Vinstri skór Mario Götze sem Þjóðverjinn skoraði sigurmarkið á heimsmeistaramótinu í fótbolta í Brasilíu í sumar með var seldur á uppboði í heimalandinu í gær á 2 milljónir evra.
Upphæðin mun renna óskert til hjálparsamtakanna ‚A Heart for Children‘.
Götze tryggði Þýskalandi 1-0 sigur á Argentínu í úrslitaleik HM með vinstri fótar skoti í framlenginu. Síðan þá hefur Götze hvorki þvegið skóinn né farið í hann aftur.
„Ég hef aldrei þvegið skóinn. Hann er eins og þegar ég klæddist honum síðast í Rio, þegar ég fór af leikvanginum með hann,“ sagði Götze.
„Það er enn gras á honum. Ég klæddist skónum aldrei aftur eftir úrslitaleikinn. Ég varðveitti hann heima hjá mér.“
Skórinn sem tryggði HM titilinn seldur á uppboði
Guðmundur Marinó Ingvarsson skrifar

Mest lesið



West Ham með dýrara lið en Barcelona og AC Milan
Enski boltinn


Skagamenn upp í Bónus deild karla
Körfubolti

Amman fékk að hitta Steph Curry
Körfubolti



