Herra Hnetusmjör ein af vonarstjörnum íslensks rapps Kjartan Atli Kjartansson skrifar 26. maí 2015 09:00 Herra Hnetusmjör er ein af framtíðarstjörnum íslenska rappsins. Vísir/Vilhelm Rapparinn Árni Páll Árnason, sem gengur undir nafninu Herra Hnetusmjör, hefur fangað athygli margra með frambærilegum lögum og skemmtilegu flæði. Fyrir helgina setti hann nýtt lag á vefinn Youtube, sem ber titilinn Hvítur bolur, gullkeðja. Nú þegar hefur lagið verið leikið í um fimm þúsund skipti af vefnum. „Viðtökurnar hafa verið alveg klikkaðar. Lagið var tekið upp í janúar og ég vann það með vini mínum Jóhanni Karlssyni, sem er betur þekktur sem Joe Frazier. Við ákváðum að gefa lagið út núna, við ætluðum að gera myndband við það en vorum orðnir óþreyjufullir og vildum leyfa fólki að heyra.“ Rapparinn sjálfur er aðeins átján ára gamall og hefur stjarna hans skinið sífellt skærar undanfarið ár. „Ég er búinn að klifra mjög mikið. Ég finn alveg fyrir því að mörgum líkar vel við það sem ég er að gera.“ Mörgum þykir rapparinn ungi vera ein af framtíðarstjörnum íslenskrar rapptónlistar. Eins og sjá má hér að neðan eru reynsluboltarnir í íslenska rappinu ákaflega hrifnir af Herra Hnetusmjöri. „Ég er þakklátur fyrir þann stuðning sem ég hef fengið. En ég finn samt ekki fyrir neinni pressu eða neitt svoleiðis. Ég geri bara mitt.“ Herra Hnetusmjör kemur frá Kópavogi og tilheyrir hópnum Kópboisentertainment, sem er skammstafað KBE. Rapparinn er með skammstöfunina flúraða á handlegginn undir mynd af hnetusmjörskrukku. Þegar hann er spurður hvaðan nafnið kemur er svarið einfalt. „Hnetusmjör er best og ég er bestur,“ segir hann og hlær. Árni Páll hefur lagt rappið fyrir sig að fullu og er það hans eina starf um þessar mundir. Hann hefur verið duglegur að leika víða um land og hefur troðið upp með öðrum rappara úr Kópavogi, Erpi Eyvindarsyni. Þeir félagar hafa leikið á fjölda staða á höfuðborgarsvæðinu, farið nokkrum sinnum á Selfoss auk þess sem þeir fóru í svaðilför til Hafnar á Hornafirði í vetur. „Við vorum veðurtepptir í fimm daga. Þetta var algjört þrot. En við gerðum það besta úr þessu; vorum bara í dagdrykkju og borðuðum humar á meðan.“ Nóg verður að gera hjá rapparanum í sumar. „Ég mun spila á Secret Solstice, hita upp fyrir Rae Sremmurd og kem fram með Erpi sem hitar upp fyrir Snoop Dogg.“ Fleiri lög eru líka á döfinni frá Herra Hnetusmjöri. „Við Joe Frazier munum gefa út lög saman í sumar. Erpur er núna úti á Kúbu og þegar hann kemur heim munum við gefa út sumarlagið í ár. Síðan kemur annað lag frá okkur undir titlinum Þori að veðja.“Sesar AVísir/AndriMarinóEyjólfur Eyvindarson, Sesar A: Hnetusmjörið er æska rappsins. Hann er sverð og skjöldur og Kópavogs. Mér finnst hann mjög efnilegur, sérstaklega miðað hvað hann er ungur. Hann er með mjög sveigjanlegt flæði, getur farið hratt og hægt sig niður. Svo má ekki gleyma félaga hans Joe Frazier. Saman eru þeir eitraðir. Þeir eiga framtíðina fyrir sér.Danni DeluxxDaníel Ólafsson, Danni Deluxx: „Ég myndi segja að hann sé með þetta. Hann „hrár spittari“, eins og við segjum. Það verður gaman að fylgjast með því hvert hann fer með þetta. Hann er með ákveðna eiginleika sem eru mjög ákjósanlegir og eiginlega fullkomin blanda af nýjum og gömlum stíl. Ýmislegt við hann minnir mann á Dóra DNA þegar hann var yngri. Emmsjé GautiGauti Þeyr Máson, Emmsjé Gauti: Hann er ungur, graður og ferskur. Hann er að fara rétt að þessu, er að nálgast þetta á réttan hátt. Hann situr ekki heima hjá sér og grætur yfir því ef einhverjir fáir fíla hann ekki. Hann heldur frekar bara áfram. Hann er orðinn sýnilegur og verður enn meiri sýnilegri á næstu misserum. Ég spái því að við eigum eftir að sjá mikið af honum. Svo má ekki gleyma Joe Frazier sem er með honum. Þeir eru flottir.BlazrocaErpur Eyvindarson, Blazroca: Hann er skemmtilegur, ferskur og ákaflega aktífur. Hann er fyndinn og beittur. Hann er mjög hungraður, sem er mikill kostur. Hann er með gott flæði. Hann er nýungagjarn en að sama skapi er hann líka í klassíkinni. Hann er með þetta. Tónlist Mest lesið Villi Vill segir Gísla Örn gera stór mistök Lífið „Það var eiginlega ég sem bað hann um að giftast mér, held ég“ Lífið Kolbeinn Sigþórsson selur útsýnisíbúð á Kársnesinu Lífið Fékk yfir sig olíugusu við tökur á sjónvarpsþáttum Bíó og sjónvarp Bara með bótox og biður um að vera látin í friði Lífið „Hugsuðum hver andskotinn væri í gangi“ Lífið „Þarna fékk ég að kynnast því hvað þunglyndi er“ Lífið Sleit sambandinu með símtali Lífið Heiðar Logi og Anny Björk eiga von á barni Lífið FM Belfast fékk blessun Greifanna fyrir síðsumarsmelli Tónlist Fleiri fréttir FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Sjá meira
Rapparinn Árni Páll Árnason, sem gengur undir nafninu Herra Hnetusmjör, hefur fangað athygli margra með frambærilegum lögum og skemmtilegu flæði. Fyrir helgina setti hann nýtt lag á vefinn Youtube, sem ber titilinn Hvítur bolur, gullkeðja. Nú þegar hefur lagið verið leikið í um fimm þúsund skipti af vefnum. „Viðtökurnar hafa verið alveg klikkaðar. Lagið var tekið upp í janúar og ég vann það með vini mínum Jóhanni Karlssyni, sem er betur þekktur sem Joe Frazier. Við ákváðum að gefa lagið út núna, við ætluðum að gera myndband við það en vorum orðnir óþreyjufullir og vildum leyfa fólki að heyra.“ Rapparinn sjálfur er aðeins átján ára gamall og hefur stjarna hans skinið sífellt skærar undanfarið ár. „Ég er búinn að klifra mjög mikið. Ég finn alveg fyrir því að mörgum líkar vel við það sem ég er að gera.“ Mörgum þykir rapparinn ungi vera ein af framtíðarstjörnum íslenskrar rapptónlistar. Eins og sjá má hér að neðan eru reynsluboltarnir í íslenska rappinu ákaflega hrifnir af Herra Hnetusmjöri. „Ég er þakklátur fyrir þann stuðning sem ég hef fengið. En ég finn samt ekki fyrir neinni pressu eða neitt svoleiðis. Ég geri bara mitt.“ Herra Hnetusmjör kemur frá Kópavogi og tilheyrir hópnum Kópboisentertainment, sem er skammstafað KBE. Rapparinn er með skammstöfunina flúraða á handlegginn undir mynd af hnetusmjörskrukku. Þegar hann er spurður hvaðan nafnið kemur er svarið einfalt. „Hnetusmjör er best og ég er bestur,“ segir hann og hlær. Árni Páll hefur lagt rappið fyrir sig að fullu og er það hans eina starf um þessar mundir. Hann hefur verið duglegur að leika víða um land og hefur troðið upp með öðrum rappara úr Kópavogi, Erpi Eyvindarsyni. Þeir félagar hafa leikið á fjölda staða á höfuðborgarsvæðinu, farið nokkrum sinnum á Selfoss auk þess sem þeir fóru í svaðilför til Hafnar á Hornafirði í vetur. „Við vorum veðurtepptir í fimm daga. Þetta var algjört þrot. En við gerðum það besta úr þessu; vorum bara í dagdrykkju og borðuðum humar á meðan.“ Nóg verður að gera hjá rapparanum í sumar. „Ég mun spila á Secret Solstice, hita upp fyrir Rae Sremmurd og kem fram með Erpi sem hitar upp fyrir Snoop Dogg.“ Fleiri lög eru líka á döfinni frá Herra Hnetusmjöri. „Við Joe Frazier munum gefa út lög saman í sumar. Erpur er núna úti á Kúbu og þegar hann kemur heim munum við gefa út sumarlagið í ár. Síðan kemur annað lag frá okkur undir titlinum Þori að veðja.“Sesar AVísir/AndriMarinóEyjólfur Eyvindarson, Sesar A: Hnetusmjörið er æska rappsins. Hann er sverð og skjöldur og Kópavogs. Mér finnst hann mjög efnilegur, sérstaklega miðað hvað hann er ungur. Hann er með mjög sveigjanlegt flæði, getur farið hratt og hægt sig niður. Svo má ekki gleyma félaga hans Joe Frazier. Saman eru þeir eitraðir. Þeir eiga framtíðina fyrir sér.Danni DeluxxDaníel Ólafsson, Danni Deluxx: „Ég myndi segja að hann sé með þetta. Hann „hrár spittari“, eins og við segjum. Það verður gaman að fylgjast með því hvert hann fer með þetta. Hann er með ákveðna eiginleika sem eru mjög ákjósanlegir og eiginlega fullkomin blanda af nýjum og gömlum stíl. Ýmislegt við hann minnir mann á Dóra DNA þegar hann var yngri. Emmsjé GautiGauti Þeyr Máson, Emmsjé Gauti: Hann er ungur, graður og ferskur. Hann er að fara rétt að þessu, er að nálgast þetta á réttan hátt. Hann situr ekki heima hjá sér og grætur yfir því ef einhverjir fáir fíla hann ekki. Hann heldur frekar bara áfram. Hann er orðinn sýnilegur og verður enn meiri sýnilegri á næstu misserum. Ég spái því að við eigum eftir að sjá mikið af honum. Svo má ekki gleyma Joe Frazier sem er með honum. Þeir eru flottir.BlazrocaErpur Eyvindarson, Blazroca: Hann er skemmtilegur, ferskur og ákaflega aktífur. Hann er fyndinn og beittur. Hann er mjög hungraður, sem er mikill kostur. Hann er með gott flæði. Hann er nýungagjarn en að sama skapi er hann líka í klassíkinni. Hann er með þetta.
Tónlist Mest lesið Villi Vill segir Gísla Örn gera stór mistök Lífið „Það var eiginlega ég sem bað hann um að giftast mér, held ég“ Lífið Kolbeinn Sigþórsson selur útsýnisíbúð á Kársnesinu Lífið Fékk yfir sig olíugusu við tökur á sjónvarpsþáttum Bíó og sjónvarp Bara með bótox og biður um að vera látin í friði Lífið „Hugsuðum hver andskotinn væri í gangi“ Lífið „Þarna fékk ég að kynnast því hvað þunglyndi er“ Lífið Sleit sambandinu með símtali Lífið Heiðar Logi og Anny Björk eiga von á barni Lífið FM Belfast fékk blessun Greifanna fyrir síðsumarsmelli Tónlist Fleiri fréttir FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Sjá meira