Lögreglan rannsakar enn fjárkúgunartilraun gegn forsætisráðherra og meinta fjárkúgun á annan mann. Systurnar Hlín Einarsdóttir og Malín Brand hafa játað að hafa reynt að kúga fé úr Sigmundi Davíðs Gunnlaugssonar forsætisráðherra.
Í svari við fyrirspurn fréttastofu til ríkissaksóknara kemur fram að málið sé ekki komið á borð saksóknara. Málið sé enn hjá lögreglunni á höfuðborgarsvæðinu, sem hefur rannsakað það undanfarna daga.
Í samtali við Vísi á þriðjudag sagði Malín að hún hefði játað fyrir lögreglu að hafa ekið systur sinni suður fyrir Vallarhverfi í Hafnarfirði þar sem hún vissi að Hlín ætlaði að sækja fjármuni sem hún taldi sig hafa kúgað úr hendi Sigmundar Davíðs.
Hvorug systranna hafa tjáð sig um seinni kæruna á hendur þeim. Hún var lögð fram á hendur þeim síðastliðinn miðvikudag. Sakaði hann þær um að hafa gert honum að greiða sér 700 þúsund eða hann yrði kærður fyrir nauðgun.
Fjárkúgunarmálið enn til rannsóknar hjá lögreglu

Tengdar fréttir

Hótun systranna: Sigmundur sagður hafa beitt sér fyrir láni frá MP banka
Pressan fékk sextíu milljóna króna yfirdrátt hjá MP banka en hafna tengslum við forsætisráðherra.

Yfirlýsing forsætisráðherra: Bréfið var stílað á eiginkonu Sigmundar Davíðs
Sigmundur Davíð lét hótanir um að ræða ekki við lögreglu sem vind um eyru þjóta.

Malín og Hlín játa að hafa reynt að kúga fé úr forsætisráðherra
Voru handteknar sunnan Vallahverfis í Hafnarfirði þar sem milljónum átti að hafa verið komið fyrir í tösku.

Blinduð af fjölskyldutengslum og segist ekki hafa kúgað forsætisráðherra
Malín Brand, blaðamaður á Morgunblaðinu, fullyrðir að hún hafi ekki komið nálægt tilraun til að kúga fé af forsætisráðherra. Hún var handtekin ásamt systur sinni í Hafnarfirði á föstudaginn eftir umfangsmiklar aðgerðir lögreglu.

Bankastjóri MP: „Lögreglan hefur ekki leitað til okkar“
Segir bankann ekki njóta góðs af tengslum við Sigmund Davíð