Samstöðupest gæti sett komu David Cameron í uppnám Tryggvi Páll Tryggvason skrifar 12. október 2015 17:00 Erfitt gæti reynst að manna öryggisgæslu vegna heimsóknar erlendra ráðamanna boði lögreglumenn til fyrirhugaðra veikinda Vísir/Samsett Veikindi lögreglumanna gætu sett strik í reikninginn varðandi fyrirhugaða heimsókn David Cameron, forsætisráðherra Breta, forsætisráðherra Norðurlandaríkjanna og forsætisráðherra Eystrasaltsríkjanna sem allir eru væntanlegir til Íslands dagana 28.-29. október næstkomandi. Stjórnvöld hafa ekki gert sérstakar ráðstafanir vegna ófyrirséðra veikinda lögreglumanna. Samkvæmt upplýsingum fjármálaráðuneytisins hyggjast lögreglumenn víðsvegar á landinu boða til veikinda, líkt og þeir gerðu sl. föstudag, dagana 27.-28. október. Á sama tíma munu koma hingað til lands, ásamt fylgdarliði, forsætisráðherrar Bretlands, Danmerkur, Svíþjóðar, Noregs, Finnlands, Eistlands, Lettlands og Litháen til þess að taka þátt í málþinginu Northern Future Forum. Ljóst er að þörf er á umtalsverðri öryggisgæslu vegna komu þessara erlendu ráðamanna.Fjölmennt lögreglulið gætti öryggis Wen Jiabo, þáverandi forsætisráðherra Kína, er hann heimsótti Ísland. Myndin er tekin við það tækifæri.Starfsemi lögreglu skert sl. föstudag vegna fjöldaveikinda lögreglumanna Fjölmargir lögreglumenn hringdu sig inn veika á föstudaginn fyrir helgi og var starfsemi lögreglunnar verulega skert vegna þessa víðsvegar um land. Í yfirlýsingu frá Lögreglunni á höfuðborgarsvæðinu sem send var til fjölmiðla að morgni föstudags sagði eftirfarandi: „Sú óvenjulega staða kom upp hjá Lögreglunni á höfuðborgarsvæðinu í morgun að margir lögreglumenn hjá embættinu boðuðu forföll vegna veikinda. Af þeirri ástæðu er viðbúið að ekki verði unnt að sinna öllum verkefnum sem koma á borð lögreglu í dag, en þau sem teljast brýn og áríðandi verða vitaskuld sett í forgang eins og jafnan áður.“ Samkvæmt fyrrgreindum upplýsingum hyggjast lögreglumenn einnig boða til veikinda næstkomandi föstudag. Þá stendur yfir í Reykjavík ráðstefnan Arctic Circle og á þeim degi munu Francois Hollande Frakklandsforseti og Albert Mónakóprins halda erindi. Ekki er staðfest að lögreglumenn hyggist boða til veikinda á ofangreindum dögum en upplýsingar um fyrirhugaðar dagsetningar komu fram í bréfi fjármálaráðuneytisins til Landssambands lögreglumanna þar sem lögreglumenn voru varaðir við slíkum aðgerðum.Snorri Magnússo, formaður Landssambands lögreglumanna, segir af og frá að samtökin standi á bakvið fyrirhuguð veikindi lögreglumannaVísir/VilhelmStjórnvöld ekki gert neinar sérstakar ráðstafanir vegna mögulegra veikinda lögreglumanna Í svarbréfi Landssambands lögreglumanna til fjármálaráðuneytisins segir að Landssambandið standi ekki á bak við veikindi lögreglumanna og hafi ekki haft vitneskju um þá fyrirætlun lögreglumanna að hringja sig inn veika á þeim dögum sem ráðuneytið tilgreinir í bréfinu. Venjan er sú að erlendir ráðamenn og þjóðhöfðingjar þiggi lögregluvernd á meðan á opinberum heimsóknum standi og komi til þess að fjöldi lögreglumanna hringi sig inn veika á ofangreindum dagsetningum er ljóst að öryggisgæsla vegna komu erlendra ráðamanna til Íslands næstu vikurnar gæti verið í uppnámi. Sigurður Már Jónsson, upplýsingafulltrúi ríkisstjórnarinnar, segir stjórnvöld ekki hafa gert neinar ráðstafanir vegna þess sem kalla má ófyrirséð veikindi lögreglumanna á tilteknum dögum þegar fjöldi þjóðhöfðingja verður á landinu. Hann segir ávallt unnið eftir ákveðnum áætlunum og verkferlum í þessum efnum og svo sé einnig nú. Mest lesið „Í mínum huga alveg útilokað“ Innlent „Ef þessi maður kemst út úr fangelsi mun hann drepa barnið mitt“ Innlent Jarðgöng undir Miklubraut fýsilegri kostur Innlent Stærðarinnar skilti sem ekkert má sýna Innlent Trump eykur forskotið og Biden ekki á förum Erlent „Ef þið haldið mér áfram í fangelsi þá verður vandamál“ Innlent Segja Ásgeir Helga hafa verið 20 mínútur í stæðinu Innlent Sveitastrákur mætir með byssuna sína á Ólympíuleikana Innlent Óhjákvæmilegt fyrir stjórnvöld að grípa inn í Innlent Þrír af hverjum fjórum sitja eftir með sárt ennið Innlent Fleiri fréttir „Í mínum huga alveg útilokað“ Sveitastrákur mætir með byssuna sína á Ólympíuleikana Stærðarinnar skilti sem ekkert má sýna Jarðgöng undir Miklubraut fýsilegri kostur Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Sjá meira
Veikindi lögreglumanna gætu sett strik í reikninginn varðandi fyrirhugaða heimsókn David Cameron, forsætisráðherra Breta, forsætisráðherra Norðurlandaríkjanna og forsætisráðherra Eystrasaltsríkjanna sem allir eru væntanlegir til Íslands dagana 28.-29. október næstkomandi. Stjórnvöld hafa ekki gert sérstakar ráðstafanir vegna ófyrirséðra veikinda lögreglumanna. Samkvæmt upplýsingum fjármálaráðuneytisins hyggjast lögreglumenn víðsvegar á landinu boða til veikinda, líkt og þeir gerðu sl. föstudag, dagana 27.-28. október. Á sama tíma munu koma hingað til lands, ásamt fylgdarliði, forsætisráðherrar Bretlands, Danmerkur, Svíþjóðar, Noregs, Finnlands, Eistlands, Lettlands og Litháen til þess að taka þátt í málþinginu Northern Future Forum. Ljóst er að þörf er á umtalsverðri öryggisgæslu vegna komu þessara erlendu ráðamanna.Fjölmennt lögreglulið gætti öryggis Wen Jiabo, þáverandi forsætisráðherra Kína, er hann heimsótti Ísland. Myndin er tekin við það tækifæri.Starfsemi lögreglu skert sl. föstudag vegna fjöldaveikinda lögreglumanna Fjölmargir lögreglumenn hringdu sig inn veika á föstudaginn fyrir helgi og var starfsemi lögreglunnar verulega skert vegna þessa víðsvegar um land. Í yfirlýsingu frá Lögreglunni á höfuðborgarsvæðinu sem send var til fjölmiðla að morgni föstudags sagði eftirfarandi: „Sú óvenjulega staða kom upp hjá Lögreglunni á höfuðborgarsvæðinu í morgun að margir lögreglumenn hjá embættinu boðuðu forföll vegna veikinda. Af þeirri ástæðu er viðbúið að ekki verði unnt að sinna öllum verkefnum sem koma á borð lögreglu í dag, en þau sem teljast brýn og áríðandi verða vitaskuld sett í forgang eins og jafnan áður.“ Samkvæmt fyrrgreindum upplýsingum hyggjast lögreglumenn einnig boða til veikinda næstkomandi föstudag. Þá stendur yfir í Reykjavík ráðstefnan Arctic Circle og á þeim degi munu Francois Hollande Frakklandsforseti og Albert Mónakóprins halda erindi. Ekki er staðfest að lögreglumenn hyggist boða til veikinda á ofangreindum dögum en upplýsingar um fyrirhugaðar dagsetningar komu fram í bréfi fjármálaráðuneytisins til Landssambands lögreglumanna þar sem lögreglumenn voru varaðir við slíkum aðgerðum.Snorri Magnússo, formaður Landssambands lögreglumanna, segir af og frá að samtökin standi á bakvið fyrirhuguð veikindi lögreglumannaVísir/VilhelmStjórnvöld ekki gert neinar sérstakar ráðstafanir vegna mögulegra veikinda lögreglumanna Í svarbréfi Landssambands lögreglumanna til fjármálaráðuneytisins segir að Landssambandið standi ekki á bak við veikindi lögreglumanna og hafi ekki haft vitneskju um þá fyrirætlun lögreglumanna að hringja sig inn veika á þeim dögum sem ráðuneytið tilgreinir í bréfinu. Venjan er sú að erlendir ráðamenn og þjóðhöfðingjar þiggi lögregluvernd á meðan á opinberum heimsóknum standi og komi til þess að fjöldi lögreglumanna hringi sig inn veika á ofangreindum dagsetningum er ljóst að öryggisgæsla vegna komu erlendra ráðamanna til Íslands næstu vikurnar gæti verið í uppnámi. Sigurður Már Jónsson, upplýsingafulltrúi ríkisstjórnarinnar, segir stjórnvöld ekki hafa gert neinar ráðstafanir vegna þess sem kalla má ófyrirséð veikindi lögreglumanna á tilteknum dögum þegar fjöldi þjóðhöfðingja verður á landinu. Hann segir ávallt unnið eftir ákveðnum áætlunum og verkferlum í þessum efnum og svo sé einnig nú.
Mest lesið „Í mínum huga alveg útilokað“ Innlent „Ef þessi maður kemst út úr fangelsi mun hann drepa barnið mitt“ Innlent Jarðgöng undir Miklubraut fýsilegri kostur Innlent Stærðarinnar skilti sem ekkert má sýna Innlent Trump eykur forskotið og Biden ekki á förum Erlent „Ef þið haldið mér áfram í fangelsi þá verður vandamál“ Innlent Segja Ásgeir Helga hafa verið 20 mínútur í stæðinu Innlent Sveitastrákur mætir með byssuna sína á Ólympíuleikana Innlent Óhjákvæmilegt fyrir stjórnvöld að grípa inn í Innlent Þrír af hverjum fjórum sitja eftir með sárt ennið Innlent Fleiri fréttir „Í mínum huga alveg útilokað“ Sveitastrákur mætir með byssuna sína á Ólympíuleikana Stærðarinnar skilti sem ekkert má sýna Jarðgöng undir Miklubraut fýsilegri kostur Óhjákvæmilegt fyrir stjórnvöld að grípa inn í Milljarðar streyma úr landi með starfsemi veðmálafyrirtækja Lagabreytingin vegi að eldri borgurum og öryrkjum erlendis Vestmannaeyjabær höfðar skaðabótamál á hendur Vinnslustöðinni Bóndi þvingaður til að afhenda hrút Segja Ásgeir Helga hafa verið 20 mínútur í stæðinu Segja Grindavík alls ekki ónýta og vilja hleypa fólki inn Fjórar ferðir vegna heilbrigðisþjónustu fást nú endurgreiddar Skemmdu bíla í reiðiskasti áður en þeir flúðu lögreglu á rafskútu Dýrmætu vasaúri og silfurfesti stolið af byggðasafni „Ef þessi maður kemst út úr fangelsi mun hann drepa barnið mitt“ Rannsókn lokið á máli sem snýr að Polar Nanoq Fyrsta makrílfarmi vertíðarinnar landað í Neskaupstað Kári Garðarsson ráðinn framkvæmdastjóri Samtakanna 78 „Að láta taka sig ósmurt? Takk, en nei takk“ Albert neitaði sök Mikil tækifæri felist í að gera Þórsmörk að þjóðgarði Öldrun heimilislækna og fólksfjölgun valda læknaskorti Sjómenn „arfavitlausir“ og Lilja biður Stefán um frest Læknaskortur og sjávarháski Ætlaði með allt of ungt barn í ferð og heimtaði endurgreiðslu Ekki náttúruspjöll heldur forvarnir „Ef þið haldið mér áfram í fangelsi þá verður vandamál“ „Við erum að klæða vegi sem eiga að vera malbikaðir“ Íris segir RÚV henda blautri og kaldri tusku í andlit sjómanna Faglært starfsfólk og eftirlit skorti í búsetuúrræðum fyrir börn Sjá meira