Slys á Geysissvæðinu

Slys varð á Geysissvæðinu á þriðja tímanum í dag. Var lögreglan á Suðurlandi kölluð út ásamt þyrlu Landhelgisgæslunnar.

Samkvæmt upplýsingum frá lögreglunni á Suðurlandi hafa tvö ungmenni sem voru á svæðinu hugsanlega hlotið brunasár á fótum. Ekki er talið að þau séu alvarleg.



Uppfært kl. 15.30: Þyrla Landhelgisgæslunnar lenti rétt í þessu við Landspítalann með þá slösuðu.

Uppfært kl. 16:10: Lögreglunni barst upphaflega tilkynning um að tvö börn hefðu slasast en nú liggur fyrir að annað þeirra brenndist á fótum. Hitt barnið slasaðist ekki.