Lögmaður Omos hugsi yfir afhendingu Sigríðar á upplýsingum til Gísla Freys Aðalsteinn Kjartansson skrifar 19. nóvember 2014 14:04 Gísli Freyr óskaði eftir upplýsingum sem Sigríður afhenti um skjólstæðing Stefáns. Vísir Lögmaður Tony Omos segist hugsi yfir því að Sigríður Björk Guðjónsdóttir lögreglustjóri hafi látið Gísla Frey Valdórssyni, pólitískum aðstoðarmanni innanríkisráðherra, í té upplýsingar um rannsókn á skjólstæðingi sínum. Hann segist vilja sjá við hvaða lagaheimild Sigríður styðst þegar hún segist hafa átt að veita Gísla Frey upplýsingarnar. „Það er til skoðunar hjá skjólstæðingi mínum að kalla eftir upplýsingum um það hvernig þessum upplýsingum er komið á milli aðila,“ segir Stefán Karl Kristjánsson, lögmaður Omos.Taldi sig verða að veita upplýsingarnar Sigríður Björk sagði í yfirlýsingu sinni í gær um samskipti sín við Gísla Frey að hún hefði afhent honum gögn um hælisleitandann Tony Omos eftir að hann fór þess á leit. Það gerði hún daginn sem fréttir birtust í tveimur fjölmiðlum sem byggðu á trúnaðarupplýsingum sem Gísli Freyr lak. „Á þessum tíma voru, eins og algengt er, töluverð samskipti á milli ráðuneytisins og embættis lögreglustjórans á Suðurnesjum um ýmis mál, enda ber embættinu að veita ráðuneyti, sem æðra stjórnvaldi, þær upplýsingar er það óskar,“ segir í yfirlýsingu hennar. Samkvæmt Gísla Frey hafði hann ekki upplýst Hönnu Birnu Kristjánsdóttur innanríkisráðherra um símtölin og segist einnig ekki hafa beðið um gögnin að beiðni hennar. Sé það rétt var það því ekki ráðherra sem vildi upplýsingar um málið.Vilhjálmur gerir málið að umtalsefni á Facebook.Vísir / GVAUm lögbrot að ræða? Vilhjálmur H. Vilhjálmsson lögmaður gerir einnig athugasemdir við upplýsingagjöf lögreglunnar en hann segir að lögreglustjóranum hafi verið fullkomlega óheimilt að veita pólitískt ráðnum aðstoðarmanni ráðherra upplýsingarnar. „Lögreglustjóri hefur enga heimild til þess að upplýsa innanríkisráðuneytið um einstök sakamál sem eru til rannsóknar innan embættisins. Ef ráðuneytið telur sig þurfa slíkar upplýsingar í tengslum við ákveðin mál þá fer það eftir formlegum leiðum og er síðan metið hvort og þá hvernig upplýsingarnar eru veittar,“ segir Vilhjálmur. „Það er af og frá að slík upplýsingagjöf fari fram með óformlegum hætti til pólitískt skipaðs aðstoðarmanns ráðherra. Með þessu er lögreglustjórinn meðal annars að brjóta þagnarskylduákvæði almennra hegningarlaga og eftir atvikum lögreglulaga,“ segir hann og vísar í 136. grein hegningarlaga. Sú grein kveður á um að opinber starfsmaður, sem segir frá nokkru, er leynt á að fara og hann hefur fengið vitneskju um í starfi sínu eða varðar embætti hans eða sýslan, skal sæta fangelsi allt að einu ári. Sé brotið framið til þess að afla sér eða öðrum óréttmæts ávinnings, eða noti slíka vitneskju í því skyni, má beita fangelsi allt að 3 árum, samkvæmt lögunum. Fleiri lögmenn sem Vísir hefur rætt við furða sig á málinu án þess að vilja koma fram undir nafni.Haraldur Johannessen er ríkislögreglustjóri.Vísir / StefánHlutverk ríkislögreglustjóraRíkislögreglustjóri fer með málefni lögreglunnar í umboði ráðherra, sem er eftir sem áður æsti yfirmaður lögreglumála, samkvæmt lögunum. Lögreglustjórar í lögregluumdæmum landsins, þar með talið á Suðurnesjum og höfuðborgarsvæðinu, heyra því undir ríkislögreglustjóra. Samkvæmt lögreglulögum er það hlutverk ríkislögreglustjóra „að láta ráðherra í té upplýsingar um hvers konar lögreglumálefni sem hann getur notað til að undirbúa og byggja ákvarðanir sínar á“, eins og það er orðað. Ekki fengust neinar upplýsingar frá embætti ríkislögreglustjóra um hvernig samskiptum ráðuneytis og lögreglunnar er háttað, hvort um það gildi sérstakar reglur eða viðmið. Vísaði starfsmaður embættisins þess í stað á dómsmálahluta innanríkisráðuneytisins. Upplýsingafulltrúi innanríkisráðuneytisins hefur verið upptekinn á fundum þegar Vísir hefur reynt að ná tali af honum.Vill ekki tjá sig Sigríður Björk, núverandi lögreglustjóri á höfuðborgarsvæðinu, neitaði að tjá sig um málið við Vísi þegar eftir því var leitað. „Ég vil ekki tjá mig neitt meira um þetta,“ sagði hún þegar leitað var eftir viðbrögðum hennar við þessum vangaveltum um upplýsingagjöf til aðstoðarmanns ráðherra. Lögreglustjórinn sagði þó að ráðuneytið fengi þær upplýsingar sem það bæði um. „Það bara þannig að þegar ráðuneytið biður um einhverjar upplýsingar þá er það gert,“ sagði hún. Lekamálið Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Stoppaður af vegfaranda sem spurði: „Hvað er þetta?“ Innlent Tóku mið af viðskiptahalla en ekki tollum Erlent Fleiri fréttir Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Sjá meira
Lögmaður Tony Omos segist hugsi yfir því að Sigríður Björk Guðjónsdóttir lögreglustjóri hafi látið Gísla Frey Valdórssyni, pólitískum aðstoðarmanni innanríkisráðherra, í té upplýsingar um rannsókn á skjólstæðingi sínum. Hann segist vilja sjá við hvaða lagaheimild Sigríður styðst þegar hún segist hafa átt að veita Gísla Frey upplýsingarnar. „Það er til skoðunar hjá skjólstæðingi mínum að kalla eftir upplýsingum um það hvernig þessum upplýsingum er komið á milli aðila,“ segir Stefán Karl Kristjánsson, lögmaður Omos.Taldi sig verða að veita upplýsingarnar Sigríður Björk sagði í yfirlýsingu sinni í gær um samskipti sín við Gísla Frey að hún hefði afhent honum gögn um hælisleitandann Tony Omos eftir að hann fór þess á leit. Það gerði hún daginn sem fréttir birtust í tveimur fjölmiðlum sem byggðu á trúnaðarupplýsingum sem Gísli Freyr lak. „Á þessum tíma voru, eins og algengt er, töluverð samskipti á milli ráðuneytisins og embættis lögreglustjórans á Suðurnesjum um ýmis mál, enda ber embættinu að veita ráðuneyti, sem æðra stjórnvaldi, þær upplýsingar er það óskar,“ segir í yfirlýsingu hennar. Samkvæmt Gísla Frey hafði hann ekki upplýst Hönnu Birnu Kristjánsdóttur innanríkisráðherra um símtölin og segist einnig ekki hafa beðið um gögnin að beiðni hennar. Sé það rétt var það því ekki ráðherra sem vildi upplýsingar um málið.Vilhjálmur gerir málið að umtalsefni á Facebook.Vísir / GVAUm lögbrot að ræða? Vilhjálmur H. Vilhjálmsson lögmaður gerir einnig athugasemdir við upplýsingagjöf lögreglunnar en hann segir að lögreglustjóranum hafi verið fullkomlega óheimilt að veita pólitískt ráðnum aðstoðarmanni ráðherra upplýsingarnar. „Lögreglustjóri hefur enga heimild til þess að upplýsa innanríkisráðuneytið um einstök sakamál sem eru til rannsóknar innan embættisins. Ef ráðuneytið telur sig þurfa slíkar upplýsingar í tengslum við ákveðin mál þá fer það eftir formlegum leiðum og er síðan metið hvort og þá hvernig upplýsingarnar eru veittar,“ segir Vilhjálmur. „Það er af og frá að slík upplýsingagjöf fari fram með óformlegum hætti til pólitískt skipaðs aðstoðarmanns ráðherra. Með þessu er lögreglustjórinn meðal annars að brjóta þagnarskylduákvæði almennra hegningarlaga og eftir atvikum lögreglulaga,“ segir hann og vísar í 136. grein hegningarlaga. Sú grein kveður á um að opinber starfsmaður, sem segir frá nokkru, er leynt á að fara og hann hefur fengið vitneskju um í starfi sínu eða varðar embætti hans eða sýslan, skal sæta fangelsi allt að einu ári. Sé brotið framið til þess að afla sér eða öðrum óréttmæts ávinnings, eða noti slíka vitneskju í því skyni, má beita fangelsi allt að 3 árum, samkvæmt lögunum. Fleiri lögmenn sem Vísir hefur rætt við furða sig á málinu án þess að vilja koma fram undir nafni.Haraldur Johannessen er ríkislögreglustjóri.Vísir / StefánHlutverk ríkislögreglustjóraRíkislögreglustjóri fer með málefni lögreglunnar í umboði ráðherra, sem er eftir sem áður æsti yfirmaður lögreglumála, samkvæmt lögunum. Lögreglustjórar í lögregluumdæmum landsins, þar með talið á Suðurnesjum og höfuðborgarsvæðinu, heyra því undir ríkislögreglustjóra. Samkvæmt lögreglulögum er það hlutverk ríkislögreglustjóra „að láta ráðherra í té upplýsingar um hvers konar lögreglumálefni sem hann getur notað til að undirbúa og byggja ákvarðanir sínar á“, eins og það er orðað. Ekki fengust neinar upplýsingar frá embætti ríkislögreglustjóra um hvernig samskiptum ráðuneytis og lögreglunnar er háttað, hvort um það gildi sérstakar reglur eða viðmið. Vísaði starfsmaður embættisins þess í stað á dómsmálahluta innanríkisráðuneytisins. Upplýsingafulltrúi innanríkisráðuneytisins hefur verið upptekinn á fundum þegar Vísir hefur reynt að ná tali af honum.Vill ekki tjá sig Sigríður Björk, núverandi lögreglustjóri á höfuðborgarsvæðinu, neitaði að tjá sig um málið við Vísi þegar eftir því var leitað. „Ég vil ekki tjá mig neitt meira um þetta,“ sagði hún þegar leitað var eftir viðbrögðum hennar við þessum vangaveltum um upplýsingagjöf til aðstoðarmanns ráðherra. Lögreglustjórinn sagði þó að ráðuneytið fengi þær upplýsingar sem það bæði um. „Það bara þannig að þegar ráðuneytið biður um einhverjar upplýsingar þá er það gert,“ sagði hún.
Lekamálið Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Stoppaður af vegfaranda sem spurði: „Hvað er þetta?“ Innlent Tóku mið af viðskiptahalla en ekki tollum Erlent Fleiri fréttir Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Sjá meira