Sigmundur Davíð Gunnlaugsson forsætisráðherra flaug í dag yfir gosstöðvarnar með þyrlu Landhelgisgæslunnar. Með honum í för var Georg Kr. Lárusson forstjóri Landhelgisgæslunnar og Haraldur Johannessen ríkislögreglustjóri. Þetta kemur fram á vef Landhelgisgæslunnar.
Markmið flugsins var að kynna fyrir forsætisráðherra starf flugdeildar Landhelgisgæslunnar og almannavarnadeildar ríkislögreglustjóra og með hvaða hætti Landhelgisgæslan hefur tekið þátt í þeim viðbúnaði sem staðið hefur yfir síðastliðnar vikur vegna eldgossins og óróans á svæðinu.
Sigmundur Davíð flaug yfir gosstöðvarnar
