Hjólandi lögreglumenn á Selfossi

„Við erum mjög ánægðir með þessa gjöf og þökkum fyrir hana af heilum hug. Við höfum stundum notað okkar eigin hjól í reiðhjólaeftirlit en nú hefur embættið eignast tvö alvöru lögreglureiðhjól, sem verða framvegis notuð við löggæslustörf samhliða bílunum,“ segir Oddur Árnason, yfirlögregluþjónn á Selfossi.

Í hádeginu í dag fékk lögreglan afhent hjólin, sem Jötun Vélar á Selfossi gefa en um er að ræða Trek hjól af fullkomnustu gerð. Bæði hjólin eru á nagladekkjum tilbúin fyrir veturinn.