Umfjöllun, viðtöl og myndir: FH - SJK 1-0 | FH fer til Aserbaídsjan | Sjáðu markið Guðmundur Marinó Ingvarsson á Kaplakrikavelli skrifar 9. júlí 2015 13:10 FH er í komið í aðra umferð forkeppni Evrópudeildarinnar í fótbolta eftir 1-0 sigur á finnska liðinu SJK á heimavelli í kvöld. FH vann einvígi liðanna samanlagt 2-0. Eftir 1-0 sigur í fyrri leiknum virtist FH-liðið koma full varkárt inn í leikinn og fékk SJK dauðafæri strax á 3. mínútu en Róbrert Örn Óskarsson kom liðinu til bjargar einn gegn helsta markaskorara SJK. Þetta færi virtist slá FH út af laginu og komst liðið lengi vel ekki fram yfir miðju. Þegar líða tók á leikinn jöfnuðu heimamenn sig þó og færðist meira jafnvægi í leikinn. Þrátt fyrir nokkra yfirburði SJK í upphafi skapaði liðið sér ekki teljandi færi. Vörn FH réð vel við allt það sem finnska liðið reyndi en þó gat enginn Hafnfirðingur setið rólegur. Þórarinn Ingi Valdimarsson fékk besta færi FH í fyrri hálfleiks og fagna hann manna hæst þegar Kristján Flóki Finnbogason skoraði sigurmarkið í uppbótartíma. FH komið áfram og allir geta gleymt færinu hans. Fyrir utan nokkrar hornspyrnur náði SJK ekki að gera alvarlega atlögu að marki FH í seinni hálfleiks. Liðið færði sig framar er leið á leikinn og freistaði þess að jafna einvígið og það nýtti FH sér vel. Skyndisóknir FH voru hættulegar og úr einni slíkri tryggði Kristján Flóki sigurinn eftir góða sendingu Atla Guðnasonar en finnsku varnarmennirnir áttu í miklum andræðum með frábæran Atla í leiknum. FH fékk mun hættulegri færi í seinni hálfleik og má segja að liðið sé verðskuldað komið áfram þó finnska liðið hafi verið meira með boltann heilt yfir í leiknum. FH er komið í aðra umferð forkeppni Evrópudeildarinnar og mætir þar Inter Baku frá Aserbaídsjan. Heimir: Fórum sanngjarnt áfram„Við byrjuðum þetta ekki nógu vel, þeir byrja þetta sterkt en eftir 10 til 15 mínútur náðum við að jafna okkur,“ sagði Heimir Guðjónsson þjálfari FH eftir sigurinn í kvöld. „Mér fannst þetta sanngjarn sigur og skipulagið hjá okkur var gott. Við erum búnir að spila við þetta lið í 180 mínútur og þeir náðu ekki að skora hjá okkur. Við fórum sanngjarnt áfram.“ Finnska liðið fékk sitt lang besta færi strax á 3. mínútu leiksins og það sló FH út af laginu. Því var Heimir sammála. „Þetta var bölvaður grís. Hann var að hreinsa og sóknarmaðurinn slapp í gegn en Robbi varði frábærlega. „Við náðum að loka vel á það sem þeir voru að gera og um leið og við höfðum þor til halda boltanum innan liðsins þá sköpuðum við okkur færi,“ sagði Heimir sem sagði mark FH hafa legið í loftinu undir lok leiksins. „Eðlilega fóru þeir framar með liðið. Þeir fóru í þriggja manna vörn og hentu mönnum fram og við náðum að refsa þeim. „Það er frábært að komast áfram og nú bíður okkar leikur á móti Fylki á sunnudaginn. Við þurfum að einbeita okkur að því og Aserbaídsjan, við höfum áhyggjur af því seinna,“ sagði Heimir. Davíð Þór: Okkur líður ágætlega í svona leikjum„Þetta var hrikalega sætt, við þurfum að hafa ekkert smá fyrir þessu,“ sagði þreyttur en glaður fyrirliði FH, Davíð Þór Viðarsson, eftir sigurinn á SJK í kvöld. „Við vorum á hælunum í byrjun og verum heppnir að fá ekki á okkur mark eftir nokkrar mínútur. Svo unnum við okkur inn í leikinn og þeir sköpuðu sér ekki mikið að færum þrátt fyrir að vera meira með boltann. Hjá okkur vantaði að síðasta sendingin væri í lagi,“ sagði Davíð. Davíð sagði FH mögulega hafa komið kærulaust inn í leikinn verandi með 1-0 forystu eftir fyrri leikinn. „Við eigum í basli í byrjun. Við erum ekki nógu nálægt mönnunum okkar og svo þegar við fáum boltann þá missum við hann um leið. Ég veit ekki hvort það hafi verið stress eða hvað. „Það vill oft verða svo í svona einvígi að þegar þú kemur inn í leik með forystu að maður getur verið kærulaus og bíður eftir því hvað hitt liðið ætli að gera. Það boðar aldrei gott en við sluppum með það núna,“ sagði Davíð sem skaut léttum skotum á Þórarinn Inga fyrir að hafa ekki nýtt færið í fyrri hálfleik. „Það var erfiðara fyrir Tóta að hitta ekki markið en það er svona. „Í seinni hálfleik spiluðum við þetta mjög skynsamlega. Þeir setja smá pressu á okkur á tímabili en eru ekki að fá nein almennileg færi. Við lögðum upp með að halda hreinu, við vissum að það myndi duga. „Það sást aðeins í lokin að Finnarnir voru farnir full framarlega þegar tíu mínútur voru eftir. Það var allt opið hjá þeim og við hefðum kannski átt að nýta það betur. Okkur líður ágætlega í svona leikjum og það var gott að halda hreinu og gaman fyrir Flóka að koma inn og ná einu í lokin. Davíð Þór hefur áður leikið í Aserbaídsjan með FH og veit hverju hann á von á þar. „Þetta verður í annað skipti sem ég kem til Aserbaídsjan og í síðasta skiptið sem ég fór þangað sendi konan mín mig með skinku og álegg og svona. Maturinn var ekkert sérstakur en verður vonandi betri núna. „Þetta verður virklega erfiður leikur. Þeir mættu Elfsborg í fyrra, í umferðinni á undan því þegar við mættum Elfsborg, og voru óheppnir að komast ekki áfram þar og voru í sjálfu sér betra liðið. „Við vitum að það verður við ramman reip að draga en við gerum okkar besta,“ sagði Davíð. Evrópudeild UEFA Mest lesið „Ég er mögulega búinn að spila minn síðasta leik“ Íslenski boltinn Zirkzee hetjan í sínum fyrsta leik Enski boltinn „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Það sjá allir hve mikilvægir varamenn eru“ Enski boltinn „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Dagskráin í dag: Fyrsti leikur Óskars Hrafns með KR Sport „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Fleiri fréttir Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Sjá meira
FH er í komið í aðra umferð forkeppni Evrópudeildarinnar í fótbolta eftir 1-0 sigur á finnska liðinu SJK á heimavelli í kvöld. FH vann einvígi liðanna samanlagt 2-0. Eftir 1-0 sigur í fyrri leiknum virtist FH-liðið koma full varkárt inn í leikinn og fékk SJK dauðafæri strax á 3. mínútu en Róbrert Örn Óskarsson kom liðinu til bjargar einn gegn helsta markaskorara SJK. Þetta færi virtist slá FH út af laginu og komst liðið lengi vel ekki fram yfir miðju. Þegar líða tók á leikinn jöfnuðu heimamenn sig þó og færðist meira jafnvægi í leikinn. Þrátt fyrir nokkra yfirburði SJK í upphafi skapaði liðið sér ekki teljandi færi. Vörn FH réð vel við allt það sem finnska liðið reyndi en þó gat enginn Hafnfirðingur setið rólegur. Þórarinn Ingi Valdimarsson fékk besta færi FH í fyrri hálfleiks og fagna hann manna hæst þegar Kristján Flóki Finnbogason skoraði sigurmarkið í uppbótartíma. FH komið áfram og allir geta gleymt færinu hans. Fyrir utan nokkrar hornspyrnur náði SJK ekki að gera alvarlega atlögu að marki FH í seinni hálfleiks. Liðið færði sig framar er leið á leikinn og freistaði þess að jafna einvígið og það nýtti FH sér vel. Skyndisóknir FH voru hættulegar og úr einni slíkri tryggði Kristján Flóki sigurinn eftir góða sendingu Atla Guðnasonar en finnsku varnarmennirnir áttu í miklum andræðum með frábæran Atla í leiknum. FH fékk mun hættulegri færi í seinni hálfleik og má segja að liðið sé verðskuldað komið áfram þó finnska liðið hafi verið meira með boltann heilt yfir í leiknum. FH er komið í aðra umferð forkeppni Evrópudeildarinnar og mætir þar Inter Baku frá Aserbaídsjan. Heimir: Fórum sanngjarnt áfram„Við byrjuðum þetta ekki nógu vel, þeir byrja þetta sterkt en eftir 10 til 15 mínútur náðum við að jafna okkur,“ sagði Heimir Guðjónsson þjálfari FH eftir sigurinn í kvöld. „Mér fannst þetta sanngjarn sigur og skipulagið hjá okkur var gott. Við erum búnir að spila við þetta lið í 180 mínútur og þeir náðu ekki að skora hjá okkur. Við fórum sanngjarnt áfram.“ Finnska liðið fékk sitt lang besta færi strax á 3. mínútu leiksins og það sló FH út af laginu. Því var Heimir sammála. „Þetta var bölvaður grís. Hann var að hreinsa og sóknarmaðurinn slapp í gegn en Robbi varði frábærlega. „Við náðum að loka vel á það sem þeir voru að gera og um leið og við höfðum þor til halda boltanum innan liðsins þá sköpuðum við okkur færi,“ sagði Heimir sem sagði mark FH hafa legið í loftinu undir lok leiksins. „Eðlilega fóru þeir framar með liðið. Þeir fóru í þriggja manna vörn og hentu mönnum fram og við náðum að refsa þeim. „Það er frábært að komast áfram og nú bíður okkar leikur á móti Fylki á sunnudaginn. Við þurfum að einbeita okkur að því og Aserbaídsjan, við höfum áhyggjur af því seinna,“ sagði Heimir. Davíð Þór: Okkur líður ágætlega í svona leikjum„Þetta var hrikalega sætt, við þurfum að hafa ekkert smá fyrir þessu,“ sagði þreyttur en glaður fyrirliði FH, Davíð Þór Viðarsson, eftir sigurinn á SJK í kvöld. „Við vorum á hælunum í byrjun og verum heppnir að fá ekki á okkur mark eftir nokkrar mínútur. Svo unnum við okkur inn í leikinn og þeir sköpuðu sér ekki mikið að færum þrátt fyrir að vera meira með boltann. Hjá okkur vantaði að síðasta sendingin væri í lagi,“ sagði Davíð. Davíð sagði FH mögulega hafa komið kærulaust inn í leikinn verandi með 1-0 forystu eftir fyrri leikinn. „Við eigum í basli í byrjun. Við erum ekki nógu nálægt mönnunum okkar og svo þegar við fáum boltann þá missum við hann um leið. Ég veit ekki hvort það hafi verið stress eða hvað. „Það vill oft verða svo í svona einvígi að þegar þú kemur inn í leik með forystu að maður getur verið kærulaus og bíður eftir því hvað hitt liðið ætli að gera. Það boðar aldrei gott en við sluppum með það núna,“ sagði Davíð sem skaut léttum skotum á Þórarinn Inga fyrir að hafa ekki nýtt færið í fyrri hálfleik. „Það var erfiðara fyrir Tóta að hitta ekki markið en það er svona. „Í seinni hálfleik spiluðum við þetta mjög skynsamlega. Þeir setja smá pressu á okkur á tímabili en eru ekki að fá nein almennileg færi. Við lögðum upp með að halda hreinu, við vissum að það myndi duga. „Það sást aðeins í lokin að Finnarnir voru farnir full framarlega þegar tíu mínútur voru eftir. Það var allt opið hjá þeim og við hefðum kannski átt að nýta það betur. Okkur líður ágætlega í svona leikjum og það var gott að halda hreinu og gaman fyrir Flóka að koma inn og ná einu í lokin. Davíð Þór hefur áður leikið í Aserbaídsjan með FH og veit hverju hann á von á þar. „Þetta verður í annað skipti sem ég kem til Aserbaídsjan og í síðasta skiptið sem ég fór þangað sendi konan mín mig með skinku og álegg og svona. Maturinn var ekkert sérstakur en verður vonandi betri núna. „Þetta verður virklega erfiður leikur. Þeir mættu Elfsborg í fyrra, í umferðinni á undan því þegar við mættum Elfsborg, og voru óheppnir að komast ekki áfram þar og voru í sjálfu sér betra liðið. „Við vitum að það verður við ramman reip að draga en við gerum okkar besta,“ sagði Davíð.
Evrópudeild UEFA Mest lesið „Ég er mögulega búinn að spila minn síðasta leik“ Íslenski boltinn Zirkzee hetjan í sínum fyrsta leik Enski boltinn „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Það sjá allir hve mikilvægir varamenn eru“ Enski boltinn „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Dagskráin í dag: Fyrsti leikur Óskars Hrafns með KR Sport „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Fleiri fréttir Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Sjá meira