Héldu að Perlan væri nýtt hof ásatrúarmanna: "Ég hef verið að leiðrétta þetta“ Birgir Olgeirsson skrifar 16. janúar 2015 15:31 Ráðgert er að framkvæmdi við höfuðhof ásatrúarmanna í Öskjuhlíð hefjist í febrúar. ÞEtta verður fyrsta höfuðhof ásatrúarmanna á Norðurlöndunum í tæp þúsund ár. Vísir/Gunnar/Stefán „Ég hef verið að leiðrétta þetta undanfarna daga,“ segir Hilmar Örn Hilmarsson, allsherjagoði Ásatrúarfélagsins, um þann misskilning sem hefur gætt erlendis frá að Perlan sé hið nýja höfuðhof ásatrúarmanna. Áætlað er að framkvæmdir við þetta nýja hof Ásatrúarfélagsins hefjist í Öskjuhlíð í febrúar en það verður fyrsta höfuðhof ásatrúarmanna á Norðurlöndum í þúsund ár. Tímaritið Icelandic Mag sagði á dögunum frá framkvæmdunum og birti mynd af Öskjuhlíðinni með fréttinni þar sem Perlan er fremur áberandi. Hilmar segir þann misskilning hafa átt sér stað í kjölfarið erlendis að Perlan væri hið nýja höfuðhof.Starfsemi Ásatrúarfélagsins mun fara fram í nýja hofinu. Vísir/StefánStefna á 800 fermetra byggingu Hofið sem á að byggja er um fjögur hundruð fermetrar og mun en það er einungis fyrsti áfanginn. Ásatrúarfélagið hefur fengið að geyma byggingu safnaðarheimilis í um tíu ár en þegar þeim framkvæmdum verður lokið mun bygging Ásatrúarfélagsins í Öskjuhlíðinni verða um 800 fermetrar. Ásatrúarfélagið var formlega stofnað sumardaginn fyrsta árið 1972 og fékk viðurkenningu sem löggilt trúfélg ári síðar, þann 16. maí árið 1973. Á vef félagsins kemur fram að tilgangur þess sé að starfa að eflingu ásatrúar og annast þá trúarlegu þjónustu sem því er samfara og vill félagið ná þessu félagi með fræðslu- og félagsstarfi, en ekki trúboði. Líkt og áður kom fram er þetta þetta fyrsta höfuðhof ásatrúarmanna á Norðurlöndum í tæplega þúsund ár, eða frá því hofið í Uppsölum í Svíþjóð var brennt árið 1070. Hilmar segir þessa byggingu nýs höfuðhofs algerlega breyta ásýnd ásatrúarmanna. „Þetta er heimsögulegur viðburður. Ég held að þetta eigi eftir að gera okkur mjög gott í framtíðinni,“ segir Hilmar. Í hofinu mun fara fram starfsemi Ásatrúarfélagsins, svo sem nafngiftir, siðmál, hjónavígslur og útfarir. Þá er einnig ráðgert að halda þar tónlistaruppákomur og kynningar af ýmsum toga.Von á meiri aðsókn erlendis frá Hilmar á von að aðsókn verði meiri erlendis frá vegna tilkomu hofsins. „Við búumst við því að þurfa að efla ásýnd félagsins með kynningarefni og annað slíkt þannig að í innganginum verði gallerí og margmiðlunarefni til að kynna söguna og hefðina,“ segir Hilmar en gert er ráð fyrir fræðimannaíbúð í teikningum fyrir seinni áfanga framkvæmdarinnar. „Við myndum þá bjóða erlendum aðila sem stundar rannsóknir tengdum goðafræði að vera þarna og hafa aðstöðu.“ Hann segir áhugann erlendis hafa aukist stöðugt undanfarin ár og nefnir að hann hafi jafnvel verið meiri erlendis frá en á Íslandi í upphafi. „ En núna vex þetta frá ári til árs,“ segir Hilmar.Chris Hemsworth í hlutverki Þórs í Marvel-útgáfunni af norræna þrumuguðinum.YouTubeMarvel-myndirnar skemma ekki fyrir Einhverjir hafa viljað tengja þennan aukna áhuga erlendis frá við myndir á borð við Hringadróttinssögu og þá sérstaklega ofurhetjumyndir Marvels um þrumuguðinn Þór. „Ég held að það skemmi ekki fyrir,“ segir Hilmar þegar hann er spurður út í myndir Marvels þar sem Þór er ýmist í aðalhlutverki eða partur af ofurhetjuteyminu The Avengers, en þessar myndir hafa verið á meðal tekjuhæstu kvikmynda síðastliðinna ára. „Ég skal alveg trúa því að það spili eitthvað inni en ég held að það sé ekki beint eitthvað sem valdi einhverri byltingu, meira létt og ljúf viðbót við hitt,“ segir Hilmar og hefur ekki áhyggjur af því að bandarískur skáldskapur um Þór valdi einhverjum misskilningi um ásatrúna. Allavega eru þeir á Íslandi ekki að leiðrétta erlenda áhugamenn.„Bara hlegið að þessu“ „Ég held að fólk geri það yfirleitt fyrir okkur. Sumir ásatrúarmenn í Bandaríkjunum urðu brjálaðir, vildu sniðganga fyrstu myndina og eitthvað vesen. Við höfum bara hlegið að þessu. Þetta er ekkert sem þarf að hafa áhyggjur af,“ segir Hilmar. Hann hefur þó aðeins eitt út á þessa poppvæðingu á Þór að setja og það er hvernig Bretinn Kenneth Brannagh fór með þrumuguðinn í fyrstu myndinni sem bar nafnið Thor. „Ég hef sagt að það sé synd að Kenneth Brannagh fór meira í Shakespeare en Eddukvæðin, en dramatískt gekk þetta vel upp.“ Mest lesið Fjöldi herskipa við Reykjavíkurhöfn Innlent Skiljanlegt að málið veki upp miklar og erfiðar tilfinningar Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Neituðu sök en viðurkenna nú að hafa drepið hjálparstarfsmann Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Alvarlegt ef þrefalda á strandveiðikvóta á kostnað annarra Innlent Tugir þúsunda kveðja páfann fyrir útförina Erlent Vagga Akureyrarflugs er á Melgerðismelum Innlent Fleiri fréttir Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sjá meira
„Ég hef verið að leiðrétta þetta undanfarna daga,“ segir Hilmar Örn Hilmarsson, allsherjagoði Ásatrúarfélagsins, um þann misskilning sem hefur gætt erlendis frá að Perlan sé hið nýja höfuðhof ásatrúarmanna. Áætlað er að framkvæmdir við þetta nýja hof Ásatrúarfélagsins hefjist í Öskjuhlíð í febrúar en það verður fyrsta höfuðhof ásatrúarmanna á Norðurlöndum í þúsund ár. Tímaritið Icelandic Mag sagði á dögunum frá framkvæmdunum og birti mynd af Öskjuhlíðinni með fréttinni þar sem Perlan er fremur áberandi. Hilmar segir þann misskilning hafa átt sér stað í kjölfarið erlendis að Perlan væri hið nýja höfuðhof.Starfsemi Ásatrúarfélagsins mun fara fram í nýja hofinu. Vísir/StefánStefna á 800 fermetra byggingu Hofið sem á að byggja er um fjögur hundruð fermetrar og mun en það er einungis fyrsti áfanginn. Ásatrúarfélagið hefur fengið að geyma byggingu safnaðarheimilis í um tíu ár en þegar þeim framkvæmdum verður lokið mun bygging Ásatrúarfélagsins í Öskjuhlíðinni verða um 800 fermetrar. Ásatrúarfélagið var formlega stofnað sumardaginn fyrsta árið 1972 og fékk viðurkenningu sem löggilt trúfélg ári síðar, þann 16. maí árið 1973. Á vef félagsins kemur fram að tilgangur þess sé að starfa að eflingu ásatrúar og annast þá trúarlegu þjónustu sem því er samfara og vill félagið ná þessu félagi með fræðslu- og félagsstarfi, en ekki trúboði. Líkt og áður kom fram er þetta þetta fyrsta höfuðhof ásatrúarmanna á Norðurlöndum í tæplega þúsund ár, eða frá því hofið í Uppsölum í Svíþjóð var brennt árið 1070. Hilmar segir þessa byggingu nýs höfuðhofs algerlega breyta ásýnd ásatrúarmanna. „Þetta er heimsögulegur viðburður. Ég held að þetta eigi eftir að gera okkur mjög gott í framtíðinni,“ segir Hilmar. Í hofinu mun fara fram starfsemi Ásatrúarfélagsins, svo sem nafngiftir, siðmál, hjónavígslur og útfarir. Þá er einnig ráðgert að halda þar tónlistaruppákomur og kynningar af ýmsum toga.Von á meiri aðsókn erlendis frá Hilmar á von að aðsókn verði meiri erlendis frá vegna tilkomu hofsins. „Við búumst við því að þurfa að efla ásýnd félagsins með kynningarefni og annað slíkt þannig að í innganginum verði gallerí og margmiðlunarefni til að kynna söguna og hefðina,“ segir Hilmar en gert er ráð fyrir fræðimannaíbúð í teikningum fyrir seinni áfanga framkvæmdarinnar. „Við myndum þá bjóða erlendum aðila sem stundar rannsóknir tengdum goðafræði að vera þarna og hafa aðstöðu.“ Hann segir áhugann erlendis hafa aukist stöðugt undanfarin ár og nefnir að hann hafi jafnvel verið meiri erlendis frá en á Íslandi í upphafi. „ En núna vex þetta frá ári til árs,“ segir Hilmar.Chris Hemsworth í hlutverki Þórs í Marvel-útgáfunni af norræna þrumuguðinum.YouTubeMarvel-myndirnar skemma ekki fyrir Einhverjir hafa viljað tengja þennan aukna áhuga erlendis frá við myndir á borð við Hringadróttinssögu og þá sérstaklega ofurhetjumyndir Marvels um þrumuguðinn Þór. „Ég held að það skemmi ekki fyrir,“ segir Hilmar þegar hann er spurður út í myndir Marvels þar sem Þór er ýmist í aðalhlutverki eða partur af ofurhetjuteyminu The Avengers, en þessar myndir hafa verið á meðal tekjuhæstu kvikmynda síðastliðinna ára. „Ég skal alveg trúa því að það spili eitthvað inni en ég held að það sé ekki beint eitthvað sem valdi einhverri byltingu, meira létt og ljúf viðbót við hitt,“ segir Hilmar og hefur ekki áhyggjur af því að bandarískur skáldskapur um Þór valdi einhverjum misskilningi um ásatrúna. Allavega eru þeir á Íslandi ekki að leiðrétta erlenda áhugamenn.„Bara hlegið að þessu“ „Ég held að fólk geri það yfirleitt fyrir okkur. Sumir ásatrúarmenn í Bandaríkjunum urðu brjálaðir, vildu sniðganga fyrstu myndina og eitthvað vesen. Við höfum bara hlegið að þessu. Þetta er ekkert sem þarf að hafa áhyggjur af,“ segir Hilmar. Hann hefur þó aðeins eitt út á þessa poppvæðingu á Þór að setja og það er hvernig Bretinn Kenneth Brannagh fór með þrumuguðinn í fyrstu myndinni sem bar nafnið Thor. „Ég hef sagt að það sé synd að Kenneth Brannagh fór meira í Shakespeare en Eddukvæðin, en dramatískt gekk þetta vel upp.“
Mest lesið Fjöldi herskipa við Reykjavíkurhöfn Innlent Skiljanlegt að málið veki upp miklar og erfiðar tilfinningar Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Neituðu sök en viðurkenna nú að hafa drepið hjálparstarfsmann Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Alvarlegt ef þrefalda á strandveiðikvóta á kostnað annarra Innlent Tugir þúsunda kveðja páfann fyrir útförina Erlent Vagga Akureyrarflugs er á Melgerðismelum Innlent Fleiri fréttir Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sjá meira