Umfjöllun og viðtöl: ÍBV - Fram 30-18 | Eyjamenn fóru illa með þá bláu Eiríkur Stefán Ásgeirsson skrifar 20. febrúar 2015 18:06 Magnús Stefánsson skoraði sjö mörk fyrir ÍBV í dag. Vísir/Stefán Fram mátti þola tólf marka tap fyrir ÍBV í Vestmannaeyjum í kvöld en liðið hefur ekki enn unnið deildarleik eftir áramót. Sigurinn var aldrei í hættu en Framarar virkuðu andlausir og virtust ekki nenna þessu. Fram, sem tapaði fyrir HK í síðustu umferð, náði jafntefli við ÍBV á heimavelli fyrir rúmri viku síðan en það er eina stigið sem liðið hefur fengið í Olísdeild karla á þessu ári. Sigur ÍBV var sannfærandi í kvöld en Eyjamenn voru þeir einu sem áttu eftir að vinna Fram í deildinni. Framarar töpuðu fyrir botnliði HK í síðustu umferð. Magnús Stefánsson, fyrrum leikmaður Fram, var markahæstur Eyjamanna með sjö mörk í kvöld. Garðar B. Sigurjónsson skoraði fjögur mörk fyrir Fram. ÍBV hefur verið að styrkjast á síðustu vikum en leikmenn eru að koma úr meiðslum. Brynjar Karl Óskarsson er þó enn að glíma við meiðsli, fyrir utan það eru allir menn Eyjamanna heilir. Hjá Frömurum er Stefán Darri Þórsson að glíma við meiðsli en við það veikist lið þeirra mjög mikið. Þegar þessi lið mættust fyrir rétt rúmri viku síðan skildu þau jöfn en Eyjamenn áttu séns á því að skora sigurmarkið undir lokin. Jafnteflið í þeim leik gerði það að verkum að ÍBV var eina liðið sem ekki hafði unnið Fram á tímabilinu. Framarar skoruðu fyrstu tvö mörkin en þá komust Eyjamenn loks í gírinn. Þeir náðu fljótt forystu og héldu henni út allan leikinn, það var í raun aldrei möguleiki fyrir Framara að koma til baka. Eyjamenn misstu mann útaf í stöðunni 8-6 en sýndu þá mikinn styrk. Þeim tókst að hanga á boltanum lengi og skora mark en það gerði Magnús Stefánsson, fyrirliði liðsins. Magnús átti frábæran leik í dag en hann skoraði sjö mörk úr átta skotum. Það má segja að hann hafi dregið vagninn bæði varnar- og sóknarlega. Sigurður Örn Þorsteinsson, skytta Framara, virðist hafa átt að draga vagninn fyrir gestina. Hann var með skotleyfi hvar sem er á vallarhelmingi Eyjamanna. Alls tók hann fimmtán skot í leiknum og skoraði einungis úr fjórum. Það gerði hann þó að markahæsta leikmanni liðsins ásamt Garðari B. Sigurjónssyni. Eyjamenn skoruðu fjögur af fimm síðustu mörkum fyrri hálfleiks, auk þess klikkaði Theodór Sigurbjörnsson á víti. Eyjamenn leiddu því með fimm mörkum í hálfleik 13-8. Í síðari hálfleik byrjuðu Framarar vel og skoruðu fyrstu þrjú mörkin. Þá munaði einungis tveimur mörkum á liðunum. Heimamenn gerðu þá vel og gáfu í staðinn fyrir það að gefa eftir. Þeir skoruðu sjö af næstu átta mörkum og gjörsamlega kafsigldu Frömurum. Þá leit þetta alls ekki vel út fyrir gestina sem reyndu hvað þeir gátu að minnka forskotið. Þeim tókst nokkrum sinnum að minnka muninn í sjö mörk en þeir komust þó ekki nær. Eyjamenn gengu á lagið og skoruðu margir ungir leikmenn mörk. Hákon Daði Styrmisson fór þar fremstur í flokki en hann skoraði þrjú mörk. Magnús Karl Magnússon skoraði þá fyrsta markið sitt fyrir meistaraflokk. Eyjamenn lyfta sér með sigrinum upp í fimmta sæti deildarinnar og minnka forskot FH-inga í eitt stig í fjórða sætinu. Eyjamenn eiga enn einn leik inni gegn Stjörnunni. Framarar eru í áttunda sæti deildarinnar og eru svo sannarlega að bjóða hættunni heim með svona spilamennsku.Guðlaugur Arnarsson: Munum nýta pásuna vel „Ég er alls ekki sáttur með að tapa og sérstaklega þegar við töpum svona stórt,“ sagði Guðlaugur Arnarsson, þjálfari Framara, eftir enn einn tapleik sinna manna í Olís-deildinni. Sóknarleikur Framara var á köflum afleitur og í raun ekkert líkt því sem maður sér vanalega í Olís-deildinni. „Sóknarleikurinn var stirður í dag þegar leið á leikinn. Við reyndar byrjum leikinn vel og það er jafnt á flestum tölum upp að 15-20 mínútu. Þá kemur hikst á sóknarleikinn hjá okkur og við förum að rétta þeim boltann auðveldlega.“ Framarar áttu slæman kafla undir lok fyrri hálfleiks sem virðist hafa drepið stemninguna í liðinu. „Við ætlum að reyna að koma sterkir inn í seinni hálfleikinn, það gengur ekki alveg upp og við töpum boltanum of auðveldlega sóknarlega.“ „Við náðum ekki að leysa vörnina þeirra eins vel og við höfðum gert hingað til,“ sagði Guðlaugur um það hvernig þessi leikur var frábrugðinn öðrum leikjum gegn Eyjamönnum. „Við ætlum að nýta pásuna vel, við ætlum að skipuleggja okkur upp á nýtt og nýta tímann mjög vel fyrir síðasta hluta mótsins.“ Framarar hafa lent í gríðarlega miklum meiðslum það sem af er móti en Guðlaugur segir að það styttist allavega í einn örvhentan, en að sama skapi að Stefán Darri verði ekki meira með á þessu ári.Gunnar Magnússon: Við héldum einbeitingu „Þetta var frábær leikur en við mættum tilbúnir til leiks og lærðum af þeim mistökum sem við gerðum fyrir viku síðan,“ sagði Gunnar Magnússon, þjálfari Eyjamanna, eftir flottan sigur sinna manna á Fram í Vestmannaeyjum í kvöld. „Við vorum einbeittir, Framararnir spiluðu langar sóknir. Við vissum að þetta tæki á, ég er ánægður með varnarleikinn og markvörsluna. Við héldum einbeitingu og náðum að refsa þeim með hraðaupphlaupum,“ sagði Gunnar en vörn Eyjamanna var frábær á köflum. Gunnar var mjög ósáttur eftir leik sinna manna gegn Fram á fasta landinu en hann sagði að þeir hefðu lært af mistökunum. „Við vorum oft óþolinmóðir, skutum snemma og vorum lengi í vörn. Nú gáfum við okkur meiri tíma í sóknarleikinn og voru hnitmiðari í öllum aðgerðum.“ „Liðsheildin skóp sigurinn. Maggi var frábær í vörn og sókn, varnarleikurinn var mjög góður.“ „Við náðum þessum hröðu upphlaupum sem við þurfum á að halda. Það skiluðu allir sínu og það var gaman að sjá ungu strákana koma inn og skila sínu,“ sagði Gunnar sem var mjög ánægður með ungu strákana. Fjórir leikmenn sem komu við sögu í kvöld eru að fara að spila undanúrslitaleik á morgun í 2. flokki karla þar sem Valsmenn koma í heimsókn. Olís-deild karla Mest lesið Söngurinn um Haaland kom í bakið á honum: „Fyndinn náungi“ Enski boltinn Vill eignast lið í hverri heimsálfu Fótbolti Rúnar Páll skýtur á KR: Svona vinna „snillingarnir í Vesturbænum“ Íslenski boltinn Dagur Árni í liði mótsins á EM Handbolti „Árbærinn er vaknaður“ Íslenski boltinn Vonbrigði í fyrsta leik Mbappé á Spáni Fótbolti „Þetta var svolítið skrýtið og óþægilegt“ Íslenski boltinn HK - Fylkir 0-2 | Manni færri með afar mikilvægan sigur Íslenski boltinn Mikael Egill lagði upp gegn Lazio Fótbolti Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Fram mátti þola tólf marka tap fyrir ÍBV í Vestmannaeyjum í kvöld en liðið hefur ekki enn unnið deildarleik eftir áramót. Sigurinn var aldrei í hættu en Framarar virkuðu andlausir og virtust ekki nenna þessu. Fram, sem tapaði fyrir HK í síðustu umferð, náði jafntefli við ÍBV á heimavelli fyrir rúmri viku síðan en það er eina stigið sem liðið hefur fengið í Olísdeild karla á þessu ári. Sigur ÍBV var sannfærandi í kvöld en Eyjamenn voru þeir einu sem áttu eftir að vinna Fram í deildinni. Framarar töpuðu fyrir botnliði HK í síðustu umferð. Magnús Stefánsson, fyrrum leikmaður Fram, var markahæstur Eyjamanna með sjö mörk í kvöld. Garðar B. Sigurjónsson skoraði fjögur mörk fyrir Fram. ÍBV hefur verið að styrkjast á síðustu vikum en leikmenn eru að koma úr meiðslum. Brynjar Karl Óskarsson er þó enn að glíma við meiðsli, fyrir utan það eru allir menn Eyjamanna heilir. Hjá Frömurum er Stefán Darri Þórsson að glíma við meiðsli en við það veikist lið þeirra mjög mikið. Þegar þessi lið mættust fyrir rétt rúmri viku síðan skildu þau jöfn en Eyjamenn áttu séns á því að skora sigurmarkið undir lokin. Jafnteflið í þeim leik gerði það að verkum að ÍBV var eina liðið sem ekki hafði unnið Fram á tímabilinu. Framarar skoruðu fyrstu tvö mörkin en þá komust Eyjamenn loks í gírinn. Þeir náðu fljótt forystu og héldu henni út allan leikinn, það var í raun aldrei möguleiki fyrir Framara að koma til baka. Eyjamenn misstu mann útaf í stöðunni 8-6 en sýndu þá mikinn styrk. Þeim tókst að hanga á boltanum lengi og skora mark en það gerði Magnús Stefánsson, fyrirliði liðsins. Magnús átti frábæran leik í dag en hann skoraði sjö mörk úr átta skotum. Það má segja að hann hafi dregið vagninn bæði varnar- og sóknarlega. Sigurður Örn Þorsteinsson, skytta Framara, virðist hafa átt að draga vagninn fyrir gestina. Hann var með skotleyfi hvar sem er á vallarhelmingi Eyjamanna. Alls tók hann fimmtán skot í leiknum og skoraði einungis úr fjórum. Það gerði hann þó að markahæsta leikmanni liðsins ásamt Garðari B. Sigurjónssyni. Eyjamenn skoruðu fjögur af fimm síðustu mörkum fyrri hálfleiks, auk þess klikkaði Theodór Sigurbjörnsson á víti. Eyjamenn leiddu því með fimm mörkum í hálfleik 13-8. Í síðari hálfleik byrjuðu Framarar vel og skoruðu fyrstu þrjú mörkin. Þá munaði einungis tveimur mörkum á liðunum. Heimamenn gerðu þá vel og gáfu í staðinn fyrir það að gefa eftir. Þeir skoruðu sjö af næstu átta mörkum og gjörsamlega kafsigldu Frömurum. Þá leit þetta alls ekki vel út fyrir gestina sem reyndu hvað þeir gátu að minnka forskotið. Þeim tókst nokkrum sinnum að minnka muninn í sjö mörk en þeir komust þó ekki nær. Eyjamenn gengu á lagið og skoruðu margir ungir leikmenn mörk. Hákon Daði Styrmisson fór þar fremstur í flokki en hann skoraði þrjú mörk. Magnús Karl Magnússon skoraði þá fyrsta markið sitt fyrir meistaraflokk. Eyjamenn lyfta sér með sigrinum upp í fimmta sæti deildarinnar og minnka forskot FH-inga í eitt stig í fjórða sætinu. Eyjamenn eiga enn einn leik inni gegn Stjörnunni. Framarar eru í áttunda sæti deildarinnar og eru svo sannarlega að bjóða hættunni heim með svona spilamennsku.Guðlaugur Arnarsson: Munum nýta pásuna vel „Ég er alls ekki sáttur með að tapa og sérstaklega þegar við töpum svona stórt,“ sagði Guðlaugur Arnarsson, þjálfari Framara, eftir enn einn tapleik sinna manna í Olís-deildinni. Sóknarleikur Framara var á köflum afleitur og í raun ekkert líkt því sem maður sér vanalega í Olís-deildinni. „Sóknarleikurinn var stirður í dag þegar leið á leikinn. Við reyndar byrjum leikinn vel og það er jafnt á flestum tölum upp að 15-20 mínútu. Þá kemur hikst á sóknarleikinn hjá okkur og við förum að rétta þeim boltann auðveldlega.“ Framarar áttu slæman kafla undir lok fyrri hálfleiks sem virðist hafa drepið stemninguna í liðinu. „Við ætlum að reyna að koma sterkir inn í seinni hálfleikinn, það gengur ekki alveg upp og við töpum boltanum of auðveldlega sóknarlega.“ „Við náðum ekki að leysa vörnina þeirra eins vel og við höfðum gert hingað til,“ sagði Guðlaugur um það hvernig þessi leikur var frábrugðinn öðrum leikjum gegn Eyjamönnum. „Við ætlum að nýta pásuna vel, við ætlum að skipuleggja okkur upp á nýtt og nýta tímann mjög vel fyrir síðasta hluta mótsins.“ Framarar hafa lent í gríðarlega miklum meiðslum það sem af er móti en Guðlaugur segir að það styttist allavega í einn örvhentan, en að sama skapi að Stefán Darri verði ekki meira með á þessu ári.Gunnar Magnússon: Við héldum einbeitingu „Þetta var frábær leikur en við mættum tilbúnir til leiks og lærðum af þeim mistökum sem við gerðum fyrir viku síðan,“ sagði Gunnar Magnússon, þjálfari Eyjamanna, eftir flottan sigur sinna manna á Fram í Vestmannaeyjum í kvöld. „Við vorum einbeittir, Framararnir spiluðu langar sóknir. Við vissum að þetta tæki á, ég er ánægður með varnarleikinn og markvörsluna. Við héldum einbeitingu og náðum að refsa þeim með hraðaupphlaupum,“ sagði Gunnar en vörn Eyjamanna var frábær á köflum. Gunnar var mjög ósáttur eftir leik sinna manna gegn Fram á fasta landinu en hann sagði að þeir hefðu lært af mistökunum. „Við vorum oft óþolinmóðir, skutum snemma og vorum lengi í vörn. Nú gáfum við okkur meiri tíma í sóknarleikinn og voru hnitmiðari í öllum aðgerðum.“ „Liðsheildin skóp sigurinn. Maggi var frábær í vörn og sókn, varnarleikurinn var mjög góður.“ „Við náðum þessum hröðu upphlaupum sem við þurfum á að halda. Það skiluðu allir sínu og það var gaman að sjá ungu strákana koma inn og skila sínu,“ sagði Gunnar sem var mjög ánægður með ungu strákana. Fjórir leikmenn sem komu við sögu í kvöld eru að fara að spila undanúrslitaleik á morgun í 2. flokki karla þar sem Valsmenn koma í heimsókn.
Olís-deild karla Mest lesið Söngurinn um Haaland kom í bakið á honum: „Fyndinn náungi“ Enski boltinn Vill eignast lið í hverri heimsálfu Fótbolti Rúnar Páll skýtur á KR: Svona vinna „snillingarnir í Vesturbænum“ Íslenski boltinn Dagur Árni í liði mótsins á EM Handbolti „Árbærinn er vaknaður“ Íslenski boltinn Vonbrigði í fyrsta leik Mbappé á Spáni Fótbolti „Þetta var svolítið skrýtið og óþægilegt“ Íslenski boltinn HK - Fylkir 0-2 | Manni færri með afar mikilvægan sigur Íslenski boltinn Mikael Egill lagði upp gegn Lazio Fótbolti Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira