Umfjöllun og viðtöl: Akureyri - ÍBV 32-33 | Fyrsti sigur meistaranna Birgir H. Stefánsson í íþróttahöllinni skrifar 5. október 2014 14:42 Sverre Jakobsson og Ingimundur Ingimundarson og félagar töpuðu í dag. vísir/stefán Það hefur líklegast ekki gerst oft undanfarin ár að það séu aðeins þrir dagar milli deildarleikja en það var raunin á Akureyri í dag þegar heimamenn tóku á móti ÍBV, fjölgun liða fækkar dögum milli leikja. Heimamenn mættu með sama hóp til leiks og í síðustu umferð en hjá ÍBV bættust þeir Guðni Ingvarsson og Agnar Smári Jónsson á meiðslalista félagsins. Það hafði þau áhrif að ÍBV mætti norður án þess að vera með línumann í hópnum þar sem Sindri Haraldsson er einnig fjarverandi hjá ÍBV. Reynsluboltinn Magnús Stefánsson tók það að sér að vera línumaður Eyjamanna í dag en það eru líklegast til betri staðir til að prófa að skella sér inn á línu en á Akureyri þar sem þeir Ingimundur Ingimundarson og Sverre Andreas Jakobsson taka á móti þér. Fyrri hálfleikur var nokkuð jafn og spennandi, heimamenn voru í heild betra liðið en Eyjamenn fundu taktinn undir lok hálfleiksins og hefðu getað farið inn í hálfleikinn með tveggja marka forskot en smávægileg byrjendamistök Magnúsar Stefánssonar inn á línu og langskot Sverre varð til þess að liðin fóru jöfn inn í klefa, 14-14. Í seinni Hálfleiknum voru leikmenn ÍBV oftar en ekki skrefi á undan heimamönnum, leiddu leikinn svo gott sem allan hálfleikinn og lönduðu á endanum sigri sem verður að teljast sanngjarn. Það verður seint talað um leik dagsins sem leik markmanna, allir fjórir á skýrslu fengu tækifæri en aðeins tveir náðu að verja og það samtals 14 skot. Tomas Olason byrjaði leikinn vel en hvarf svo alveg á meðan Kolbeinn Aron Arnarson var alls ekki að finna sig í marki ÍBV lengi vel en átti mikilvægar vörslur á lokakaflanum sem áttu sinn þátt í því að ríkjandi Íslandsmeistarar eru ekki lengur án sigurs, sem verður að teljast nokkuð afrek miðað við hvað vantaði í hópinn fyrir leik.Gunnar Magnússon: Vorum ekki í neinni krísu „Auðvitað er þetta léttir en við vorum ekki í neinni krísu,“ sagði Gunnar Magnússon þjálfari ÍBV strax eftir leik. „Við vorum búnir að spila þrjá leiki góða af fjórum þannig að við vorum bara fókuseraðir og rólegir yfir þessu. Ég er alveg ótrúlega ánægður með strákana, allir sem komu inná voru frábærir þannig að þetta er bara virkilega ánægjulegt.“Þú mættir norður með nokkuð vængbrotið lið hér í dag „Já en það voru allir frábærir. Maður er kannski ekki alveg nógu ánægður með markmennina en það var þannig báðu megin og þótt að gömlu refirnir hafi verið frábærir þá verð ég bara að nefna ungu strákana. Hákon Daði Styrmisson, Dagur Arnarsson og Svavar Kári Grétarsson voru alveg stórkostlegir í dag. Hvernig þeir spiluðu hér síðustu tíu eins og þeir væru með þvílíka reynslu. Strákar sem eru í 2. og 3. Flokki, er stoltur af þeim. Sama á við um karakterinn hjá mínum strákum í dag, við vissum að við værum vængbrotnir en við ætluðum ekkert að væla yfir því. Planið var að koma norður og sækja tvö stig, það tókst.“Sverre Jakobsson: Ekki kjaftur sem vældi þá og ég ætla ekki að byrja á því núna „Fyrsta korterið var alveg í lagi,“ sagði Sverre Andreas Jakobsson þungur á brún eftir leik. „Við vorum að leiða leikinn, með markvörslu og eitthvað þéttari en ég veit það ekki. Ég bara hreinlega skil það ekki svona strax eftir leik hvað klikkaði, það var í raun bara ekkert í gangi. Sama hvað við vorum að reyna þá gekk það illa upp. Það er lítið hægt að setja út á það að skora 32 mörk.“Það er samt erfitt að vinna leiki þegar markvarslan er ekki til staðar. „Já, en ég ætla ekki að kenna markmönnum um, varnarleikurinn er greinilega ekki í lagi og við sem spilum hann verðum að taka ábyrgð á því. Það vantaði mikið upp á karakterinn sem á að vera í þessu liði, við duttum ærlega á rassgatið.“Þrír dagar á milli leikja, getur það verið að hafa áhrif? „Nei, ég ætla ekki að nota það tromp núna. Við eigum alveg að geta undirbúið okkur andlega og líkamlega fyrir svona leiki. Við gerðum það um daginn og þá fórum við með rútu í báða leikina, það var ekki kjaftur sem vældi þá og ég ætla ekki að byrja á því núna. Ef þú ert að spá í okkur eldri þá er nú ekki margir mánuðir síðan við spiluðum á stórmóti og þá annan hvern dag. Ég ætla ekki á það lágt plan að kenna þreytu um, við vorum bara lélegir og mér þykir það afskaplega leitt fyrir félagið og þá áhorendur sem komu og vildu sjá eitthvað allt annað.“ Olís-deild karla Mest lesið Rúnar Páll skýtur á KR: Svona vinna „snillingarnir í Vesturbænum“ Íslenski boltinn Meistararnir byrja á sterkum sigri Enski boltinn Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti „Við höfum ekki þekkst lengi en það gengur vel“ Sport Ungu strákarnir okkar grátlega nálægt bronsi Handbolti Í beinni: HK - Fylkir | Búið að festa markið fyrir botnbaráttuslaginn Íslenski boltinn Fleiri fréttir Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Sjá meira
Það hefur líklegast ekki gerst oft undanfarin ár að það séu aðeins þrir dagar milli deildarleikja en það var raunin á Akureyri í dag þegar heimamenn tóku á móti ÍBV, fjölgun liða fækkar dögum milli leikja. Heimamenn mættu með sama hóp til leiks og í síðustu umferð en hjá ÍBV bættust þeir Guðni Ingvarsson og Agnar Smári Jónsson á meiðslalista félagsins. Það hafði þau áhrif að ÍBV mætti norður án þess að vera með línumann í hópnum þar sem Sindri Haraldsson er einnig fjarverandi hjá ÍBV. Reynsluboltinn Magnús Stefánsson tók það að sér að vera línumaður Eyjamanna í dag en það eru líklegast til betri staðir til að prófa að skella sér inn á línu en á Akureyri þar sem þeir Ingimundur Ingimundarson og Sverre Andreas Jakobsson taka á móti þér. Fyrri hálfleikur var nokkuð jafn og spennandi, heimamenn voru í heild betra liðið en Eyjamenn fundu taktinn undir lok hálfleiksins og hefðu getað farið inn í hálfleikinn með tveggja marka forskot en smávægileg byrjendamistök Magnúsar Stefánssonar inn á línu og langskot Sverre varð til þess að liðin fóru jöfn inn í klefa, 14-14. Í seinni Hálfleiknum voru leikmenn ÍBV oftar en ekki skrefi á undan heimamönnum, leiddu leikinn svo gott sem allan hálfleikinn og lönduðu á endanum sigri sem verður að teljast sanngjarn. Það verður seint talað um leik dagsins sem leik markmanna, allir fjórir á skýrslu fengu tækifæri en aðeins tveir náðu að verja og það samtals 14 skot. Tomas Olason byrjaði leikinn vel en hvarf svo alveg á meðan Kolbeinn Aron Arnarson var alls ekki að finna sig í marki ÍBV lengi vel en átti mikilvægar vörslur á lokakaflanum sem áttu sinn þátt í því að ríkjandi Íslandsmeistarar eru ekki lengur án sigurs, sem verður að teljast nokkuð afrek miðað við hvað vantaði í hópinn fyrir leik.Gunnar Magnússon: Vorum ekki í neinni krísu „Auðvitað er þetta léttir en við vorum ekki í neinni krísu,“ sagði Gunnar Magnússon þjálfari ÍBV strax eftir leik. „Við vorum búnir að spila þrjá leiki góða af fjórum þannig að við vorum bara fókuseraðir og rólegir yfir þessu. Ég er alveg ótrúlega ánægður með strákana, allir sem komu inná voru frábærir þannig að þetta er bara virkilega ánægjulegt.“Þú mættir norður með nokkuð vængbrotið lið hér í dag „Já en það voru allir frábærir. Maður er kannski ekki alveg nógu ánægður með markmennina en það var þannig báðu megin og þótt að gömlu refirnir hafi verið frábærir þá verð ég bara að nefna ungu strákana. Hákon Daði Styrmisson, Dagur Arnarsson og Svavar Kári Grétarsson voru alveg stórkostlegir í dag. Hvernig þeir spiluðu hér síðustu tíu eins og þeir væru með þvílíka reynslu. Strákar sem eru í 2. og 3. Flokki, er stoltur af þeim. Sama á við um karakterinn hjá mínum strákum í dag, við vissum að við værum vængbrotnir en við ætluðum ekkert að væla yfir því. Planið var að koma norður og sækja tvö stig, það tókst.“Sverre Jakobsson: Ekki kjaftur sem vældi þá og ég ætla ekki að byrja á því núna „Fyrsta korterið var alveg í lagi,“ sagði Sverre Andreas Jakobsson þungur á brún eftir leik. „Við vorum að leiða leikinn, með markvörslu og eitthvað þéttari en ég veit það ekki. Ég bara hreinlega skil það ekki svona strax eftir leik hvað klikkaði, það var í raun bara ekkert í gangi. Sama hvað við vorum að reyna þá gekk það illa upp. Það er lítið hægt að setja út á það að skora 32 mörk.“Það er samt erfitt að vinna leiki þegar markvarslan er ekki til staðar. „Já, en ég ætla ekki að kenna markmönnum um, varnarleikurinn er greinilega ekki í lagi og við sem spilum hann verðum að taka ábyrgð á því. Það vantaði mikið upp á karakterinn sem á að vera í þessu liði, við duttum ærlega á rassgatið.“Þrír dagar á milli leikja, getur það verið að hafa áhrif? „Nei, ég ætla ekki að nota það tromp núna. Við eigum alveg að geta undirbúið okkur andlega og líkamlega fyrir svona leiki. Við gerðum það um daginn og þá fórum við með rútu í báða leikina, það var ekki kjaftur sem vældi þá og ég ætla ekki að byrja á því núna. Ef þú ert að spá í okkur eldri þá er nú ekki margir mánuðir síðan við spiluðum á stórmóti og þá annan hvern dag. Ég ætla ekki á það lágt plan að kenna þreytu um, við vorum bara lélegir og mér þykir það afskaplega leitt fyrir félagið og þá áhorendur sem komu og vildu sjá eitthvað allt annað.“
Olís-deild karla Mest lesið Rúnar Páll skýtur á KR: Svona vinna „snillingarnir í Vesturbænum“ Íslenski boltinn Meistararnir byrja á sterkum sigri Enski boltinn Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti „Við höfum ekki þekkst lengi en það gengur vel“ Sport Ungu strákarnir okkar grátlega nálægt bronsi Handbolti Í beinni: HK - Fylkir | Búið að festa markið fyrir botnbaráttuslaginn Íslenski boltinn Fleiri fréttir Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Sjá meira