Umfjöllun og viðtöl: Víkingur - Fylkir 5-1 | Martröð Fylkismanna í Fossvoginum Stefán Árni Pálsson á Víkingsvelli skrifar 18. júní 2014 12:40 Vísir/Valli Víkingur flaug áfram í 16-liða úrslitum Borgungar-bikarsins í kvöld þegar liðið vann öruggan sigur á Fylkismönnum 5-1. Víkingar skoruðu þrjú fyrstu mörk leiksins þegar rúmlega tuttugu mínútur voru liðnar af leiknum og hann í raun búinn. Fylkismenn náðu að minnka muninn í fyrri hálfleiknum en komust ekki lengra. Víkingar verða því í pottinum þegar dregið verður í 8-liða úrslitin. Leikurinn byrjaði heldur betur vel fyrir heimamenn en þeir gerðu fyrsta mark leiksins eftir aðeins sjö mínútna leik þegar Pape Mamadou Faye, fyrrum leikmaður Fylkis, skallaði boltann í netið eftir hornspyrnu. Lætin voru þá rétt svo að byrja en Arnþór Ingi Kristinsson skoraði annað mark Víkinga fjórum mínútum síðar og var staðan allt í einu orðin 2-0 fyrir heimamenn. Arnþór var síðan aftur á ferðinni á 22. mínútu leiksins þegar hann skoraði sitt annað mark í leiknum og þriðja mark Víkinga í leiknum. Ótrúleg byrjun hjá lærisveinum Ólafs Þórðarsonar og staðan ekki beint vænleg fyrir Árbæinga. Andrew Sousa náði aftur á móti að minnka muninn þegar tæplega hálftími var liðin af leiknum með frábæru marki beint úr aukaspyrnu. Fylkismenn sóttu aðeins í sig veðrið næstu mínútur og voru að vinna sig inn í leikinn þegar flautað var til hálfleiks. Fylkismenn byrjuðu síðari hálfleikinn nokkuð vel og voru sprækir. Víkingar voru samt sem áður þéttur og gáfu fá færi á sér. Fylkismenn leituðu lengi að marki til að komast inn í leikinn en þegar rúmlega tíu mínútur voru eftir af leiknum kláraði Ívar Örn Jónsson leikinn fyrir heimamenn þegar hann skoraði glæsilegt mark með viðstöðulausu skoti. Ómar Friðriksson sendi boltann frá hægri til vinstri yfir svo gott sem allan völlinn og Ívar þrumaði boltanum í netið, alveg óverjandi fyrir Björn Hákon í marki Fylkis. Aron Elís Þrándarson skoraði síðan lokamark leiksins rétt undir lokin og niðurstaðan því öruggur sigur Víkinga 5-1. Óli Þórðar: Geta sýnt að þjálfarinn sé algjört fífl að velja þá ekki í liðið„Það er alltaf gaman að vinna í bikarnum, sama hvað lið á í hlut,“ segir Ólafur Þórðarson, þjálfari Víkinga, eftir sigurinn í kvöld. Ólafur stýrði eitt sinn liði Fylkis. „Við byrjuðum leikinn gríðarlega vel og skorum strax þrjú mörk og eftir það var eiginlega botninn farinn úr þessu hjá Fylkismönnum og þeir náðu ekki að jafna sig á því.“ Ólafur gerði sjö breytingar á byrjunarliðinu frá sigurleiknum gegn Valsmönnum í síðustu umferð Pepsi-deildarinnar. „Þetta gekk upp því þeir sem komu inná völlinn voru einbeittir og tilbúnir í slaginn. Þessi strákar hafa aðeins setið fyrir utan en þessir leikir eru fyrir svona stráka, svo þeir geti sýnt að þjálfari sé algjört fífl að velja þá ekki í liðið.“ Ásmundur: Gefum þeim þrjú mörk í byrjun„Það leggur enginn upp með svona úrslit,“ segir Ásmundur Arnarsson, þjálfari Fylkis, eftir leikinn. „Menn komu vel stemmdir inn í þennan leik og það var ágætis holning á liðinu til að byrja með en við færum þau þrjú mjög auðveld mörk í upphafi leiksins sem kálar leiknum fyrir okkur.“Ásmundur segir að liðið hafi því næst þurft að sækja og þá hafi vörnin opnast. „Það skiptir engu máli hvort maður tapi 1-0 eða 10-0 í bikarnum og því urðum við að sækja.“„Við höfum verið að fá á okkur mörk úr föstum leikatriðum undanfarið og það er eitthvað sem við verðum að skoða. Það er hægt að skrá þau nokkur á einbeitningarleysi.“ Arnþór: Maður er að keppa við helvíti góða leikmenn í þessu liði„Þetta var hörku leikur og maður bjóst nú ekki alveg við því að vinna hann svona stórt,“ segir Arnþór Ingi Kristinsson, maður leiksins í kvöld. Arnþór gerði tvö mörk fyrir heimamenn og lagði einnig upp tvö. „Ég bjóst nú kannski ekki alveg við því að standa mig svona vel en maður fer alltaf inn í alla leiki til að sanna sig.“ Arnþór segist hafa fengið fjóra í einkunn á Vísi í síðasta leik og þá viljað bæta sig. „Maður er að keppa við helvíti góða leikmenn í þessu liði og verð því að sanna mig.“ Íslenski boltinn Mest lesið Magnað heimsmet í hálfu maraþoni Sport Wembanyama og Paul svindluðu og voru reknir úr keppni Körfubolti Maddison tryggði langþráðan heimasigur Enski boltinn Diaz kom Liverpool í toppmál Enski boltinn Pat Vellner valdi að fara sömu leið og Anníe Mist Sport „Staða okkar í töflunni veldur mér áhyggjum“ Enski boltinn Ekki sama hvort það er „fuck off“ eða „fuck you“ Fótbolti Uppgjörið: Keflavík - Haukar 96-97 | Sluppu með eins nauman sigur og hægt er úr Bítlabænum Körfubolti Sektar eigin leikmenn eftir tapið gegn Víkingum Fótbolti Armstrong til Man United frá PSG Enski boltinn Fleiri fréttir KR lánar Óðinn til ÍR Sjáðu fimm marka flengingu frá meisturunum Gylfi fyrirliði í jafntefli á Akranesi Víkingar með lægra tilboð en „grín“ í Gylfa Valur og Breiðablik í góðum gír í Lengjubikar kvenna Devine til Blika og má spila í kvöld Fimmtán milljón króna hagnaður hjá KSÍ FH safnaði yfir tveimur milljónum fyrir Píeta samtökin Grótta laus úr banni FIFA Þorri mættur í Stjörnuna og ætlar að vinna titla Herra Fjölnir tekur við Fjölni „Púsluspilið gekk ekki upp“ Víkingar hættir í Lengjubikarnum Ætla að spila í Grindavík: „Ábyrgð mín að koma liðinu heim“ Sif Atla ráðin framkvæmdastjóri Leikmannasamtaka Íslands Andri Rúnar með þrennu fyrir Stjörnuna í kvöld Þorri sagður á heimleið: „Verð þakklátur alla ævina“ Úlfur óvænt rekinn frá Fjölni Framarar fundu strax leið úr skammarkróknum Tvær þrennur í níu marka stórsigri Hrannar með þrennu gegn Þór Sjáðu sigurmark Örvars og önnur mörk úr Lengjubikarnum Íhugaði að lauma mynd af húsinu í myndaalbúm fjölskyldunnar ÍR vann níu FH-inga og Valskonur í stuði Hituðu upp fyrir Grikkina í snjónum: Danna þema hjá Víkingum Martraðarbyrjun Róberts í Víkingstreyjunni Einar heim í Hafnarfjörðinn Húsvíkingurinn frá KR til Þróttar Framarar lausir við Frambanann Cousins búin að semja við Þrótt Sjá meira
Víkingur flaug áfram í 16-liða úrslitum Borgungar-bikarsins í kvöld þegar liðið vann öruggan sigur á Fylkismönnum 5-1. Víkingar skoruðu þrjú fyrstu mörk leiksins þegar rúmlega tuttugu mínútur voru liðnar af leiknum og hann í raun búinn. Fylkismenn náðu að minnka muninn í fyrri hálfleiknum en komust ekki lengra. Víkingar verða því í pottinum þegar dregið verður í 8-liða úrslitin. Leikurinn byrjaði heldur betur vel fyrir heimamenn en þeir gerðu fyrsta mark leiksins eftir aðeins sjö mínútna leik þegar Pape Mamadou Faye, fyrrum leikmaður Fylkis, skallaði boltann í netið eftir hornspyrnu. Lætin voru þá rétt svo að byrja en Arnþór Ingi Kristinsson skoraði annað mark Víkinga fjórum mínútum síðar og var staðan allt í einu orðin 2-0 fyrir heimamenn. Arnþór var síðan aftur á ferðinni á 22. mínútu leiksins þegar hann skoraði sitt annað mark í leiknum og þriðja mark Víkinga í leiknum. Ótrúleg byrjun hjá lærisveinum Ólafs Þórðarsonar og staðan ekki beint vænleg fyrir Árbæinga. Andrew Sousa náði aftur á móti að minnka muninn þegar tæplega hálftími var liðin af leiknum með frábæru marki beint úr aukaspyrnu. Fylkismenn sóttu aðeins í sig veðrið næstu mínútur og voru að vinna sig inn í leikinn þegar flautað var til hálfleiks. Fylkismenn byrjuðu síðari hálfleikinn nokkuð vel og voru sprækir. Víkingar voru samt sem áður þéttur og gáfu fá færi á sér. Fylkismenn leituðu lengi að marki til að komast inn í leikinn en þegar rúmlega tíu mínútur voru eftir af leiknum kláraði Ívar Örn Jónsson leikinn fyrir heimamenn þegar hann skoraði glæsilegt mark með viðstöðulausu skoti. Ómar Friðriksson sendi boltann frá hægri til vinstri yfir svo gott sem allan völlinn og Ívar þrumaði boltanum í netið, alveg óverjandi fyrir Björn Hákon í marki Fylkis. Aron Elís Þrándarson skoraði síðan lokamark leiksins rétt undir lokin og niðurstaðan því öruggur sigur Víkinga 5-1. Óli Þórðar: Geta sýnt að þjálfarinn sé algjört fífl að velja þá ekki í liðið„Það er alltaf gaman að vinna í bikarnum, sama hvað lið á í hlut,“ segir Ólafur Þórðarson, þjálfari Víkinga, eftir sigurinn í kvöld. Ólafur stýrði eitt sinn liði Fylkis. „Við byrjuðum leikinn gríðarlega vel og skorum strax þrjú mörk og eftir það var eiginlega botninn farinn úr þessu hjá Fylkismönnum og þeir náðu ekki að jafna sig á því.“ Ólafur gerði sjö breytingar á byrjunarliðinu frá sigurleiknum gegn Valsmönnum í síðustu umferð Pepsi-deildarinnar. „Þetta gekk upp því þeir sem komu inná völlinn voru einbeittir og tilbúnir í slaginn. Þessi strákar hafa aðeins setið fyrir utan en þessir leikir eru fyrir svona stráka, svo þeir geti sýnt að þjálfari sé algjört fífl að velja þá ekki í liðið.“ Ásmundur: Gefum þeim þrjú mörk í byrjun„Það leggur enginn upp með svona úrslit,“ segir Ásmundur Arnarsson, þjálfari Fylkis, eftir leikinn. „Menn komu vel stemmdir inn í þennan leik og það var ágætis holning á liðinu til að byrja með en við færum þau þrjú mjög auðveld mörk í upphafi leiksins sem kálar leiknum fyrir okkur.“Ásmundur segir að liðið hafi því næst þurft að sækja og þá hafi vörnin opnast. „Það skiptir engu máli hvort maður tapi 1-0 eða 10-0 í bikarnum og því urðum við að sækja.“„Við höfum verið að fá á okkur mörk úr föstum leikatriðum undanfarið og það er eitthvað sem við verðum að skoða. Það er hægt að skrá þau nokkur á einbeitningarleysi.“ Arnþór: Maður er að keppa við helvíti góða leikmenn í þessu liði„Þetta var hörku leikur og maður bjóst nú ekki alveg við því að vinna hann svona stórt,“ segir Arnþór Ingi Kristinsson, maður leiksins í kvöld. Arnþór gerði tvö mörk fyrir heimamenn og lagði einnig upp tvö. „Ég bjóst nú kannski ekki alveg við því að standa mig svona vel en maður fer alltaf inn í alla leiki til að sanna sig.“ Arnþór segist hafa fengið fjóra í einkunn á Vísi í síðasta leik og þá viljað bæta sig. „Maður er að keppa við helvíti góða leikmenn í þessu liði og verð því að sanna mig.“
Íslenski boltinn Mest lesið Magnað heimsmet í hálfu maraþoni Sport Wembanyama og Paul svindluðu og voru reknir úr keppni Körfubolti Maddison tryggði langþráðan heimasigur Enski boltinn Diaz kom Liverpool í toppmál Enski boltinn Pat Vellner valdi að fara sömu leið og Anníe Mist Sport „Staða okkar í töflunni veldur mér áhyggjum“ Enski boltinn Ekki sama hvort það er „fuck off“ eða „fuck you“ Fótbolti Uppgjörið: Keflavík - Haukar 96-97 | Sluppu með eins nauman sigur og hægt er úr Bítlabænum Körfubolti Sektar eigin leikmenn eftir tapið gegn Víkingum Fótbolti Armstrong til Man United frá PSG Enski boltinn Fleiri fréttir KR lánar Óðinn til ÍR Sjáðu fimm marka flengingu frá meisturunum Gylfi fyrirliði í jafntefli á Akranesi Víkingar með lægra tilboð en „grín“ í Gylfa Valur og Breiðablik í góðum gír í Lengjubikar kvenna Devine til Blika og má spila í kvöld Fimmtán milljón króna hagnaður hjá KSÍ FH safnaði yfir tveimur milljónum fyrir Píeta samtökin Grótta laus úr banni FIFA Þorri mættur í Stjörnuna og ætlar að vinna titla Herra Fjölnir tekur við Fjölni „Púsluspilið gekk ekki upp“ Víkingar hættir í Lengjubikarnum Ætla að spila í Grindavík: „Ábyrgð mín að koma liðinu heim“ Sif Atla ráðin framkvæmdastjóri Leikmannasamtaka Íslands Andri Rúnar með þrennu fyrir Stjörnuna í kvöld Þorri sagður á heimleið: „Verð þakklátur alla ævina“ Úlfur óvænt rekinn frá Fjölni Framarar fundu strax leið úr skammarkróknum Tvær þrennur í níu marka stórsigri Hrannar með þrennu gegn Þór Sjáðu sigurmark Örvars og önnur mörk úr Lengjubikarnum Íhugaði að lauma mynd af húsinu í myndaalbúm fjölskyldunnar ÍR vann níu FH-inga og Valskonur í stuði Hituðu upp fyrir Grikkina í snjónum: Danna þema hjá Víkingum Martraðarbyrjun Róberts í Víkingstreyjunni Einar heim í Hafnarfjörðinn Húsvíkingurinn frá KR til Þróttar Framarar lausir við Frambanann Cousins búin að semja við Þrótt Sjá meira
Uppgjörið: Keflavík - Haukar 96-97 | Sluppu með eins nauman sigur og hægt er úr Bítlabænum Körfubolti
Uppgjörið: Keflavík - Haukar 96-97 | Sluppu með eins nauman sigur og hægt er úr Bítlabænum Körfubolti