleika „Gæti verið minn síðasti leikur á laugardaginn“ Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Uppgjörið : FH - Valur 1-1 | Gylfi klúðraði víti og FH stal stigi í uppbótartíma Fanney seld fyrir upphæð sem „ekki hefur sést“ og Tinna kemur í staðinn Fanney sögð á leið til Svíþjóðar Fótboltinn þurfi að njóta vafans hjá Val: „Er mjólkurkýr félagsins“ Ómar Björn áfram í Bestu deildinni Myndasyrpa: Fyrsta skóflustungan tekin og Ásmundur á traktornum Fyrsta skóflustungan tekin á Laugardalsvelli í dag Árni tekur við Fylki af Rúnari Úrslitaleikurinn um titilinn spilaður undir ljósunum Hinn síungi Matthías framlengir í Víkinni Myndasyrpa: Dómarinn í Crocs skóm þegar gamla grasið var kvatt Víkingar bjóða upp á fríar rútuferðir upp á Skaga Börkur hættir hjá Val Arnór Sveinn hættir að spila og verður aðstoðarþjálfari Breiðabliks „Andlega lúinn“ Jón Daði færist nær Bestu deildinni Berglindi sagt upp í síma: „Kom mér mjög á óvart“ „Annað hvort væri ég ólétt eða að hætta“ Jón Þór framlengir til þriggja ára Stúkan: Stórkostleg afgreiðsla nema litli fuglinn hafi rétt fyrir sér „Röð tilviljana að HK sé ekki búið að fá víti í sumar“ Stjarnan fær akureyskan markvörð frá Grindavík Sakar stjórn Fylkis um óheiðarleika Svona mark sést bara á nokkurra ára fresti: „Algjörlega einstakt“ Handrit Ástu Eirar fékk fullkomin endalok Mældu tímann í Kórnum: „Mér finnst þetta alveg galið“ Varði mark botnliðsins en bar samt af Sjá meira
KR vann frábæran sigur á Keflvíkingum, 2-0, í 15. umferð Pepsi-deild karla en Almarr Ormarsson gerði bæði mörk KR-inga í leiknum. Þessi lið mætast í bikarúrslitum Borgunarbikarsins á laugardaginn og þetta lítur því óneitanlega vel út fyrir KR-inga. KR-ingar byrjuðu leikinn mjög vel og voru klárir frá fyrstu mínútu. Heimamenn óðu í færum og fyrsta markið lá heldur betur í loftinu. Keflvíkingar þurftu að hafa sig alla við að halda marki sínu hreinu og björguðu í tvígang á marklínunni í fyrri hálfleiknum. Sama hvað KR-ingar reyndu, þá fór boltinn ekki í netið. Keflvíkingar fengu aftur á móti frábært færi rétt undir lok hálfleiksins þegar Theódór Guðni Magnússon fékk algjört dauðafæri sem Stefán Logi varði meistaralega í marki KR. Staðan var því 0-0 í hálfleik en leikurinn virkilega fjörugur. Síðari hálfleikurinn byrjaði nokkuð rólega og voru liðin lengi að komast í takt við leikinn. Þegar tæplega korter var liðinn af síðari hálfleiknum náðu heimamenn að skora mark sem kom upp úr engu. Keflvíkingar gerðu sig seka um skelfileg mistök í vörn sinni. Atli Sigurjónsson tók einfaldlega boltann af Einari Orra Einarssyni, miðverði gestanna, og renndi honum á Almarr Ormarsson sem afgreiddi hann laglega í netið. Virkilega barnaleg tilþrif hjá leikmönnum Keflvíkinga. Almarr var aftur á ferðinni aðeins fimm mínútum síðar þegar hann skoraði sitt annað mark í leiknum eftir frábæra fyrirgjöf frá Óskari Erni. Botninn alveg farinn úr leik Keflvíkinga á þessum tímapunkti og KR-ingar með leikinn í sínum höndum. Eftir markið róaðist leikurinn töluvert og lauk honum síðan með 2-0 sigri KR-inga. Þetta lítur því mjög vel út fyrir Vesturbæinga fyrir bikarúrslitin á laugardaginn þegar þessi tvö lið mætast einmitt. Rúnar: Óskar mun skilja eftir sig stórt skarð„Þetta verður öðruvísi leikur á laugardaginn en þetta lítur vel út hjá okkur,“ segir Rúnar Kristinsson, þjálfari KR, eftir leikinn í kvöld. „Þeir hvíldu menn fyrir bikarúrslitaleikinn og við gerðum það einnig. Það er mjög erfitt fyrir mann að undirbúa svona leik, menn vilja ekki meiðast eða fara í leikbann fyrir stærsta leik sumarsins.“ „Mér fannst við spila fanta góðan fótbolta í kvöld, sérstaklega fyrsta hálftímann og á stórum kafla í síðari hálfleiknum.“ Óskar Örn Hauksson mun ekki klára tímabilið með KR-ingum því KR hefur samþykkt að lána hann til norska úrvalsdeildarfélagsins Vålerenga. Óskar Örn fer út á morgun og missir því af bikarúrslitaleiknum á laugardaginn. Almarr Ormarsson var frábær í leiknum í kvöld og gerði tvö mörk. „Almarr var flottur í kvöld og það hefur verið mikill stígandi í hans leik í sumar. Óskar er að fara frá okkur til Vålerenga og það verður að klára það mál núna á næstu mínútum. Það verður gríðarlegur missir fyrir okkur að missa Óskar en við erum samt sem áður með menn í okkur röðum til að leysa hann af hólmi.“ Kristján: Við getum alveg eins hent þessum leik í ruslið„Við komum alveg sáttir inn í hléið og áttum í raun að skora undir lok fyrri hálfleiksins,“ segir Kristján Guðmundsson, þjálfari Keflvíkinga, eftir leikinn í kvöld. „Það hefði verið mjög gott að skora mark í fyrri hálfleiknum því seinni hálfleikurinn hjá okkur var langt frá því að vera nægilega góður.“ Kristján segir að liðið hafi hreinlega gefið KR-ingum leikinn. „Það er ömurlegt þegar maður gefur andstæðingunum svona mark á silfurfati sem hefur áhrif á allan leik liðsins.“ „Við getum lítið notað þennan leik til að undirbúa okkur fyrir laugardaginn og því verð ég einfaldlega að henda honum í ruslið.“ Almarr: Fer ekkert að væla á Twitter„Ég var nú aðallega að reyna stimpla mig inn í liðið í kvöld,“ segir Almarr Ormarsson, markaskorari KR eftir leikinn í kvöld. „Það var nú bara bónus að það sé bikarúrslitaleikur framundan en það er alls ekkert sjálfsagt að komast inn í þetta KR-lið.“ Almarr segir að það hefði verið ljúft að ná að skora þrennu í kvöld en það hafi ekki gengið eftir þrátt fyrir gott færi undir lokin. „Auðvitað vonar maður að maður fái að spila bikarúrslitaleik, þetta er skemmtilegasti leikur ársins ásamt Evrópuleikjum. Vikan fer núna alfarið í þennan leik.“
Pepsi Max-deild karla Mest lesið Bein útsending: Íslenska ofurfólkið keppir við þau bestu í heimi Sport „Hún er hjartað og lungað í liðinu“ Körfubolti Komin aftur á völlinn þremur mánuðum eftir barnsburð Handbolti „Gæti verið minn síðasti leikur á laugardaginn“ Íslenski boltinn Sjáðu sigurmarkið sem dæmt var af Skagamönnum Fótbolti Ásta og Laufey valdar í úrvalslið EM Sport PSG aftur á toppinn Fótbolti Í leyfi eftir að hafa misst fjögurra mánaða afabarn Enski boltinn Íslenska ofurfólkið sem keppir á HM í bakgarðshlaupi Sport „Óskiljanlegt að setja Erlend í þetta verkefni" Fótbolti Fleiri fréttir Uppgjörið: Breiðablik - Stjarnan 2-1 | Draumaúrslitaleikurinn verður að veruleika „Gæti verið minn síðasti leikur á laugardaginn“ Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Uppgjörið : FH - Valur 1-1 | Gylfi klúðraði víti og FH stal stigi í uppbótartíma Fanney seld fyrir upphæð sem „ekki hefur sést“ og Tinna kemur í staðinn Fanney sögð á leið til Svíþjóðar Fótboltinn þurfi að njóta vafans hjá Val: „Er mjólkurkýr félagsins“ Ómar Björn áfram í Bestu deildinni Myndasyrpa: Fyrsta skóflustungan tekin og Ásmundur á traktornum Fyrsta skóflustungan tekin á Laugardalsvelli í dag Árni tekur við Fylki af Rúnari Úrslitaleikurinn um titilinn spilaður undir ljósunum Hinn síungi Matthías framlengir í Víkinni Myndasyrpa: Dómarinn í Crocs skóm þegar gamla grasið var kvatt Víkingar bjóða upp á fríar rútuferðir upp á Skaga Börkur hættir hjá Val Arnór Sveinn hættir að spila og verður aðstoðarþjálfari Breiðabliks „Andlega lúinn“ Jón Daði færist nær Bestu deildinni Berglindi sagt upp í síma: „Kom mér mjög á óvart“ „Annað hvort væri ég ólétt eða að hætta“ Jón Þór framlengir til þriggja ára Stúkan: Stórkostleg afgreiðsla nema litli fuglinn hafi rétt fyrir sér „Röð tilviljana að HK sé ekki búið að fá víti í sumar“ Stjarnan fær akureyskan markvörð frá Grindavík Sakar stjórn Fylkis um óheiðarleika Svona mark sést bara á nokkurra ára fresti: „Algjörlega einstakt“ Handrit Ástu Eirar fékk fullkomin endalok Mældu tímann í Kórnum: „Mér finnst þetta alveg galið“ Varði mark botnliðsins en bar samt af Sjá meira