Óljóst hver slökkti á interneti Norður-Kóreu Nanna Elísa Jakobsdóttir skrifar 24. desember 2014 07:00 Norður-Kóreumenn voru netlausir í níu tíma aðfararnótt þriðjudags. Fréttablaðið/AFP Norður-Kórea Norður-Kórea missti internetaðgang sinn í um níu tíma aðfaranótt þriðjudags og átti í vandræðum í gærmorgun með að halda tengingunni við internetið. Orsökin virtist vera utanaðkomandi truflun sem ekki hefur fengist útskýring á. Matthew Prince, formaður fyrirtækisins CloudFlare sem er internetöryggisfyrirtæki, sagði að það hefði verið sem allar leiðir að internetkerfi Norður-Kóreu hefðu horfið. „Það var eins og Norður-Kórea hefði verið þurrkuð út af internetheimskortinu.“ Prince sagði mögulegt að um verk einstaklings hefði verið að ræða en sagðist ekki geta kveðið á um það hvort um árás hefði verið að ræða. Spjótin beindust um leið að yfirvöldum í Bandaríkjunum en Norður-Kórea hefur átt í ritdeilum við Bandaríkin að undanförnu vegna kvikmyndarinnar The Interview sem kvikmyndaverið Sony Entertainment frumsýnir á jóladag. Vegna árása á tölvukerfi Sony, sem FBI hefur lýst yfir að hafi komið frá Norður-Kóreu, og vegna hótana tölvuþrjótanna gegn hverjum þeim sem myndi sjá myndina var hætt við sýningu hennar en í gær var ákveðið að henni yrði haldið til streitu. Norður-Kórea hefur þvertekið fyrir að hafa átt aðild að tölvuárásinni á Sony. Barack Obama Bandaríkjaforseti leit árásina á Sony alvarlegum augum og gaf það út að Bandaríkin myndu bregðast við með einhverjum hætti. Talskona stjórnvalda vestanhafs sagði þó að almenningur yrði viðbragðanna ekki endilega var. Dan Holden, sem er yfirmaður viðbragðsteymis internetöryggismála hjá Arbor Networks, segist telja það ólíklegt að Bandaríkin hafði staðið á bak við tímabundið internetleysi Norður-Kóreu. Hann teldi þetta einum of augljóst bragð. „Þú myndir ekki vita af viðbrögðum frá Bandaríkjunum fyrr en það væri of seint. Þetta lítur ekki út fyrir að vera verk stjórnvalda.“ Kína liggur einnig undir grun en nær allur internetaðgangur Norður-Kóreu fer þar í gegn. Kína hefur neitað að hafa haft nokkuð með málið að gera. Því hefur einnig verið velt upp hvort yfirvöld í Norður-Kóreu hafi af einhverjum ástæðum sjálf tekið upp á því að leggja niður aðgang að interneti sínu. Þá hafa hinir ýmsu hópar aðgerðasinna, á borð við Anonymus eða Lizard Squad, verið nefndir sem mögulegir orsakavaldar. Hvernig er internetmálum háttað í Norður-Kóreu? Fæstir Norður-Kóreubúar fundu fyrir því þegar lokað var fyrir internet landsins þar sem almenningur hefur takmarkaðan aðgang að því. Í landinu er aðeins eitt IP-net með 1.024 IP-tölum. Mörg tæki geta tengst sömu IP-tölunni að vísu en þrátt fyrir það teljast Norður-Kóreubúar til þeirra þjóða sem hafa hvað minnstan aðgang að interneti í heiminum. Til samanburðar má nefna að hér á landi er RHnetið eitt og sér, en það er hið íslenska háskóla- og rannsóknarnet, með yfir 65 þúsund IP-tölur samkvæmt upplýsingum frá netstjóra ISNIC. Internetið í Norður-Kóreu er einungis í boði fyrir fáa útvalda; æðstu stjórnendur, nokkra sendiherra, nemendur í herþjálfun og örfáa aðra. Jafnvel sendiráð í Pyongyang hafa verið látin takmarka internetaðgang sinn þar sem hætta er á að borgarbúar nái tengingu við veraldarvefinn með því að koma sér fyrir fyrir utan byggingar þeirra. Almenningur hefur hins vegar aðgang að sérstöku landlægu innra neti, „gervi-interneti“, sem kallast Kwangmyong. Þetta innra net hefur í mesta lagi um 5.500 vefsíður og fá notendur aðeins að sjá síður sem yfirvöld í landinu hafa ákveðið að leyfa þeim að sjá. Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Benedikt telur undanbrögð útvarpsstjóra grátleg Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Engin hópnauðgun um páskana á borði lögreglu Innlent Ráðist að fólki við Breiðholtsskóla um hábjartan dag Innlent Saka Ingu um metnaðarleysi eftir skipun flokksmanna í stjórn Innlent Bogi les sinn síðasta fréttatíma á morgun Innlent Vill þyngri refsingar fyrir alvarleg kynferðisbrot Innlent Fleiri fréttir Ráðist að fólki við Breiðholtsskóla um hábjartan dag Um níutíu hælisleitendur setið í gæsluvarðhaldi síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu „Ég vildi óska að fólk gæti séð drenginn minn eins og hann er“ Töldu Akureyringa ekki reka alvöruflugfélag Hefur áhyggjur af rekstri skólans undir Rafmennt Vita ekki hver áhrif fyrirætlanna Meta verða Sjá meira
Norður-Kórea Norður-Kórea missti internetaðgang sinn í um níu tíma aðfaranótt þriðjudags og átti í vandræðum í gærmorgun með að halda tengingunni við internetið. Orsökin virtist vera utanaðkomandi truflun sem ekki hefur fengist útskýring á. Matthew Prince, formaður fyrirtækisins CloudFlare sem er internetöryggisfyrirtæki, sagði að það hefði verið sem allar leiðir að internetkerfi Norður-Kóreu hefðu horfið. „Það var eins og Norður-Kórea hefði verið þurrkuð út af internetheimskortinu.“ Prince sagði mögulegt að um verk einstaklings hefði verið að ræða en sagðist ekki geta kveðið á um það hvort um árás hefði verið að ræða. Spjótin beindust um leið að yfirvöldum í Bandaríkjunum en Norður-Kórea hefur átt í ritdeilum við Bandaríkin að undanförnu vegna kvikmyndarinnar The Interview sem kvikmyndaverið Sony Entertainment frumsýnir á jóladag. Vegna árása á tölvukerfi Sony, sem FBI hefur lýst yfir að hafi komið frá Norður-Kóreu, og vegna hótana tölvuþrjótanna gegn hverjum þeim sem myndi sjá myndina var hætt við sýningu hennar en í gær var ákveðið að henni yrði haldið til streitu. Norður-Kórea hefur þvertekið fyrir að hafa átt aðild að tölvuárásinni á Sony. Barack Obama Bandaríkjaforseti leit árásina á Sony alvarlegum augum og gaf það út að Bandaríkin myndu bregðast við með einhverjum hætti. Talskona stjórnvalda vestanhafs sagði þó að almenningur yrði viðbragðanna ekki endilega var. Dan Holden, sem er yfirmaður viðbragðsteymis internetöryggismála hjá Arbor Networks, segist telja það ólíklegt að Bandaríkin hafði staðið á bak við tímabundið internetleysi Norður-Kóreu. Hann teldi þetta einum of augljóst bragð. „Þú myndir ekki vita af viðbrögðum frá Bandaríkjunum fyrr en það væri of seint. Þetta lítur ekki út fyrir að vera verk stjórnvalda.“ Kína liggur einnig undir grun en nær allur internetaðgangur Norður-Kóreu fer þar í gegn. Kína hefur neitað að hafa haft nokkuð með málið að gera. Því hefur einnig verið velt upp hvort yfirvöld í Norður-Kóreu hafi af einhverjum ástæðum sjálf tekið upp á því að leggja niður aðgang að interneti sínu. Þá hafa hinir ýmsu hópar aðgerðasinna, á borð við Anonymus eða Lizard Squad, verið nefndir sem mögulegir orsakavaldar. Hvernig er internetmálum háttað í Norður-Kóreu? Fæstir Norður-Kóreubúar fundu fyrir því þegar lokað var fyrir internet landsins þar sem almenningur hefur takmarkaðan aðgang að því. Í landinu er aðeins eitt IP-net með 1.024 IP-tölum. Mörg tæki geta tengst sömu IP-tölunni að vísu en þrátt fyrir það teljast Norður-Kóreubúar til þeirra þjóða sem hafa hvað minnstan aðgang að interneti í heiminum. Til samanburðar má nefna að hér á landi er RHnetið eitt og sér, en það er hið íslenska háskóla- og rannsóknarnet, með yfir 65 þúsund IP-tölur samkvæmt upplýsingum frá netstjóra ISNIC. Internetið í Norður-Kóreu er einungis í boði fyrir fáa útvalda; æðstu stjórnendur, nokkra sendiherra, nemendur í herþjálfun og örfáa aðra. Jafnvel sendiráð í Pyongyang hafa verið látin takmarka internetaðgang sinn þar sem hætta er á að borgarbúar nái tengingu við veraldarvefinn með því að koma sér fyrir fyrir utan byggingar þeirra. Almenningur hefur hins vegar aðgang að sérstöku landlægu innra neti, „gervi-interneti“, sem kallast Kwangmyong. Þetta innra net hefur í mesta lagi um 5.500 vefsíður og fá notendur aðeins að sjá síður sem yfirvöld í landinu hafa ákveðið að leyfa þeim að sjá.
Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Benedikt telur undanbrögð útvarpsstjóra grátleg Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Engin hópnauðgun um páskana á borði lögreglu Innlent Ráðist að fólki við Breiðholtsskóla um hábjartan dag Innlent Saka Ingu um metnaðarleysi eftir skipun flokksmanna í stjórn Innlent Bogi les sinn síðasta fréttatíma á morgun Innlent Vill þyngri refsingar fyrir alvarleg kynferðisbrot Innlent Fleiri fréttir Ráðist að fólki við Breiðholtsskóla um hábjartan dag Um níutíu hælisleitendur setið í gæsluvarðhaldi síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu „Ég vildi óska að fólk gæti séð drenginn minn eins og hann er“ Töldu Akureyringa ekki reka alvöruflugfélag Hefur áhyggjur af rekstri skólans undir Rafmennt Vita ekki hver áhrif fyrirætlanna Meta verða Sjá meira