Dreifa matvælum til bágstaddra Starri Freyr Jónsson skrifar 22. september 2014 11:00 Þrír af fjórum meðlimum hópsins Matargjafir. Frá vinstri: Jóhanna Bjarndís Arapinowicz, Lilja Guðmundsdóttir og Jóhanna Sigurðardóttir. Á myndina vantar Árdísi Pétursdóttur. MYND/PJETUR Nýlega setti hópur kvenna á fót Facebook-síðuna Matargjafir sem hefur það markmið að gefa illa stöddu fólki og fjölskyldum mat. Upphafið má rekja til annars hóps á Facebook sem heitir Gefins, allt gefins! þar sem einstaklingar gefa allt milli himins og jarðar. Einn daginn setti Jóhanna Bjarndís Arapinowicz inn auglýsingu þar sem hún vildi gefa ársgamalt kjöt úr frystikistunni. Kjötið rauk út og í kjölfarið hófu fleiri að gefa mat. „Aðsókn í mat var svo mikil að það vaknaði hugmynd að sérstakri síðu sem væri aðgengilegri fyrir bæði þiggjendur og gefendur matar,“ segir Jóhanna. Síðan sjálf var stofnuð í júlílok og fleiri bættust við skipulagningu hópsins. Í dag eru fjórar konur sem stýra honum; áðurnefnd Jóhanna, Lilja Guðmundsdóttir, Jóhanna Sigurðardóttir og Árdís Pétursdóttir. Allar eiga þær sameiginlegt að sögn Lilju að vilja skila einhverju til samfélagsins. „Með því að gefa tíma okkar og vinnu í þetta mikilvæga verkefni hjálpum við vonandi eitthvað til. Auk okkar hafa tvær yndislegar konur, Lilja Torfadóttir og Kristín Snorradóttir, sett af stað peningasöfnun á Facebook, en peninginn nýta þær til að kaupa mat í samráði við okkur sem við deilum út.“ Hver sem er getur sótt um aðild að hópnum og þar er bæði hægt gefa mat eða óska eftir honum. „Einstaklingar gefa þarna mat milliliðalaust. Við tökum líka við mat og deilum út, því eðlilega vilja ekki allir koma fram undir nafni enda skammast sín margir fyrir fátækt. Engin vandamál hafa þó komið upp hjá okkur enda leggjum við mikla áherslu á trúnað við þá sem til okkar leita.“ Að sögn Lilju og Jóhönnu hafa viðbrögðin verið mun sterkari en þær áttu von á. „Í dag eru tæplega 2.900 manns skráðir í hópinn, bæði gefendur og þiggjendur. Þeir sem óska eftir mat eru aðallega fólk á örorkubótum, einstæðingar og einstæðir foreldrar með börn. Það virðist vera rosalega mikil neyð í samfélaginu og margt fólk sem virðist engan veginn ná endum saman. Þörfin fyrir svona hóp er því greinilega mikil.“ Hópurinn hefur frá ágústmánuði deilt mat til um 60 manns og fjölskyldna og þá eru bara taldir þeir sem hafa sent inn beiðni til stjórnenda síðunnar. „Bara í september höfum við látið tíu fjölskyldur hafa matarpoka. Við höfum hins vegar enga tölu á þeim sem hafa fengið mat í gegnum vegg síðunnar og aðrir sjá um að gefa.“ Matarpokinn inniheldur mismunandi matvæli, allt eftir því hvað fólk og fyrirtæki hafa gefið. „Við reynum alltaf að hafa smjör, ost, brauð og mjólk ásamt einhverjum kvöldmat á borð við hakk, kjötfars og pylsur. Við sækjum mikið eftir þurrvöru sem fólk getur matreitt úr enda geymist hún lengi. Fyrirtæki og verslanir hafa líka styrkt okkur, til dæmis Fiska.is sem gaf okkur fisk, Fiskikónginn sem gaf mörgum síld og Sjávarhöllin gaf okkur fisk. Við viljum endilega hvetja önnur fyrirtæki til að taka þessar verslanir og fyrirtæki til fyrirmyndar og gera það sama. Einnig erum við að leita eftir fyrirtækjum til að styrkja okkur til dæmis mánaðarlega með mat til að deila út. Öll framlög eru vel þegin.“ Mest lesið Einhleypan: Vandræðalegt þegar þeir eru giftir eða í sambandi Lífið Óskarsverðlaunahafi óléttur í annað sinn Lífið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Birta Líf og Gunnar eiga von á dóttur Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Sjóðheitar og einhleypar inn í haustið Lífið Bar fyrir sig að hafa eitt sinn verið í strákabandi Lífið Frestar tónleikaferðalagi vegna andláts Payne Lífið Fleiri fréttir Óskarsverðlaunahafi óléttur í annað sinn Einhleypan: Vandræðalegt þegar þeir eru giftir eða í sambandi Bein útsending: Bingó Blökastsins Birta Líf og Gunnar eiga von á dóttur Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Sjá meira
Nýlega setti hópur kvenna á fót Facebook-síðuna Matargjafir sem hefur það markmið að gefa illa stöddu fólki og fjölskyldum mat. Upphafið má rekja til annars hóps á Facebook sem heitir Gefins, allt gefins! þar sem einstaklingar gefa allt milli himins og jarðar. Einn daginn setti Jóhanna Bjarndís Arapinowicz inn auglýsingu þar sem hún vildi gefa ársgamalt kjöt úr frystikistunni. Kjötið rauk út og í kjölfarið hófu fleiri að gefa mat. „Aðsókn í mat var svo mikil að það vaknaði hugmynd að sérstakri síðu sem væri aðgengilegri fyrir bæði þiggjendur og gefendur matar,“ segir Jóhanna. Síðan sjálf var stofnuð í júlílok og fleiri bættust við skipulagningu hópsins. Í dag eru fjórar konur sem stýra honum; áðurnefnd Jóhanna, Lilja Guðmundsdóttir, Jóhanna Sigurðardóttir og Árdís Pétursdóttir. Allar eiga þær sameiginlegt að sögn Lilju að vilja skila einhverju til samfélagsins. „Með því að gefa tíma okkar og vinnu í þetta mikilvæga verkefni hjálpum við vonandi eitthvað til. Auk okkar hafa tvær yndislegar konur, Lilja Torfadóttir og Kristín Snorradóttir, sett af stað peningasöfnun á Facebook, en peninginn nýta þær til að kaupa mat í samráði við okkur sem við deilum út.“ Hver sem er getur sótt um aðild að hópnum og þar er bæði hægt gefa mat eða óska eftir honum. „Einstaklingar gefa þarna mat milliliðalaust. Við tökum líka við mat og deilum út, því eðlilega vilja ekki allir koma fram undir nafni enda skammast sín margir fyrir fátækt. Engin vandamál hafa þó komið upp hjá okkur enda leggjum við mikla áherslu á trúnað við þá sem til okkar leita.“ Að sögn Lilju og Jóhönnu hafa viðbrögðin verið mun sterkari en þær áttu von á. „Í dag eru tæplega 2.900 manns skráðir í hópinn, bæði gefendur og þiggjendur. Þeir sem óska eftir mat eru aðallega fólk á örorkubótum, einstæðingar og einstæðir foreldrar með börn. Það virðist vera rosalega mikil neyð í samfélaginu og margt fólk sem virðist engan veginn ná endum saman. Þörfin fyrir svona hóp er því greinilega mikil.“ Hópurinn hefur frá ágústmánuði deilt mat til um 60 manns og fjölskyldna og þá eru bara taldir þeir sem hafa sent inn beiðni til stjórnenda síðunnar. „Bara í september höfum við látið tíu fjölskyldur hafa matarpoka. Við höfum hins vegar enga tölu á þeim sem hafa fengið mat í gegnum vegg síðunnar og aðrir sjá um að gefa.“ Matarpokinn inniheldur mismunandi matvæli, allt eftir því hvað fólk og fyrirtæki hafa gefið. „Við reynum alltaf að hafa smjör, ost, brauð og mjólk ásamt einhverjum kvöldmat á borð við hakk, kjötfars og pylsur. Við sækjum mikið eftir þurrvöru sem fólk getur matreitt úr enda geymist hún lengi. Fyrirtæki og verslanir hafa líka styrkt okkur, til dæmis Fiska.is sem gaf okkur fisk, Fiskikónginn sem gaf mörgum síld og Sjávarhöllin gaf okkur fisk. Við viljum endilega hvetja önnur fyrirtæki til að taka þessar verslanir og fyrirtæki til fyrirmyndar og gera það sama. Einnig erum við að leita eftir fyrirtækjum til að styrkja okkur til dæmis mánaðarlega með mat til að deila út. Öll framlög eru vel þegin.“
Mest lesið Einhleypan: Vandræðalegt þegar þeir eru giftir eða í sambandi Lífið Óskarsverðlaunahafi óléttur í annað sinn Lífið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Birta Líf og Gunnar eiga von á dóttur Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Sjóðheitar og einhleypar inn í haustið Lífið Bar fyrir sig að hafa eitt sinn verið í strákabandi Lífið Frestar tónleikaferðalagi vegna andláts Payne Lífið Fleiri fréttir Óskarsverðlaunahafi óléttur í annað sinn Einhleypan: Vandræðalegt þegar þeir eru giftir eða í sambandi Bein útsending: Bingó Blökastsins Birta Líf og Gunnar eiga von á dóttur Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Sjá meira