Íslendingur fékk fjögurra ára dóm fyrir fíkniefnasmygl í Svíþjóð Atli Ísleifsson, Birgir Olgeirsson og Kolbeinn Tumi Daðason skrifa 30. apríl 2015 12:00 Central Hotel í miðborg Stokkhólms þar sem Sigurjón var handtekinn. Vísir/WikipediaCommons Íslenskur karlmaður á þrítugsaldri, Sigurjón Árni Jensson, var í janúar dæmdur til fjögurra ára og þriggja mánaða fangelsisvistar í Svíþjóð fyrir fíkniefnasmygl. Var hann handtekinn í miðborg Stokkhólms í byrjun október í fyrra með fjögur kíló af amfetamíni sem hann hafði flutt frá Hollandi til Svíþjóðar. Talið er að hann hafi ætlað sér að smygla því til Íslands. Í dómnum yfir Sigurjóni, sem Vísir hefur undir höndum, kemur fram að hann neitaði sök og sagðist ekki hafa vitað að eiturlyf hafi verið í töskunni sem hann var með á sér. Málið er talið umfangsmikið og voru fleiri Íslendingar handteknir í Svíþjóð í október í tengslum við smyglið. Fjöldi Íslendinga var staddur í Stokkhólmi í byrjun október til að vera viðstaddur bardaga Gunnars Nelson og Rick Story í Globen-höllinni sem fram fór 4. október. Þrír Íslendingar voru úrskurðaðir í gæsluvarðhald hér heima í kjölfarið.Gunnar Þór Grétarsson var eftirlýstur af Interpol vegna málsins en hefur nú fengið frest frá lögreglunni á Íslandi til að koma heim.Mynd/InterpolGunnari gefinn kostur á að snúa heim Nýverið var hinn 34 ára gamli Gunnar Þór Grétarsson eftirlýstur af alþjóðalögreglunni Interpol vegn gruns um að tengjast þessu máli sem Sigurjón var dæmdur fyrir í Svíþjóð. Gunnar var grunaður um að hafa tekið þátt í því að skipuleggja smyglið. Gunnar hefur, tímabundið að minnsta kosti, verið tekinn af lista Interpol yfir eftirlýsta menn og hefur lögreglan á Íslandi gefið honum frest til að koma sér til Íslands en hann er talinn hafast við í Taílandi.Tók á móti tösku sem virtist tóm Héraðsdómur í Stokkhólmi felldi dóm yfir Sigurjóni þann 5. janúar síðastliðinn. Í dómnum segir að Sigurjón Árni hafi flogið frá Íslandi til Kaupmannahafnar þann 30. september 2014 og tekið lest þaðan til Amsterdam í Hollandi sama dag. Þar hafi hann tekið á móti tösku sem virtist tóm og tekið lest aftur til Kaupmannahafnar þann 2. október. Daginn eftir tók hann svo lest til Stokkhólms og var handtekinn á hóteli um kvöldið. 3.735 grömm af amfetamíni fundust þá í földu hólfi í töskunni. Sigurjón Árni hafði ætlað sér að taka lest aftur til Kaupmannahafnar og fljúga til Íslands þann 4. október. Í dómnum kemur fram að Sigurjón Árni hafi verið á meðferðarheimili á Íslandi sumarið 2014 vegna eiturlyfjamisnotkunar. Þar hafi hann kynnst manni, Gunnari að nafni, og hafi tekist með þeim vinskapur. Í september 2014 spurði Gunnar þessi hvort Sigurjón Árni gæti sótt tösku til Amsterdam og flutt hana til Stokkhólms. Gunnar sagði að það væri ekki ólöglegt. Sigurjón Árni hafði þá fengið peninga fyrir flug og lestarferðir, auk hótelkostnaðar. Hann hafi einnig átt að fá 200 þúsund íslenskar krónur fyrir verkefnið.Varð órólegur þegar konan svaraði ekki Þegar Sigurjón Árni var kominn til Amsterdam hringdi hann í símanúmer sem Gunnar hafði gefið honum. Annar Íslendingur hafi þá komið til fundar við Sigurjón Árna og afhent honum töskuna. Sú var tóm og Sigurjón hafi einskis spurt. Við komuna til Stokkhólms reyndi hann að hringja í konu sem Gunnar hafði sagt honum að ætti að taka við töskunni. Konan hafi þó ekki svarað og hafi Sigurjón Árni því orðið órólegur. Hann skráði sig í kjölfarið inn á Central Hotel í miðborg Stokkhólms þar sem hann var handtekinn. Í dómnum kemur fram að með því að sækja tösku í Amsterdam, af öllum borgum í Evrópu, og að beiðni manns sem hann hitti á meðferðarheimili fyrir fíkla, þá merkir það að maður verði að gruna að um fíkniefnaflutning sé að ræða. „Þegar taskan virðist þess fyrir utan við fyrstu sýn vera tóm, er það sjálfsagt að sérhver maður geri sér grein fyrir að búið sé að fela efnin,“ segir í dómsorðinu. Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Svandís og Guðmundur Ingi nýir leiðtogar Vinstri grænna Innlent Erfitt að setja tölu á hve margir vilji stjórnarslit Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Sjá meira
Íslenskur karlmaður á þrítugsaldri, Sigurjón Árni Jensson, var í janúar dæmdur til fjögurra ára og þriggja mánaða fangelsisvistar í Svíþjóð fyrir fíkniefnasmygl. Var hann handtekinn í miðborg Stokkhólms í byrjun október í fyrra með fjögur kíló af amfetamíni sem hann hafði flutt frá Hollandi til Svíþjóðar. Talið er að hann hafi ætlað sér að smygla því til Íslands. Í dómnum yfir Sigurjóni, sem Vísir hefur undir höndum, kemur fram að hann neitaði sök og sagðist ekki hafa vitað að eiturlyf hafi verið í töskunni sem hann var með á sér. Málið er talið umfangsmikið og voru fleiri Íslendingar handteknir í Svíþjóð í október í tengslum við smyglið. Fjöldi Íslendinga var staddur í Stokkhólmi í byrjun október til að vera viðstaddur bardaga Gunnars Nelson og Rick Story í Globen-höllinni sem fram fór 4. október. Þrír Íslendingar voru úrskurðaðir í gæsluvarðhald hér heima í kjölfarið.Gunnar Þór Grétarsson var eftirlýstur af Interpol vegna málsins en hefur nú fengið frest frá lögreglunni á Íslandi til að koma heim.Mynd/InterpolGunnari gefinn kostur á að snúa heim Nýverið var hinn 34 ára gamli Gunnar Þór Grétarsson eftirlýstur af alþjóðalögreglunni Interpol vegn gruns um að tengjast þessu máli sem Sigurjón var dæmdur fyrir í Svíþjóð. Gunnar var grunaður um að hafa tekið þátt í því að skipuleggja smyglið. Gunnar hefur, tímabundið að minnsta kosti, verið tekinn af lista Interpol yfir eftirlýsta menn og hefur lögreglan á Íslandi gefið honum frest til að koma sér til Íslands en hann er talinn hafast við í Taílandi.Tók á móti tösku sem virtist tóm Héraðsdómur í Stokkhólmi felldi dóm yfir Sigurjóni þann 5. janúar síðastliðinn. Í dómnum segir að Sigurjón Árni hafi flogið frá Íslandi til Kaupmannahafnar þann 30. september 2014 og tekið lest þaðan til Amsterdam í Hollandi sama dag. Þar hafi hann tekið á móti tösku sem virtist tóm og tekið lest aftur til Kaupmannahafnar þann 2. október. Daginn eftir tók hann svo lest til Stokkhólms og var handtekinn á hóteli um kvöldið. 3.735 grömm af amfetamíni fundust þá í földu hólfi í töskunni. Sigurjón Árni hafði ætlað sér að taka lest aftur til Kaupmannahafnar og fljúga til Íslands þann 4. október. Í dómnum kemur fram að Sigurjón Árni hafi verið á meðferðarheimili á Íslandi sumarið 2014 vegna eiturlyfjamisnotkunar. Þar hafi hann kynnst manni, Gunnari að nafni, og hafi tekist með þeim vinskapur. Í september 2014 spurði Gunnar þessi hvort Sigurjón Árni gæti sótt tösku til Amsterdam og flutt hana til Stokkhólms. Gunnar sagði að það væri ekki ólöglegt. Sigurjón Árni hafði þá fengið peninga fyrir flug og lestarferðir, auk hótelkostnaðar. Hann hafi einnig átt að fá 200 þúsund íslenskar krónur fyrir verkefnið.Varð órólegur þegar konan svaraði ekki Þegar Sigurjón Árni var kominn til Amsterdam hringdi hann í símanúmer sem Gunnar hafði gefið honum. Annar Íslendingur hafi þá komið til fundar við Sigurjón Árna og afhent honum töskuna. Sú var tóm og Sigurjón hafi einskis spurt. Við komuna til Stokkhólms reyndi hann að hringja í konu sem Gunnar hafði sagt honum að ætti að taka við töskunni. Konan hafi þó ekki svarað og hafi Sigurjón Árni því orðið órólegur. Hann skráði sig í kjölfarið inn á Central Hotel í miðborg Stokkhólms þar sem hann var handtekinn. Í dómnum kemur fram að með því að sækja tösku í Amsterdam, af öllum borgum í Evrópu, og að beiðni manns sem hann hitti á meðferðarheimili fyrir fíkla, þá merkir það að maður verði að gruna að um fíkniefnaflutning sé að ræða. „Þegar taskan virðist þess fyrir utan við fyrstu sýn vera tóm, er það sjálfsagt að sérhver maður geri sér grein fyrir að búið sé að fela efnin,“ segir í dómsorðinu.
Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Svandís og Guðmundur Ingi nýir leiðtogar Vinstri grænna Innlent Erfitt að setja tölu á hve margir vilji stjórnarslit Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Sjá meira