Dæmdur fyrir vændiskaup: Þóttist ekki skilja hvað konan átti við með „happy ending“ nuddi Kolbeinn Tumi Daðason skrifar 24. febrúar 2015 22:15 Nánar spurður játaði ákærði hins vegar að hann hefði grunað að eitthvað kynferðislegt hefði falist í orðum konunnar um "happy ending“. Hann hefði þó ekki verið viss fyrr en hann mætti á svæðið. Vísir/Getty Karlmaður á 38. aldursári þarf að greiða 200 þúsund krónur í sekt ella sitja í fangelsi í tvær vikur fyrir að hafa greitt konu fyrir kynferðismök. Maðurinn er einn fjörutíu sem sem ákærðir voru af ríkissaksóknara í nóvember fyrir vændiskaup. Í dómnum kemur fram að lögreglan á Suðurnesjum hafi um hríð haft til rannsóknar mál vegna meintrar vændisstarfsemi erlendrar konu. Hún hafði komið rúmlega 30 sinnum til landsins frá árinu 2008 og dvalið í leiguíbúðum í miðbæ Reykjavíkur í tvær til þrjár vikur í senn. Umtalsverðar fjárhæðir hafi verið lagðar inn á bankareikninga í eigu hennar hér á landi og sömuleiðis sendir úr landi með færslum í hennar nafni. Rannsókn lögreglu leiddi í ljós að hún hefði auglýst þjónustu í smáauglýsingum í dagblöðum og vefsíðum.Hleruðu síma konunnar Lögreglu barst upplýsingar um að konan væri á leiðinni til landsins í maí 2013 ásamt annarri konu. Fékkst leyfi til að hlera símana með númerunum sem gefin voru upp í auglýsingunum í ljósi þess að grunur væri á um að skipulagt vændi og mansal ætti sér stað. Í símtölum sem talið er að konan hafi átt ræðir hún við hugsanlega vændiskaupendur og lýsir þeirri þjónustu sem í boði er. Kom hún í tvígang í viðbót til landsins, í júlí og ágúst sama ár, og voru símar hennar enn hleraðir. Var hún í kjölfarið handtekin 29. ágúst, úrskurðuð í gæsluvarðhald og svo farbann til 20. september. Farsímar fundust í fórum hennar, annar með símkorti sem svaraði til símanúmersins sem fyrrnefnd símtöl voru hringd í. Konan neitaði sök og hélt af landi brott að loknum yfirheyrslum.„Wow, that's a lot“ Í fyrrnefndu máli liggur fyrir samtal sem maðurinn átti við konuna í hádeginu 26. ágúst 2013. Það fór fram á ensku og kveðst maðurinn vera að spyrjast fyrir um nudd. Maðurinn: „Hi I´m calling about a massage“ Konan: „Ok. it‘s 25.000 minimum price.“ Maðurinn: „Wow that´s alot“ Konan: „This is massage with happy ending“ og ítrekar „This is for a massage with happy ending – with an erotic happy ending.“ Maðurinn: „And can I touch you also it is okey?“ Konan: „Yes for 25.000 krónur minimum price.“ Hringdi maðurinn aftur í konuna skömmu síðar fyrir utan hús konunnar og hélt inn í húsið.Vændismálin hafa verið til meðferðar í Héraðsdómi Reykjavíkur.Vísir/PjeturSkildi ekkert kynferðislegt í orðunum „happy ending“ Maðurinn neitaði sök í yfirheyrslu lögreglu. Hann sagðist hafa verið að leita að hefðbundnu nuddi og bar fyrir sig lélegri enskukunnáttu. Hann hefði átt við bakeymsli að stríða og því hringt í númer í auglýsingu í Fréttablaðinu. Maðurinn sagðist ekki hafa skilið allt sem konan sagði en þótt uppsetta verðið hátt. Honum hefði þótt þetta undarlegt en ákveðið að fara og líta á aðstæður. Þegar til hafi komið hafi honum ekki litist á aðstæður og farið eftir tvær mínútur. Hafi hann í kjölfarið hringt í símanúmer með annarri nuddauglýsingu. Símtalið átti sér stað að því er segir í dómnum en hann fór þó ekki í nudd á þá nuddstofu. Þegar hljóðupptökur með símtali mannsins við konuna voru spilaðar áréttaði hann að hann hefði ekki skilið hvað konan átti við með orðunum „happy ending“. Hann hefði ekki tekið því að konan hefði átt við eitthvað kynferðislegt. Aðspurður hvers vegna hann hefði spurt konuna hvort hann mætti snerta hana kvaðst hann ekki hafa átt við það og bar fyrir sig slæma enskukunnáttu. Þá sagðist maðurinn hafa haft efasemdir um að konan í íbúðinni hefði verið hefðbundinn nuddari. Hún hefði ekki litið þannig út, verið fáklædd og enginn sjáanlegur nuddbekkur. Konan hefði áréttað 25 þúsund króna gjaldið sem hann hafði ekki tekið alvarlega þegar hún nefndi það í símtalinu. Nánar spurður játaði ákærði hins vegar að hann hefði grunað að eitthvað kynferðislegt hefði falist í orðum konunnar um „happy ending“. Hann hefði þó ekki verið viss fyrr en hann mætti á svæðið.Skýring mannsins ótrúverðug Í dómsorði segir að skýring ákærða að hann hafi ekki skilið konuna sé ótrúverðug. Þá hafi framburður hans verið misvísandi við aðalmeðferð. Telst sannað að maðurinn hafi framið kynferðisbrotmeð því að hafa samþykkt að greiða konunni 25 þúsund krónur fyrir að hafa við sig kynferðismörk. Maðurinn hefur ekki áður hlotið dóm og þótti 200 þúsund króna sekt til ríkissjóðs hæfileg. Hana þarf að greiða innan fjögurra vikna en annars bíður mannsins fjórtán daga fangelsisvist. Þinghald í málinu var lokað líkt og í fjölmörgum vændismálum sem verið hafa fyrir Héraðsdómi Reykjavíkur undanfarnar vikur. Tengdar fréttir Hæstaréttardómarar ósammála: Þinghald í vændiskaupamáli verður lokað Guðrún Erlendsdóttir, hæstaréttardómari, skilaði sératkvæði. 26. nóvember 2014 15:00 Mest lesið Sá eini fagmenntaði missti vinnuna Innlent Þyrla ferjaði vistir fyrir fjallgönguhóp Ratcliffe Innlent Óttast að efnið sé þegar komið í dreifingu á Íslandi Innlent Vill að flugumferð verði beint frá loftrými kirkjunnar á meðan þau flytja Bach Innlent Óbeit ungra drengja á trans fólki áhyggjuefni Innlent Handtekinn fyrir að fara á forboðna eyju Erlent Setja skorður á tjáningu meðlima til að „kæla aðeins niður hitann“ Innlent Kviknaði í gömlum bústað við Rauðavatn Innlent Átta ára sæmd heiðursmerki fyrir að bjarga lífi móður sinnar Innlent „Kynjafræði er pólitísk í eðli sínu“ Innlent Fleiri fréttir Ríkissaksóknari hefur óskað eftir áfrýjunarleyfi til Hæstaréttar Vill að flugumferð verði beint frá loftrými kirkjunnar á meðan þau flytja Bach Átta ára sæmd heiðursmerki fyrir að bjarga lífi móður sinnar Setja skorður á tjáningu meðlima til að „kæla aðeins niður hitann“ Tæknidagur fjölskyldunnar er í Neskaupstað í dag Ekki mikill sparnaður í að segja upp fagfólki Óbeit ungra drengja á trans fólki áhyggjuefni Menntaðir þjónar sniðgengnir og óbeit ungra drengja á trans fólki Óttast að efnið sé þegar komið í dreifingu á Íslandi Landris hafið og enn dregur úr skjálftavirkni Þyrla ferjaði vistir fyrir fjallgönguhóp Ratcliffe Mannúðarmál að fangar fái að afplána í sínu heimalandi Sá eini fagmenntaði missti vinnuna Fangageymslur fullar eftir nóttina Kviknaði í gömlum bústað við Rauðavatn „Kynjafræði er pólitísk í eðli sínu“ Vilja fækka leyfilegum fjölda borgarfulltrúa Segir mjög litlar líkur á öðru gosi á næstunni „Allt sem er innan velsæmismarka verður tekið til greina“ Eldrauðar kauphallir og færri hraðahindranir í borginni Björg Ásta nýr framkvæmdastjóri Sjálfstæðisflokksins Ákærður fyrir að aka stolnum bíl út af skakkur og dauðadrukkinn „Þetta er risastór áfangi og gleðitíðindi fyrir Kópavogsbæ“ Hætta við uppbygginguna vegna „neikvæðrar umræðu“ Landris hafið á ný Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Sjá meira
Karlmaður á 38. aldursári þarf að greiða 200 þúsund krónur í sekt ella sitja í fangelsi í tvær vikur fyrir að hafa greitt konu fyrir kynferðismök. Maðurinn er einn fjörutíu sem sem ákærðir voru af ríkissaksóknara í nóvember fyrir vændiskaup. Í dómnum kemur fram að lögreglan á Suðurnesjum hafi um hríð haft til rannsóknar mál vegna meintrar vændisstarfsemi erlendrar konu. Hún hafði komið rúmlega 30 sinnum til landsins frá árinu 2008 og dvalið í leiguíbúðum í miðbæ Reykjavíkur í tvær til þrjár vikur í senn. Umtalsverðar fjárhæðir hafi verið lagðar inn á bankareikninga í eigu hennar hér á landi og sömuleiðis sendir úr landi með færslum í hennar nafni. Rannsókn lögreglu leiddi í ljós að hún hefði auglýst þjónustu í smáauglýsingum í dagblöðum og vefsíðum.Hleruðu síma konunnar Lögreglu barst upplýsingar um að konan væri á leiðinni til landsins í maí 2013 ásamt annarri konu. Fékkst leyfi til að hlera símana með númerunum sem gefin voru upp í auglýsingunum í ljósi þess að grunur væri á um að skipulagt vændi og mansal ætti sér stað. Í símtölum sem talið er að konan hafi átt ræðir hún við hugsanlega vændiskaupendur og lýsir þeirri þjónustu sem í boði er. Kom hún í tvígang í viðbót til landsins, í júlí og ágúst sama ár, og voru símar hennar enn hleraðir. Var hún í kjölfarið handtekin 29. ágúst, úrskurðuð í gæsluvarðhald og svo farbann til 20. september. Farsímar fundust í fórum hennar, annar með símkorti sem svaraði til símanúmersins sem fyrrnefnd símtöl voru hringd í. Konan neitaði sök og hélt af landi brott að loknum yfirheyrslum.„Wow, that's a lot“ Í fyrrnefndu máli liggur fyrir samtal sem maðurinn átti við konuna í hádeginu 26. ágúst 2013. Það fór fram á ensku og kveðst maðurinn vera að spyrjast fyrir um nudd. Maðurinn: „Hi I´m calling about a massage“ Konan: „Ok. it‘s 25.000 minimum price.“ Maðurinn: „Wow that´s alot“ Konan: „This is massage with happy ending“ og ítrekar „This is for a massage with happy ending – with an erotic happy ending.“ Maðurinn: „And can I touch you also it is okey?“ Konan: „Yes for 25.000 krónur minimum price.“ Hringdi maðurinn aftur í konuna skömmu síðar fyrir utan hús konunnar og hélt inn í húsið.Vændismálin hafa verið til meðferðar í Héraðsdómi Reykjavíkur.Vísir/PjeturSkildi ekkert kynferðislegt í orðunum „happy ending“ Maðurinn neitaði sök í yfirheyrslu lögreglu. Hann sagðist hafa verið að leita að hefðbundnu nuddi og bar fyrir sig lélegri enskukunnáttu. Hann hefði átt við bakeymsli að stríða og því hringt í númer í auglýsingu í Fréttablaðinu. Maðurinn sagðist ekki hafa skilið allt sem konan sagði en þótt uppsetta verðið hátt. Honum hefði þótt þetta undarlegt en ákveðið að fara og líta á aðstæður. Þegar til hafi komið hafi honum ekki litist á aðstæður og farið eftir tvær mínútur. Hafi hann í kjölfarið hringt í símanúmer með annarri nuddauglýsingu. Símtalið átti sér stað að því er segir í dómnum en hann fór þó ekki í nudd á þá nuddstofu. Þegar hljóðupptökur með símtali mannsins við konuna voru spilaðar áréttaði hann að hann hefði ekki skilið hvað konan átti við með orðunum „happy ending“. Hann hefði ekki tekið því að konan hefði átt við eitthvað kynferðislegt. Aðspurður hvers vegna hann hefði spurt konuna hvort hann mætti snerta hana kvaðst hann ekki hafa átt við það og bar fyrir sig slæma enskukunnáttu. Þá sagðist maðurinn hafa haft efasemdir um að konan í íbúðinni hefði verið hefðbundinn nuddari. Hún hefði ekki litið þannig út, verið fáklædd og enginn sjáanlegur nuddbekkur. Konan hefði áréttað 25 þúsund króna gjaldið sem hann hafði ekki tekið alvarlega þegar hún nefndi það í símtalinu. Nánar spurður játaði ákærði hins vegar að hann hefði grunað að eitthvað kynferðislegt hefði falist í orðum konunnar um „happy ending“. Hann hefði þó ekki verið viss fyrr en hann mætti á svæðið.Skýring mannsins ótrúverðug Í dómsorði segir að skýring ákærða að hann hafi ekki skilið konuna sé ótrúverðug. Þá hafi framburður hans verið misvísandi við aðalmeðferð. Telst sannað að maðurinn hafi framið kynferðisbrotmeð því að hafa samþykkt að greiða konunni 25 þúsund krónur fyrir að hafa við sig kynferðismörk. Maðurinn hefur ekki áður hlotið dóm og þótti 200 þúsund króna sekt til ríkissjóðs hæfileg. Hana þarf að greiða innan fjögurra vikna en annars bíður mannsins fjórtán daga fangelsisvist. Þinghald í málinu var lokað líkt og í fjölmörgum vændismálum sem verið hafa fyrir Héraðsdómi Reykjavíkur undanfarnar vikur.
Tengdar fréttir Hæstaréttardómarar ósammála: Þinghald í vændiskaupamáli verður lokað Guðrún Erlendsdóttir, hæstaréttardómari, skilaði sératkvæði. 26. nóvember 2014 15:00 Mest lesið Sá eini fagmenntaði missti vinnuna Innlent Þyrla ferjaði vistir fyrir fjallgönguhóp Ratcliffe Innlent Óttast að efnið sé þegar komið í dreifingu á Íslandi Innlent Vill að flugumferð verði beint frá loftrými kirkjunnar á meðan þau flytja Bach Innlent Óbeit ungra drengja á trans fólki áhyggjuefni Innlent Handtekinn fyrir að fara á forboðna eyju Erlent Setja skorður á tjáningu meðlima til að „kæla aðeins niður hitann“ Innlent Kviknaði í gömlum bústað við Rauðavatn Innlent Átta ára sæmd heiðursmerki fyrir að bjarga lífi móður sinnar Innlent „Kynjafræði er pólitísk í eðli sínu“ Innlent Fleiri fréttir Ríkissaksóknari hefur óskað eftir áfrýjunarleyfi til Hæstaréttar Vill að flugumferð verði beint frá loftrými kirkjunnar á meðan þau flytja Bach Átta ára sæmd heiðursmerki fyrir að bjarga lífi móður sinnar Setja skorður á tjáningu meðlima til að „kæla aðeins niður hitann“ Tæknidagur fjölskyldunnar er í Neskaupstað í dag Ekki mikill sparnaður í að segja upp fagfólki Óbeit ungra drengja á trans fólki áhyggjuefni Menntaðir þjónar sniðgengnir og óbeit ungra drengja á trans fólki Óttast að efnið sé þegar komið í dreifingu á Íslandi Landris hafið og enn dregur úr skjálftavirkni Þyrla ferjaði vistir fyrir fjallgönguhóp Ratcliffe Mannúðarmál að fangar fái að afplána í sínu heimalandi Sá eini fagmenntaði missti vinnuna Fangageymslur fullar eftir nóttina Kviknaði í gömlum bústað við Rauðavatn „Kynjafræði er pólitísk í eðli sínu“ Vilja fækka leyfilegum fjölda borgarfulltrúa Segir mjög litlar líkur á öðru gosi á næstunni „Allt sem er innan velsæmismarka verður tekið til greina“ Eldrauðar kauphallir og færri hraðahindranir í borginni Björg Ásta nýr framkvæmdastjóri Sjálfstæðisflokksins Ákærður fyrir að aka stolnum bíl út af skakkur og dauðadrukkinn „Þetta er risastór áfangi og gleðitíðindi fyrir Kópavogsbæ“ Hætta við uppbygginguna vegna „neikvæðrar umræðu“ Landris hafið á ný Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Sjá meira
Hæstaréttardómarar ósammála: Þinghald í vændiskaupamáli verður lokað Guðrún Erlendsdóttir, hæstaréttardómari, skilaði sératkvæði. 26. nóvember 2014 15:00