Eigendur DV hafa átt í viðræðum við aðra fjölmiðla um samstarf eða viðskipti. Þetta kemur fram í tilkynningu frá Þorsteini Guðnasyni, stjórnarformanni útgáfufélags DV. Þar segir hann að sennilega muni félagið stækka innan frá og með yfirtöku eða sameiningu við önnur félög á fjölmiðlamarkaði.
Hluthafafundur DV fór fram í gær en þar var samþykkt heimild til hlutafjáraukningar upp á allt að 65 milljónir króna. „Eftir hlutafjáraukninguna verður eiginfjárhlutfall félagsins vel yfir 50% og veltufjárstaða bætt til muna,“ segir Þorsteinn í tilkynningunni.
Vísir greindi frá því í gærkvöldi að hluthafafundurinn hafi einnig samþykkt að fella út yfirtökuvarnir sem til staðar voru í samþykktum félagsins sem meðal annars takmörkuðu hversu stóran hluta atkvæða einn eða tengdir aðilar gætu farið með.
Reiknar með að taka yfir eða sameinast öðru fjölmiðlafyrirtæki

Tengdar fréttir

Yfirtökuvarnir í samþykktum DV felldar út
Þorsteinn Guðnason aftur kjörinn stjórnarformaður og Lilja Skaftadóttir verður formaður útgáfunefndar.

Sigurður G. á 13 prósent í DV
Reynir Traustason enn á meðal stærstu hluthafa blaðsins.