Véfengja ákvörðun Viðlagatryggingar að bæta ekki tjón vegna flóða á Ísafirði Birgir Olgeirsson skrifar 1. september 2015 13:25 Viðlagatryggingar Íslands bættu ekki tjón sem varð á Ísafirði og í nágrenni í febrúar síðastliðnum en tjónið er talið nema yfir hundrað milljónum króna. Sigurjón J. Sigurðsson „Við erum enn að sækja þetta mál,“ segir Gísli Halldór Halldórsson, bæjarstjóri Ísafjarðarbæjar, um tjónið sem varð vegna flóða í asahláku á Ísafirði og í nágrenni 8. febrúar síðastliðinn. Vatnsálagið í íbúa byggð neðan fjalls í Skutulsfirði, firðinum þar sem bærinn Ísafjörður stendur, er talið hafa náð 30 til 50 sentímetrum, um 300 til 500 millimetrum á tólf tímum, og útgjöld sem Ísafjarðarbær hefur orðið fyrir vegna tjóns talin nema einhverjum tugum milljóna króna. Viðlagatrygging Íslands gaf það út í mars síðastliðnum að stofnunin myndi ekki bæta þetta tjón sem varð á Ísafirði og í nágrenni því hvorki ár né lækir flæddu yfir bakka sína. Í minnisblaði Viðlagatryggingar kom fram að um hafi verið að ræða gríðarlegt magn leysingavatns sem streymdi fram í kjölfar mikilla rigningar og hláku og var fráveitukerfið ekki í stakk búið að taka við vatninu.Vatnsálagið er talið hafa náð 300 til 500 millimetrum á tólf tímum í asahlákunni á Ísafirði og í nágrenni síðastliðinn febrúar.Sigurjón J. SigurðssonViðlagatrygging Íslands vátryggir gegn beinu tjóni af völdum eldgosa, jarðskjálfta, skriðufalla, snjóflóða og vatnsflóða. Forsendur bótaskyldu Viðlagatryggingar Íslands af völdum vatnsflóðs eru þær að ár eða lækir flæði skyndilega yfir bakka sína eða flóðbylgjur frá sjó eða vötn gangi á land og valdi skemmdum eða eyðileggingu á vátryggðum munum. Árleg eða reglubundin flóð úr ám, lækjum, sjó eða vötnum teljast ekki vatnsflóð. Viðlagatrygging Íslands vátryggir allar fasteignir og lausafé sem brunatryggt er hjá vátryggingafélagi sem hefur starfsleyfi hér á landi, auk þess eru opinber mannvirki vátryggð, þar á meðal hitaveitur, vatnsveitur og skolpveitur í eigu sveitarfélaga eða ríkissjóðs.Torfnesvöllur á Ísafirði en gervigrasvöllurinn sem er til hliðar við hann eyðilagðist í flóðinu í febrúar.Sigurjón J. Sigurðsson.Gísli Halldór segir yfirvöld í Ísafjarðarbæ hafa unnið með bæjarlögfræðingum í að véfengja þennan úrskurð. „Samkvæmt þeim upplýsingum sem við höfum frá Veðurstofu Íslands og ýmsum aðstæðum hérna þá bendir ýmislegt til þess að vatnsálagið í byggð neðan fjalls á Ísafirði sunnudaginn 8. febrúar hafi verið 30 til 50 sentímetrar, það er að segja 300 til 500 millimetrar á tólf tímum. Það er alveg gríðarlegt magn enda var hér allt á floti,“ segir Gísli. Hann segir skýrt mat ekki hafa farið fram á heildartjóninu en miðað við tjón á gervigrasvellinum á Ísafirði og öllu fráveitukerfinu þá megi áætla að tjónið nemi yfir hundrað milljónir króna.Bæjarstarfsmenn Ísafjarðarbæjar máttu hafa sig alla við í febrúar síðastliðnum enda fór bærinn á flot.Sigurjón J. Sigurðsson.Sigmundur Davíð Gunnlaugsson forsætisráðherra heimsótti Siglufjörð um liðna helgi þar sem hann skoðaði bæjarfélagið eftir að það hafði orðið fyrir miklu tjóni vegna flóða. Viðlagatryggingar Íslands hafa gefið það út að það vatnstjón verði að öllum líkindum bætt þar sem Hvanneyrará hefði flætt yfir bakka sína og það geti ekki talist reglubundið flóð. Sigmundur Davíð sagði við Bítið á Bylgjunni í gær að til greina kæmi að Ofanflóðasjóður kæmi að málum vegna þess tjóns sem hefur orðið á Siglufirði. Gísli Halldór segir Ísafjarðarbæ hafa leitað til Ofanflóðasjóðs vegna þess tjóns sem varð í febrúar síðastliðnum. Erindi sveitarfélagsins var hins vegar vísað frá. „Við höfum ekki kært þann úrskurð því það er eins og kom fram í máli forsætisráðherra, það væri þá einhver sér aðgerð. Ég get alveg tekið undir það með forsætisráðherra að manni fyndist það kannski raunhæfur farvegur fyrir okkur líka að kanna leiðir með ofanflóðsjóði til að bæta þetta. Sérstaklega ef að Viðlagatryggingar ná ekki utan um þetta.“ Mest lesið Skiljanlegt að málið veki upp miklar og erfiðar tilfinningar Innlent Fjöldi herskipa við Reykjavíkurhöfn Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Hátt settur herforingi fórst í bílsprengju nærri Moskvu Erlent Árásarmaðurinn sagður aðhyllast hugmyndir Hitler Erlent Neituðu sök en viðurkenna nú að hafa drepið hjálparstarfsmann Erlent Mislingar á mörkum þess að verða landlægir í Bandaríkjunum aftur Erlent Meintir hópnauðgarar á bannlista skemmtistaðar Innlent Alvarlegt ef þrefalda á strandveiðikvóta á kostnað annarra Innlent Fleiri fréttir Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Sjá meira
„Við erum enn að sækja þetta mál,“ segir Gísli Halldór Halldórsson, bæjarstjóri Ísafjarðarbæjar, um tjónið sem varð vegna flóða í asahláku á Ísafirði og í nágrenni 8. febrúar síðastliðinn. Vatnsálagið í íbúa byggð neðan fjalls í Skutulsfirði, firðinum þar sem bærinn Ísafjörður stendur, er talið hafa náð 30 til 50 sentímetrum, um 300 til 500 millimetrum á tólf tímum, og útgjöld sem Ísafjarðarbær hefur orðið fyrir vegna tjóns talin nema einhverjum tugum milljóna króna. Viðlagatrygging Íslands gaf það út í mars síðastliðnum að stofnunin myndi ekki bæta þetta tjón sem varð á Ísafirði og í nágrenni því hvorki ár né lækir flæddu yfir bakka sína. Í minnisblaði Viðlagatryggingar kom fram að um hafi verið að ræða gríðarlegt magn leysingavatns sem streymdi fram í kjölfar mikilla rigningar og hláku og var fráveitukerfið ekki í stakk búið að taka við vatninu.Vatnsálagið er talið hafa náð 300 til 500 millimetrum á tólf tímum í asahlákunni á Ísafirði og í nágrenni síðastliðinn febrúar.Sigurjón J. SigurðssonViðlagatrygging Íslands vátryggir gegn beinu tjóni af völdum eldgosa, jarðskjálfta, skriðufalla, snjóflóða og vatnsflóða. Forsendur bótaskyldu Viðlagatryggingar Íslands af völdum vatnsflóðs eru þær að ár eða lækir flæði skyndilega yfir bakka sína eða flóðbylgjur frá sjó eða vötn gangi á land og valdi skemmdum eða eyðileggingu á vátryggðum munum. Árleg eða reglubundin flóð úr ám, lækjum, sjó eða vötnum teljast ekki vatnsflóð. Viðlagatrygging Íslands vátryggir allar fasteignir og lausafé sem brunatryggt er hjá vátryggingafélagi sem hefur starfsleyfi hér á landi, auk þess eru opinber mannvirki vátryggð, þar á meðal hitaveitur, vatnsveitur og skolpveitur í eigu sveitarfélaga eða ríkissjóðs.Torfnesvöllur á Ísafirði en gervigrasvöllurinn sem er til hliðar við hann eyðilagðist í flóðinu í febrúar.Sigurjón J. Sigurðsson.Gísli Halldór segir yfirvöld í Ísafjarðarbæ hafa unnið með bæjarlögfræðingum í að véfengja þennan úrskurð. „Samkvæmt þeim upplýsingum sem við höfum frá Veðurstofu Íslands og ýmsum aðstæðum hérna þá bendir ýmislegt til þess að vatnsálagið í byggð neðan fjalls á Ísafirði sunnudaginn 8. febrúar hafi verið 30 til 50 sentímetrar, það er að segja 300 til 500 millimetrar á tólf tímum. Það er alveg gríðarlegt magn enda var hér allt á floti,“ segir Gísli. Hann segir skýrt mat ekki hafa farið fram á heildartjóninu en miðað við tjón á gervigrasvellinum á Ísafirði og öllu fráveitukerfinu þá megi áætla að tjónið nemi yfir hundrað milljónir króna.Bæjarstarfsmenn Ísafjarðarbæjar máttu hafa sig alla við í febrúar síðastliðnum enda fór bærinn á flot.Sigurjón J. Sigurðsson.Sigmundur Davíð Gunnlaugsson forsætisráðherra heimsótti Siglufjörð um liðna helgi þar sem hann skoðaði bæjarfélagið eftir að það hafði orðið fyrir miklu tjóni vegna flóða. Viðlagatryggingar Íslands hafa gefið það út að það vatnstjón verði að öllum líkindum bætt þar sem Hvanneyrará hefði flætt yfir bakka sína og það geti ekki talist reglubundið flóð. Sigmundur Davíð sagði við Bítið á Bylgjunni í gær að til greina kæmi að Ofanflóðasjóður kæmi að málum vegna þess tjóns sem hefur orðið á Siglufirði. Gísli Halldór segir Ísafjarðarbæ hafa leitað til Ofanflóðasjóðs vegna þess tjóns sem varð í febrúar síðastliðnum. Erindi sveitarfélagsins var hins vegar vísað frá. „Við höfum ekki kært þann úrskurð því það er eins og kom fram í máli forsætisráðherra, það væri þá einhver sér aðgerð. Ég get alveg tekið undir það með forsætisráðherra að manni fyndist það kannski raunhæfur farvegur fyrir okkur líka að kanna leiðir með ofanflóðsjóði til að bæta þetta. Sérstaklega ef að Viðlagatryggingar ná ekki utan um þetta.“
Mest lesið Skiljanlegt að málið veki upp miklar og erfiðar tilfinningar Innlent Fjöldi herskipa við Reykjavíkurhöfn Innlent Með nettengingu í trássi við öryggisreglur til að komast inn á Signal Erlent Byrjaður að selja varning merktan „Trump 2028“ Erlent Hátt settur herforingi fórst í bílsprengju nærri Moskvu Erlent Árásarmaðurinn sagður aðhyllast hugmyndir Hitler Erlent Neituðu sök en viðurkenna nú að hafa drepið hjálparstarfsmann Erlent Mislingar á mörkum þess að verða landlægir í Bandaríkjunum aftur Erlent Meintir hópnauðgarar á bannlista skemmtistaðar Innlent Alvarlegt ef þrefalda á strandveiðikvóta á kostnað annarra Innlent Fleiri fréttir Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Sjá meira