Ætlum að vinna alla titla sem eru í boði Ingvi Þór Sæmundsson skrifar 12. september 2014 06:00 Aron er með mörg járn í eldinum, en auk þess að vera þjálfari íslenska landsliðsins í handbolta stýrir hann danska liðinu Kolding. fréttablaðið/Daníel Aron Kristjánsson situr ekki auðum höndum. Auk þess að þjálfa íslenska karlalandsliðið í handbolta stýrir hann KIF Kolding København sem er handhafi allra þeirra titla sem í boði eru í Danmörku. Aron tók við Kolding eftir að EM í Danmörku lauk vegna veikinda þáverandi þjálfara liðsins. Undir stjórn Arons varð Kolding bikarmeistari eftir sigur á Bjerringbro/Silkeborg og danskur meistari eftir tvo sigra á Álaborg í úrslitaeinvígi. Kolding hélt uppteknum hætti með því að vinna Álaborg í leiknum um danska Ofurbikarinn í lok síðasta mánaðar. Í samtali við Fréttablaðið í gær sagði Aron að Kolding myndi hvergi slaka á í vetur. „Markmiðið er að vinna alla titla sem í boði eru hér í Danmörku. Við erum tvöfaldir meistarar og stefnum áfram hátt,“ sagði Aron sem gerir ráð fyrir því að Kolding muni berjast um danska meistaratitilinn við Álaborg, Skjern, Team Tvis Holstebro og Bjerringbro-Silkeborg.Mikil meiðsli Aron hefur verið í töluverðum vandræðum vegna meiðsla leikmanna Kolding sem situr í efsta sæti dönsku deildarinnar með fimm stig eftir þrjár umferðir: „Það voru leikmenn, sem voru búnir að vera meiddir í lengri tíma, sem við héldum að væru orðnir klárir þegar við hófum undirbúninginn en voru ekki í því ástandi sem við bjuggumst við,“ sagði Aron. Til að mynda eru Kim Andersson og Kasper Irming, báðar hægri skyttur liðsins, að stíga upp úr langvarandi meiðslum, auk þess sem Lasse Boesen hefur lent í miklum hremmingum. „Þegar Boesen var að koma aftur eftir erfiða axlaraðgerð fékk hann gigtarsjúkdóm, þannig að hann gat ekkert gert í langan tíma. Andersson spilar bara vörnina hjá okkur, en hann getur lítið skotið á markið, og Irming er hægt og rólega að koma til baka eftir krossbandaslit,“ sagði Aron og bætti við: „Svo fór Lasse Andersson, ungur strákur sem spilar vinstra megin fyrir utan, í aðgerð í sumar vegna langvarandi hnémeiðsla. Hann verður vonandi klár um næstu mánaðamót. Og svo fékk varnarjaxlinn Lars Jørgensen skot í höfuðið gegn Álaborg og gat þar af leiðandi ekki verið með okkur í síðasta leik gegn Skanderborg.“Viljum gjarnan komast lengra Kolding er meðal þátttökuliða í Meistaradeild Evrópu, en Aron og félagar drógust í sterkan riðil; með spænska stórveldinu Barcelona, Besiktas frá Tyrklandi, pólska liðinu Wisa Pock, Alingsås HK frá Svíþjóð og ríkjandi Evrópumeisturum Flensburg. Aron segir að fyrsta markmið sé að komast upp úr riðlinum: „Fyrst er að komast upp úr þessum sterka riðli. Við komumst í 16-liða úrslit í fyrra (þar sem Kolding tapaði fyrir Metalurg Skopje) og viljum gjarnan komast lengra í ár.“ Aron bætti þó við að það gæti reynst þrautin þyngri ef liðið yrði í jafn miklum meiðslavandræðum og í byrjun tímabilsins. Það styttist í næstu verkefni íslenska landsliðsins, en framundan eru tveir leikir, gegn Ísrael á heimavelli og Svartfjallalandi á útivelli í undankeppni EM 2016. Serbía er fjórða liðið í riðli Íslands, en efstu tvö liðin í riðlunum sjö, sem og liðið sem er með bestan árangur í þriðja sæti, komast í lokakeppnina sem haldin verður í Póllandi. Margir af íslensku landsliðsmönnunum skiptu um félög í sumar. Landsliðsfyrirliðinn Guðjón Valur Sigurðsson fór frá Kiel til Barcelona, Snorri Steinn Guðjónsson frá GOG í Danmörku til franska liðsins Sélestat, Ásgeir Örn Hallgrímsson færði sig um set í Frakklandi, frá Paris SG til Nîmes, og svo mætti lengi telja. Aron er ánægður með þær breytingar sem hafa orðið á högum þessara leikmanna: „Mér finnst vera betra ástand á landsliðsmönnunum núna, en það var lengi vel síðasta vetur. Þá voru þó nokkrir leikmenn að glíma við meiðsli eða voru í liðum þar sem þeir fengu ekki mörg tækifæri,“ sagði Aron sem sér fram á bjartari tíma: „Flestir leikmannanna eru búnir að ná sér af meiðslunum og eru í stærri hlutverkum en áður. Þeir ættu því að vera í betri leikæfingu þegar landsliðið kemur saman. Það var þarft því ástandið í fyrra var ekki nógu gott,“ sagði Aron að lokum. Handbolti Mest lesið Bein útsending: Íslenska ofurfólkið keppir við þau bestu í heimi Sport Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Fannst Inter besti kosturinn: „Ekkert að því að búa í Mílanó“ Fótbolti Íslenskur ökumaður fagnaði sigri í Le Mans keppninni Sport Eigandinn þuklaði á fyrirliða kvennaliðsins Enski boltinn Fleiri fréttir Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Óskar Bjarni: Bara fúll að hafa ekki unnið Guðmundur Bragi og Stiven á sigurbraut Uppgjörið: FH - Gummersbach 21-40 | Lærisveinar Guðjóns Vals sýndu enga miskunn Elvar og Arnar í toppmálum í riðli Vals Uppgjörið: Valur - Porto 27-27 | Ótrúlegir Valsmenn náðu að landa stigi „Ég held að þetta sé það besta sem gat komið fyrir“ „Verið að selja Gummersbach-treyjur á svarta markaðnum í Eyjum“ Sjá meira
Aron Kristjánsson situr ekki auðum höndum. Auk þess að þjálfa íslenska karlalandsliðið í handbolta stýrir hann KIF Kolding København sem er handhafi allra þeirra titla sem í boði eru í Danmörku. Aron tók við Kolding eftir að EM í Danmörku lauk vegna veikinda þáverandi þjálfara liðsins. Undir stjórn Arons varð Kolding bikarmeistari eftir sigur á Bjerringbro/Silkeborg og danskur meistari eftir tvo sigra á Álaborg í úrslitaeinvígi. Kolding hélt uppteknum hætti með því að vinna Álaborg í leiknum um danska Ofurbikarinn í lok síðasta mánaðar. Í samtali við Fréttablaðið í gær sagði Aron að Kolding myndi hvergi slaka á í vetur. „Markmiðið er að vinna alla titla sem í boði eru hér í Danmörku. Við erum tvöfaldir meistarar og stefnum áfram hátt,“ sagði Aron sem gerir ráð fyrir því að Kolding muni berjast um danska meistaratitilinn við Álaborg, Skjern, Team Tvis Holstebro og Bjerringbro-Silkeborg.Mikil meiðsli Aron hefur verið í töluverðum vandræðum vegna meiðsla leikmanna Kolding sem situr í efsta sæti dönsku deildarinnar með fimm stig eftir þrjár umferðir: „Það voru leikmenn, sem voru búnir að vera meiddir í lengri tíma, sem við héldum að væru orðnir klárir þegar við hófum undirbúninginn en voru ekki í því ástandi sem við bjuggumst við,“ sagði Aron. Til að mynda eru Kim Andersson og Kasper Irming, báðar hægri skyttur liðsins, að stíga upp úr langvarandi meiðslum, auk þess sem Lasse Boesen hefur lent í miklum hremmingum. „Þegar Boesen var að koma aftur eftir erfiða axlaraðgerð fékk hann gigtarsjúkdóm, þannig að hann gat ekkert gert í langan tíma. Andersson spilar bara vörnina hjá okkur, en hann getur lítið skotið á markið, og Irming er hægt og rólega að koma til baka eftir krossbandaslit,“ sagði Aron og bætti við: „Svo fór Lasse Andersson, ungur strákur sem spilar vinstra megin fyrir utan, í aðgerð í sumar vegna langvarandi hnémeiðsla. Hann verður vonandi klár um næstu mánaðamót. Og svo fékk varnarjaxlinn Lars Jørgensen skot í höfuðið gegn Álaborg og gat þar af leiðandi ekki verið með okkur í síðasta leik gegn Skanderborg.“Viljum gjarnan komast lengra Kolding er meðal þátttökuliða í Meistaradeild Evrópu, en Aron og félagar drógust í sterkan riðil; með spænska stórveldinu Barcelona, Besiktas frá Tyrklandi, pólska liðinu Wisa Pock, Alingsås HK frá Svíþjóð og ríkjandi Evrópumeisturum Flensburg. Aron segir að fyrsta markmið sé að komast upp úr riðlinum: „Fyrst er að komast upp úr þessum sterka riðli. Við komumst í 16-liða úrslit í fyrra (þar sem Kolding tapaði fyrir Metalurg Skopje) og viljum gjarnan komast lengra í ár.“ Aron bætti þó við að það gæti reynst þrautin þyngri ef liðið yrði í jafn miklum meiðslavandræðum og í byrjun tímabilsins. Það styttist í næstu verkefni íslenska landsliðsins, en framundan eru tveir leikir, gegn Ísrael á heimavelli og Svartfjallalandi á útivelli í undankeppni EM 2016. Serbía er fjórða liðið í riðli Íslands, en efstu tvö liðin í riðlunum sjö, sem og liðið sem er með bestan árangur í þriðja sæti, komast í lokakeppnina sem haldin verður í Póllandi. Margir af íslensku landsliðsmönnunum skiptu um félög í sumar. Landsliðsfyrirliðinn Guðjón Valur Sigurðsson fór frá Kiel til Barcelona, Snorri Steinn Guðjónsson frá GOG í Danmörku til franska liðsins Sélestat, Ásgeir Örn Hallgrímsson færði sig um set í Frakklandi, frá Paris SG til Nîmes, og svo mætti lengi telja. Aron er ánægður með þær breytingar sem hafa orðið á högum þessara leikmanna: „Mér finnst vera betra ástand á landsliðsmönnunum núna, en það var lengi vel síðasta vetur. Þá voru þó nokkrir leikmenn að glíma við meiðsli eða voru í liðum þar sem þeir fengu ekki mörg tækifæri,“ sagði Aron sem sér fram á bjartari tíma: „Flestir leikmannanna eru búnir að ná sér af meiðslunum og eru í stærri hlutverkum en áður. Þeir ættu því að vera í betri leikæfingu þegar landsliðið kemur saman. Það var þarft því ástandið í fyrra var ekki nógu gott,“ sagði Aron að lokum.
Handbolti Mest lesið Bein útsending: Íslenska ofurfólkið keppir við þau bestu í heimi Sport Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Fannst Inter besti kosturinn: „Ekkert að því að búa í Mílanó“ Fótbolti Íslenskur ökumaður fagnaði sigri í Le Mans keppninni Sport Eigandinn þuklaði á fyrirliða kvennaliðsins Enski boltinn Fleiri fréttir Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Óskar Bjarni: Bara fúll að hafa ekki unnið Guðmundur Bragi og Stiven á sigurbraut Uppgjörið: FH - Gummersbach 21-40 | Lærisveinar Guðjóns Vals sýndu enga miskunn Elvar og Arnar í toppmálum í riðli Vals Uppgjörið: Valur - Porto 27-27 | Ótrúlegir Valsmenn náðu að landa stigi „Ég held að þetta sé það besta sem gat komið fyrir“ „Verið að selja Gummersbach-treyjur á svarta markaðnum í Eyjum“ Sjá meira
Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Leik lokið: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn