Umfjöllun og viðtöl: FH - Haukar 25-24 | Montrétturinn er FH-inga Henry Birgir Gunnarsson í Kaplakrika skrifar 25. september 2014 09:04 Vísir/Valli Það var hart barist í Hafnarfjarðarslagnum í kvöld en FH vann að lokum sanngjarnan sigur. Það hefur oft verið mætt betur á leik þessara liða en þeir sem þó mættu létu hraustlega í sér heyra. Fínasta stemning í kofanum þegar leikurinn hófst. FH-ingar voru sterkari strax frá upphafi. Gáfu tóninn með gríðarlega sterkum varnarleik og Haukarnir komust ekki á blað í leiknum fyrr en eftir fimm mínútur. Varnarleikur Hauka var einnig ágætur en það var ekki eftir að þeir höfðu tekið leikhlé sem þeir komust aftur inn í leikinn og náðu að jafna, 6-6. Þá tóku FH-ingar leikhlé og rétt eins og hjá Haukunum þá skilaði það sínu. Þeir tóku frumkvæðið í leiknum á ný og leiddu með þrem mörkum í leikhléi, 13-10. FH byrjaði síðari hálfleikinn vel og náði mest fjögurra marka forskoti, 15-11. Þá kom mikill kippur hjá Haukum. Þeir keyrðu upp hraðann og komust yfir í fyrsta skipti, 17-18, þegar rúmur stundarfjórðungur var til leiksloka. Það fór að hitna í kolunum á síðustu tíu mínútum leiksins. Þó fyrr hefði verið líka. Það er enginn Hafnarfjarðarslagur nema það sé smá hiti. Annað eru hrein og klár vörusvik. FH leiddi með tveim mörkum, 22-20, þegar fimm mínútur voru eftir af leiknum. Þá forystu neituðu FH-ingar að gefa eftir. Hornamaðurinn Benedikt Reynir fór hamförum fyrir FH á lokakaflanum og hreinlega kláraði leikinn fyrir þá. Félagar hans opnuðu vel fyrir hann og Benni brást ekki. Haukar jöfnuðu reyndar leikinn í eitt mark á lokamínútunni en Ásbjörn skoraði skömmu síðar og sá til þess að montrétturinn er FH-inga. Í bili að minnsta kosti. Benedikt og Ásbjörn öflugastir í liði FH og tóku af skarið er á þurfti að halda. Ísak frábær í vörninni ásamt fleirum og liðið komst upp með slaka markvörslu. Einar Ólafur átti flotta innkomu í markið hjá Haukum en fín frammistaða hans dugði ekki til.Ásbjörn: Benni frábær í lokin "Leikirnir eru oft svona á milli FH og Hauka og mikið er það sætt þegar það fellur okkar megin," sagði Ásbjörn Friðriksson, leikmaður FH, eftir eins marks sigur FH-inga á erkifjendum sínum í Haukum. "Þetta var mjög svipaður leikur og á móti Fram. Mér fannst þetta samt jafnvel heilsteyptara en á móti Fram. Við vorum þremur mörkum yfir í hálfleik en við náðum ekki upp sama varnarleik fyrstu 10 mínúturnar í síðari hálfleik og við vorum að spila í fyrri. Þá skora þeir sjö mörk á fyrstu tíu og þetta er fljótt að fara." Ásbjörn hrósaði félaga sínum í horninu, Benedikt Reyni, sérstaklega. "Benni (Benedikt Reynir Kristinsson) var frábær í lokin og við spiluðum skynsamlega síðustu 10-15 mínúturnar. Og það voru allir að spila vel, ekki bara þeir sem skora. Menn voru að draga menn til sín, losa boltann og við spiluðum þetta sem heild. Það skóp sigurinn," sagði Ásbjörn. FH er enn taplaust í deildinni en FH fær ÍR í heimsókn í næstu umferð. "Nú er það bara næsti leikur. Við förum í hann með eitthvað plan til að ná í tvö stig og það er bara vonandi að það gangi upp," sagði sigurreifur Ásbjörn að lokum.Árni: Ég tók heimskulegt skot Árni Steinn Steinþórsson var að vonum hundsvekktur með eins marks tap Hauka gegn FH. "Við mætum í raun ekki til leiks fyrr en í seinni hálfleik. Í fyrri hálfleik erum við staðir og látum þá þrýsta okkur lengst út á völl. En seinni hálfleikur var í sjálfu sér fínn og þetta hefði getað dottið hvoru megin sem var. En við getum miklu betur." Haukar komi öflugir til leiks í síðasti hálfleik en að lokum voru það FH-ingar sem sigu fram úr og höfðu sigur að lokum. "Við vorum klaufar. Ég tók t.d. heimskulegt skot á mikilvægu augnabliki sem var bara kæruleysi og reynsluleysi í svona jöfnum leik." Haukar eru búnir að tapa tveimur af fyrstu þremur leikjum liðsins á tímabilinu, eitthvað sem deildarmeistararnir lögðu klárlega ekki upp með í upphafi móts. "Ömurlegt að vera með tvö stig eftir þrjá leiki. Við erum búnir að tapa tveimur með einu marki og vinna einn með einu. Við eigum svo mikið inni og maður er alveg ótrúlega svekktur með þetta," sagði Árni að lokum. Olís-deild karla Mest lesið Rúnar Páll skýtur á KR: Svona vinna „snillingarnir í Vesturbænum“ Íslenski boltinn Meistararnir byrja á sterkum sigri Enski boltinn Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti „Við höfum ekki þekkst lengi en það gengur vel“ Sport Ungu strákarnir okkar grátlega nálægt bronsi Handbolti Í beinni: HK - Fylkir | Búið að festa markið fyrir botnbaráttuslaginn Íslenski boltinn Fleiri fréttir Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Sjá meira
Það var hart barist í Hafnarfjarðarslagnum í kvöld en FH vann að lokum sanngjarnan sigur. Það hefur oft verið mætt betur á leik þessara liða en þeir sem þó mættu létu hraustlega í sér heyra. Fínasta stemning í kofanum þegar leikurinn hófst. FH-ingar voru sterkari strax frá upphafi. Gáfu tóninn með gríðarlega sterkum varnarleik og Haukarnir komust ekki á blað í leiknum fyrr en eftir fimm mínútur. Varnarleikur Hauka var einnig ágætur en það var ekki eftir að þeir höfðu tekið leikhlé sem þeir komust aftur inn í leikinn og náðu að jafna, 6-6. Þá tóku FH-ingar leikhlé og rétt eins og hjá Haukunum þá skilaði það sínu. Þeir tóku frumkvæðið í leiknum á ný og leiddu með þrem mörkum í leikhléi, 13-10. FH byrjaði síðari hálfleikinn vel og náði mest fjögurra marka forskoti, 15-11. Þá kom mikill kippur hjá Haukum. Þeir keyrðu upp hraðann og komust yfir í fyrsta skipti, 17-18, þegar rúmur stundarfjórðungur var til leiksloka. Það fór að hitna í kolunum á síðustu tíu mínútum leiksins. Þó fyrr hefði verið líka. Það er enginn Hafnarfjarðarslagur nema það sé smá hiti. Annað eru hrein og klár vörusvik. FH leiddi með tveim mörkum, 22-20, þegar fimm mínútur voru eftir af leiknum. Þá forystu neituðu FH-ingar að gefa eftir. Hornamaðurinn Benedikt Reynir fór hamförum fyrir FH á lokakaflanum og hreinlega kláraði leikinn fyrir þá. Félagar hans opnuðu vel fyrir hann og Benni brást ekki. Haukar jöfnuðu reyndar leikinn í eitt mark á lokamínútunni en Ásbjörn skoraði skömmu síðar og sá til þess að montrétturinn er FH-inga. Í bili að minnsta kosti. Benedikt og Ásbjörn öflugastir í liði FH og tóku af skarið er á þurfti að halda. Ísak frábær í vörninni ásamt fleirum og liðið komst upp með slaka markvörslu. Einar Ólafur átti flotta innkomu í markið hjá Haukum en fín frammistaða hans dugði ekki til.Ásbjörn: Benni frábær í lokin "Leikirnir eru oft svona á milli FH og Hauka og mikið er það sætt þegar það fellur okkar megin," sagði Ásbjörn Friðriksson, leikmaður FH, eftir eins marks sigur FH-inga á erkifjendum sínum í Haukum. "Þetta var mjög svipaður leikur og á móti Fram. Mér fannst þetta samt jafnvel heilsteyptara en á móti Fram. Við vorum þremur mörkum yfir í hálfleik en við náðum ekki upp sama varnarleik fyrstu 10 mínúturnar í síðari hálfleik og við vorum að spila í fyrri. Þá skora þeir sjö mörk á fyrstu tíu og þetta er fljótt að fara." Ásbjörn hrósaði félaga sínum í horninu, Benedikt Reyni, sérstaklega. "Benni (Benedikt Reynir Kristinsson) var frábær í lokin og við spiluðum skynsamlega síðustu 10-15 mínúturnar. Og það voru allir að spila vel, ekki bara þeir sem skora. Menn voru að draga menn til sín, losa boltann og við spiluðum þetta sem heild. Það skóp sigurinn," sagði Ásbjörn. FH er enn taplaust í deildinni en FH fær ÍR í heimsókn í næstu umferð. "Nú er það bara næsti leikur. Við förum í hann með eitthvað plan til að ná í tvö stig og það er bara vonandi að það gangi upp," sagði sigurreifur Ásbjörn að lokum.Árni: Ég tók heimskulegt skot Árni Steinn Steinþórsson var að vonum hundsvekktur með eins marks tap Hauka gegn FH. "Við mætum í raun ekki til leiks fyrr en í seinni hálfleik. Í fyrri hálfleik erum við staðir og látum þá þrýsta okkur lengst út á völl. En seinni hálfleikur var í sjálfu sér fínn og þetta hefði getað dottið hvoru megin sem var. En við getum miklu betur." Haukar komi öflugir til leiks í síðasti hálfleik en að lokum voru það FH-ingar sem sigu fram úr og höfðu sigur að lokum. "Við vorum klaufar. Ég tók t.d. heimskulegt skot á mikilvægu augnabliki sem var bara kæruleysi og reynsluleysi í svona jöfnum leik." Haukar eru búnir að tapa tveimur af fyrstu þremur leikjum liðsins á tímabilinu, eitthvað sem deildarmeistararnir lögðu klárlega ekki upp með í upphafi móts. "Ömurlegt að vera með tvö stig eftir þrjá leiki. Við erum búnir að tapa tveimur með einu marki og vinna einn með einu. Við eigum svo mikið inni og maður er alveg ótrúlega svekktur með þetta," sagði Árni að lokum.
Olís-deild karla Mest lesið Rúnar Páll skýtur á KR: Svona vinna „snillingarnir í Vesturbænum“ Íslenski boltinn Meistararnir byrja á sterkum sigri Enski boltinn Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti „Við höfum ekki þekkst lengi en það gengur vel“ Sport Ungu strákarnir okkar grátlega nálægt bronsi Handbolti Í beinni: HK - Fylkir | Búið að festa markið fyrir botnbaráttuslaginn Íslenski boltinn Fleiri fréttir Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Sjá meira