Eitt efnilegasta nýstirnið í Hollywood Lilja Katrín Gunnarsdóttir skrifar 21. júní 2014 09:00 Indía leikur Ninu í kvikmyndinni Uncertain Terms. „Þetta er saga um ást sem er sprottin af hugarórum og það að taka og forðast ákvarðanir. Ég leik stúlku sem býr á heimili fyrir vanfærar táningsstúlkur og er í basli með að stofna til sambands við föður ófædda barnsins á meðan hún venst návist nýrrar manneskju á heimilinu,“ segir leikkonan Indía Salvör Menuez sem búsett er í New York. Indía leikur eitt af aðalhlutverkunum í kvikmyndinni Uncertain Terms úr smiðju kvikmyndagerðarmannsins Nathans Silver sem sýnd var á kvikmyndahátíðinni í Los Angeles. Indía hefur fengið góða dóma fyrir frammistöðu sína í hlutverki Ninu og segir Bob Strauss, gagnrýnandi Los Angeles Daily News, að Indía negli flóknasta hlutverkið í myndinni. Segir hann jafnframt að hún sé eitt efnilegasta nýstirnið á hátíðinni. Katie Walsh hjá Indiewire segir Indíu gullfallega og dularfulla í hlutverki sínu. Leikkonan unga er í skýjunum yfir viðtökunum. „Ég er þakklát fyrir tækifærið sem Nathan gaf mér og treysti mér til að leika Ninu. Það erfiðasta fyrir mig þegar ég leik í mynd er að horfa á hana. Það er erfið og ólýsanleg tilfinning að sjá sjálfa mig í öðru fólki og í öðru lífi. Ég efast alltaf um frammistöðu mína því ég get aldrei horft á sjálfa mig. En þegar öllu er á botninn hvolft verð ég að treysta því að við endum þar sem við eigum að enda. Fókusinn minn er á að vera til staðar og gera mitt besta og það er góð tilfinning að finna fyrir að heimurinn tekur vel á móti verkinu þegar myndin er sýnd,“ segir hún. Indía er nú við tökur á sjálfstæðri kvikmynd með leikstjóranum Luigi Campi þar sem hún leikur aðalhlutverkið. Þá vinnur hún einnig mikið í listahópnum Luck You sem hún stofnaði ásamt öðrum þegar hún var fimmtán ára. Hún samdi einnig handrit með leikstjóranum Maiko Endo en sú mynd er í eftirvinnslu núna og tók upp plötu með vini sínum Brian Close sem kemur út á næstunni. Það er því nóg að gera hjá þessari upprennandi listakonu. En hvernig lítur framtíðin annars út hjá Indíu? „Framtíðin er full af óvæntum uppákomum, hreyfingu og upplifunum. Í átt að hlutverkum sem ýta mér á nýjan stað þar sem ég fæ tækifæri til að vinna með hæfileikaríku fólki sem er traustsins vert. Mér finnst ég vera takmarkalaus þegar ég horfi fram á veginn.“Súrrealískt að lenda á plötuumslagi Pharrells Indía er ein þriggja kvenna sem prýða nýjasta plötuumslag tónlistarmannsins Pharrells Williams fyrir plötuna Girl ásamt Pharrell sjálfum. Indía segir reynsluna hafa verið sérstaka. „Þetta var súrrealískt og kom til á óvæntan og náttúrulegan hátt þar sem það var vinur minn sem tók myndina og mælti með mér. Þetta var tækifæri til að upplifa eitthvað sem ég gæti ekki upplifað á annan hátt og að hitta einhvern sem er að móta menninguna í gegnum list sína í dag. Ég get ímyndað mér að barnabörnin mín hlæi að þessu í framtíðinni,“ segir Indía glöð í bragði. Hún segist taka að sér fyrirsætuverkefni við og við þótt það sé ekki ástríða hjá henni. „Ég byrjaði í fyrirsætubransanum til að afla mér tekna þannig að það er vinna sem hefur aldrei verið mér kær. En, þótt það sé auðvelt að gera grín að því í samanburði við annað sem ég vinn við, elska ég samt að vinna með og læra af ótrúlegum ljósmyndurum og vinna með listamönnum í tískuheiminum. Ég hef þurft að afþakka verkefni oftar en ég vildi en mér finnst þetta starf alltaf þess virði þegar ég helga mig verkefni.“ Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Margverðlaunaður garður með sólskini allan daginn Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Randy er litríkasti gaurinn í hinni geggjuðu Pittsburgh Lífið Fleiri fréttir Randy er litríkasti gaurinn í hinni geggjuðu Pittsburgh Byrjaði í smábrotum en vatt svo upp á sig Fréttatía vikunnar: Vindmyllur, tannlæknar og fegurðardrottningar Heitustu hinsegin pör landsins Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Sjá meira
„Þetta er saga um ást sem er sprottin af hugarórum og það að taka og forðast ákvarðanir. Ég leik stúlku sem býr á heimili fyrir vanfærar táningsstúlkur og er í basli með að stofna til sambands við föður ófædda barnsins á meðan hún venst návist nýrrar manneskju á heimilinu,“ segir leikkonan Indía Salvör Menuez sem búsett er í New York. Indía leikur eitt af aðalhlutverkunum í kvikmyndinni Uncertain Terms úr smiðju kvikmyndagerðarmannsins Nathans Silver sem sýnd var á kvikmyndahátíðinni í Los Angeles. Indía hefur fengið góða dóma fyrir frammistöðu sína í hlutverki Ninu og segir Bob Strauss, gagnrýnandi Los Angeles Daily News, að Indía negli flóknasta hlutverkið í myndinni. Segir hann jafnframt að hún sé eitt efnilegasta nýstirnið á hátíðinni. Katie Walsh hjá Indiewire segir Indíu gullfallega og dularfulla í hlutverki sínu. Leikkonan unga er í skýjunum yfir viðtökunum. „Ég er þakklát fyrir tækifærið sem Nathan gaf mér og treysti mér til að leika Ninu. Það erfiðasta fyrir mig þegar ég leik í mynd er að horfa á hana. Það er erfið og ólýsanleg tilfinning að sjá sjálfa mig í öðru fólki og í öðru lífi. Ég efast alltaf um frammistöðu mína því ég get aldrei horft á sjálfa mig. En þegar öllu er á botninn hvolft verð ég að treysta því að við endum þar sem við eigum að enda. Fókusinn minn er á að vera til staðar og gera mitt besta og það er góð tilfinning að finna fyrir að heimurinn tekur vel á móti verkinu þegar myndin er sýnd,“ segir hún. Indía er nú við tökur á sjálfstæðri kvikmynd með leikstjóranum Luigi Campi þar sem hún leikur aðalhlutverkið. Þá vinnur hún einnig mikið í listahópnum Luck You sem hún stofnaði ásamt öðrum þegar hún var fimmtán ára. Hún samdi einnig handrit með leikstjóranum Maiko Endo en sú mynd er í eftirvinnslu núna og tók upp plötu með vini sínum Brian Close sem kemur út á næstunni. Það er því nóg að gera hjá þessari upprennandi listakonu. En hvernig lítur framtíðin annars út hjá Indíu? „Framtíðin er full af óvæntum uppákomum, hreyfingu og upplifunum. Í átt að hlutverkum sem ýta mér á nýjan stað þar sem ég fæ tækifæri til að vinna með hæfileikaríku fólki sem er traustsins vert. Mér finnst ég vera takmarkalaus þegar ég horfi fram á veginn.“Súrrealískt að lenda á plötuumslagi Pharrells Indía er ein þriggja kvenna sem prýða nýjasta plötuumslag tónlistarmannsins Pharrells Williams fyrir plötuna Girl ásamt Pharrell sjálfum. Indía segir reynsluna hafa verið sérstaka. „Þetta var súrrealískt og kom til á óvæntan og náttúrulegan hátt þar sem það var vinur minn sem tók myndina og mælti með mér. Þetta var tækifæri til að upplifa eitthvað sem ég gæti ekki upplifað á annan hátt og að hitta einhvern sem er að móta menninguna í gegnum list sína í dag. Ég get ímyndað mér að barnabörnin mín hlæi að þessu í framtíðinni,“ segir Indía glöð í bragði. Hún segist taka að sér fyrirsætuverkefni við og við þótt það sé ekki ástríða hjá henni. „Ég byrjaði í fyrirsætubransanum til að afla mér tekna þannig að það er vinna sem hefur aldrei verið mér kær. En, þótt það sé auðvelt að gera grín að því í samanburði við annað sem ég vinn við, elska ég samt að vinna með og læra af ótrúlegum ljósmyndurum og vinna með listamönnum í tískuheiminum. Ég hef þurft að afþakka verkefni oftar en ég vildi en mér finnst þetta starf alltaf þess virði þegar ég helga mig verkefni.“
Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Margverðlaunaður garður með sólskini allan daginn Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Randy er litríkasti gaurinn í hinni geggjuðu Pittsburgh Lífið Fleiri fréttir Randy er litríkasti gaurinn í hinni geggjuðu Pittsburgh Byrjaði í smábrotum en vatt svo upp á sig Fréttatía vikunnar: Vindmyllur, tannlæknar og fegurðardrottningar Heitustu hinsegin pör landsins Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Sjá meira