Leik lokið: Tindastóll - Haukar 64-72 | Haukar réttu úr kútnum á Króknum Ísak Óli Traustason í Síkinu skrifar 29. október 2015 20:45 vísir/vilhelm Eftir góða byrjun á tímabilinu er Tindastóll búið að tapa tveimur leikjum í röð - í þetta sinn fyrir Haukum á heimavelli. Haukar náðu með sigrinum að koma sér aftur á beinu brautina eftir tvo tapleiki í röð en í fyrra tókst aðeins einu liði að leggja Tindastól að velli á Sauðarkróki í deildakeppninni. Haukar voru með undirtökin í leiknum en Tindastóll náði að minnka muninn í fjögur stig í þriðja leikhluta. Haukar héldu þó út og fögnuðu sætum sigri í leikslok. Heimamenn mættu varla til leiks í fyrsta leikhluta og að loknum fyrsta leikhluta leiddu gestirnir, 26-7. Haukarnir létu boltann ganga vel manna á milli í sókninni, sem endaði oftast með opnu skoti. Þá tóku þeir sömuleiðis fast á Stólnum í varnarleiknum. Heimamenn voru klaufar og áttu margar misheppnaðar sóknir í fyrsta leikhluta. Það sama var uppi á teningnum í öðrum leikhluta og á tímabili leiddu Haukar leikinn, 37-11. Darrell Flake náði þó að laga stöðuna aðeins fyrir heimamenn með smekklegum flautuþristi en staðan að loknum fyrri hálfleik var 40-26, gestunum í vil. Skotnýting heimamanna var þó aðeins 27% í hálfleiknum. Heimamenn virtust vakna til lífs í síðari hálfleik. Finnur Atli fór af vellinum snemma í þriðja leikhluta með fjórar villur og gengu heimamenn á lagið og minnkuðu muninn niður í fimm stig, 48-43. Það fór mikil orka hjá Tindastóli í að elta og komust heimamenn aldrei yfir en náðu þó að minka muninn í tvö stig. Haukarnir áttu hins vegar alltaf svar við leik heimamanna og sigldu sigrinum í höfn í lokin. Haukur Óskarsson var mjög góður í leiknum og skoraði 22 stig. Hann var mjög hreyfanlegur og síógnandi í sóknarleik sinna manna. Boltinn gekk vel hjá liðinu og áttu lykilmenn allir prýðisgóðan leik. Hjá heimamönnum vantaði mikið upp á. Jerome Hill var ágætur í leiknum með 12 stig og 13 fráköst. Aðrir áttu ekki sérstakan dag og voru margir leikmenn ólíkir sjálfum sér í kvöld. Sterkur sigur Haukanna því staðreynd á útivelli og áttu þeir sigurinn skilið. Heimamenn sýndu baráttu og náðu að hleypa spennu í leikinn eftir að Haukar völtuðu gjörsamlega yfir þá í fyrri hálfleik. Bæði lið eru því búin að vinna tvo leiki og tapa tveimur í Domino’s-deildinni.Tindastóll-Haukar 64-72 (7-26, 19-14, 24-16, 14-16)Tindastóll: Jerome Hill 12/13 fráköst, Darrell Flake 12/5 fráköst, Pétur Rúnar Birgisson 11/5 stoðsendingar, Darrel Keith Lewis 11/5 fráköst, Helgi Rafn Viggósson 6/5 fráköst, Helgi Freyr Margeirsson 5, Viðar Ágústsson 3/7 fráköst, Arnþór Freyr Guðmundsson 3, Svavar Atli Birgisson 1.Haukar: Haukur Óskarsson 22/5 fráköst, Stephen Michael Madison 15/6 fráköst, Kári Jónsson 12/8 fráköst/5 stoðsendingar, Emil Barja 8/6 fráköst/5 stoðsendingar, Finnur Atli Magnússon 8/4 fráköst, Kristinn Jónasson 4/4 fráköst, Kristinn Marinósson 3/6 fráköst, Ívar Barja 0, Jón Ólafur Magnússon 0, Hjálmar Stefánsson 0/4 fráköst.Ívar Ásgrímsson.VísirÍvar: Ég er stoltur af strákunum Ívar Ásgrímsson, þjálfari Hauka, var ánægður með sigurinn og hrósaði sínum mönnum fyrir góðan leik. „Vörnin var frábær hjá okkur og sóknin líka. Við létum boltann ganga, hittum vel og vorum að fá körfur alls staðar á vellinum“. „Þeir fóru aðeins að pressa á okkur í öðrum leikhluta og fóru að spila grimma vörn. Við bökkuðum aðeins frá og hættum að spila okkar sóknarleik,“ sagði Ívar. Tindastóll komust inn í leikinn á þeim kafla en Ívar að ánægður með það hvernig hans menn brugðust við. „Ég er stoltur af strákunum. Þeir héldu haus í fjórða leikhluta. Við spiluðum mjög skynsamlega þá - stjórnuðum hraðanum og ég er mjög ánægður með það.“ Ívar var þó ekki sammála blaðamanni um að kæruleysi hefði valdið því að þeir misstu leikinn niður í tveggja stiga mun. „Það var ekki kæruleysi. Við vorum að hitta vel og menn voru kannski að stóla aðeins of mikið á það að skjóta en við löguðum það aðeins í fjórða leikhluta. Um leið og við fengum ró yfir leik okkar þá náðum við að halda þessu.“VísirPieti: Spiluðum ekki vörn Pieti Poikola, þjálfari Tindastóls, var að vonum svekktur eftir leikinn. Aðspurður út í sóknarleik sinna manna sagði hann: „Þessi leikur snýst ekki bara um sókn. Við spiluðum ekki vörn, hlupum ekki til baka, fengum engin stopp og höfðum engin samskipti inn á vellinum.“ „Þegar maður spilar ekki vörn þá fær maður ekkert flæði í sóknarleikinn,“ sagði Pieti sem hrósaði Haukum fyrir spilamennsku sína í kvöld og óskaði þeim jafnframt til hamingju með sigurinn. „Það er erfitt að elta allan leikinn, við náðum að minka muninn í tvö stig en þá vorum við bara orðnir of þreyttir. Þeir hittu úr sínum skotum og kláruðu leikinn,“ sagði finnski þjálfarinn. „Við þurfum að spila vörn frá upphafi og fá auðveld stig úr hraðaupphlaupum snemma leiks,“ bætti Pieti við að lokum.Tweets by @Visirkarfa1 Dominos-deild karla Mest lesið Samherji Stefáns Teits kærður fyrir meint bit Enski boltinn Viktor Gísli öflugur gegn PSG Handbolti Ricciardo tapar sæti sínu hjá RB Formúla 1 Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Andri Már spilaði stóran þátt í sigri Leipzig Handbolti Amanda lagði upp á leið sinni í riðlakeppni Meistaradeildar Evrópu Fótbolti Birkir á leið til Vals á nýjan leik Íslenski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira
Eftir góða byrjun á tímabilinu er Tindastóll búið að tapa tveimur leikjum í röð - í þetta sinn fyrir Haukum á heimavelli. Haukar náðu með sigrinum að koma sér aftur á beinu brautina eftir tvo tapleiki í röð en í fyrra tókst aðeins einu liði að leggja Tindastól að velli á Sauðarkróki í deildakeppninni. Haukar voru með undirtökin í leiknum en Tindastóll náði að minnka muninn í fjögur stig í þriðja leikhluta. Haukar héldu þó út og fögnuðu sætum sigri í leikslok. Heimamenn mættu varla til leiks í fyrsta leikhluta og að loknum fyrsta leikhluta leiddu gestirnir, 26-7. Haukarnir létu boltann ganga vel manna á milli í sókninni, sem endaði oftast með opnu skoti. Þá tóku þeir sömuleiðis fast á Stólnum í varnarleiknum. Heimamenn voru klaufar og áttu margar misheppnaðar sóknir í fyrsta leikhluta. Það sama var uppi á teningnum í öðrum leikhluta og á tímabili leiddu Haukar leikinn, 37-11. Darrell Flake náði þó að laga stöðuna aðeins fyrir heimamenn með smekklegum flautuþristi en staðan að loknum fyrri hálfleik var 40-26, gestunum í vil. Skotnýting heimamanna var þó aðeins 27% í hálfleiknum. Heimamenn virtust vakna til lífs í síðari hálfleik. Finnur Atli fór af vellinum snemma í þriðja leikhluta með fjórar villur og gengu heimamenn á lagið og minnkuðu muninn niður í fimm stig, 48-43. Það fór mikil orka hjá Tindastóli í að elta og komust heimamenn aldrei yfir en náðu þó að minka muninn í tvö stig. Haukarnir áttu hins vegar alltaf svar við leik heimamanna og sigldu sigrinum í höfn í lokin. Haukur Óskarsson var mjög góður í leiknum og skoraði 22 stig. Hann var mjög hreyfanlegur og síógnandi í sóknarleik sinna manna. Boltinn gekk vel hjá liðinu og áttu lykilmenn allir prýðisgóðan leik. Hjá heimamönnum vantaði mikið upp á. Jerome Hill var ágætur í leiknum með 12 stig og 13 fráköst. Aðrir áttu ekki sérstakan dag og voru margir leikmenn ólíkir sjálfum sér í kvöld. Sterkur sigur Haukanna því staðreynd á útivelli og áttu þeir sigurinn skilið. Heimamenn sýndu baráttu og náðu að hleypa spennu í leikinn eftir að Haukar völtuðu gjörsamlega yfir þá í fyrri hálfleik. Bæði lið eru því búin að vinna tvo leiki og tapa tveimur í Domino’s-deildinni.Tindastóll-Haukar 64-72 (7-26, 19-14, 24-16, 14-16)Tindastóll: Jerome Hill 12/13 fráköst, Darrell Flake 12/5 fráköst, Pétur Rúnar Birgisson 11/5 stoðsendingar, Darrel Keith Lewis 11/5 fráköst, Helgi Rafn Viggósson 6/5 fráköst, Helgi Freyr Margeirsson 5, Viðar Ágústsson 3/7 fráköst, Arnþór Freyr Guðmundsson 3, Svavar Atli Birgisson 1.Haukar: Haukur Óskarsson 22/5 fráköst, Stephen Michael Madison 15/6 fráköst, Kári Jónsson 12/8 fráköst/5 stoðsendingar, Emil Barja 8/6 fráköst/5 stoðsendingar, Finnur Atli Magnússon 8/4 fráköst, Kristinn Jónasson 4/4 fráköst, Kristinn Marinósson 3/6 fráköst, Ívar Barja 0, Jón Ólafur Magnússon 0, Hjálmar Stefánsson 0/4 fráköst.Ívar Ásgrímsson.VísirÍvar: Ég er stoltur af strákunum Ívar Ásgrímsson, þjálfari Hauka, var ánægður með sigurinn og hrósaði sínum mönnum fyrir góðan leik. „Vörnin var frábær hjá okkur og sóknin líka. Við létum boltann ganga, hittum vel og vorum að fá körfur alls staðar á vellinum“. „Þeir fóru aðeins að pressa á okkur í öðrum leikhluta og fóru að spila grimma vörn. Við bökkuðum aðeins frá og hættum að spila okkar sóknarleik,“ sagði Ívar. Tindastóll komust inn í leikinn á þeim kafla en Ívar að ánægður með það hvernig hans menn brugðust við. „Ég er stoltur af strákunum. Þeir héldu haus í fjórða leikhluta. Við spiluðum mjög skynsamlega þá - stjórnuðum hraðanum og ég er mjög ánægður með það.“ Ívar var þó ekki sammála blaðamanni um að kæruleysi hefði valdið því að þeir misstu leikinn niður í tveggja stiga mun. „Það var ekki kæruleysi. Við vorum að hitta vel og menn voru kannski að stóla aðeins of mikið á það að skjóta en við löguðum það aðeins í fjórða leikhluta. Um leið og við fengum ró yfir leik okkar þá náðum við að halda þessu.“VísirPieti: Spiluðum ekki vörn Pieti Poikola, þjálfari Tindastóls, var að vonum svekktur eftir leikinn. Aðspurður út í sóknarleik sinna manna sagði hann: „Þessi leikur snýst ekki bara um sókn. Við spiluðum ekki vörn, hlupum ekki til baka, fengum engin stopp og höfðum engin samskipti inn á vellinum.“ „Þegar maður spilar ekki vörn þá fær maður ekkert flæði í sóknarleikinn,“ sagði Pieti sem hrósaði Haukum fyrir spilamennsku sína í kvöld og óskaði þeim jafnframt til hamingju með sigurinn. „Það er erfitt að elta allan leikinn, við náðum að minka muninn í tvö stig en þá vorum við bara orðnir of þreyttir. Þeir hittu úr sínum skotum og kláruðu leikinn,“ sagði finnski þjálfarinn. „Við þurfum að spila vörn frá upphafi og fá auðveld stig úr hraðaupphlaupum snemma leiks,“ bætti Pieti við að lokum.Tweets by @Visirkarfa1
Dominos-deild karla Mest lesið Samherji Stefáns Teits kærður fyrir meint bit Enski boltinn Viktor Gísli öflugur gegn PSG Handbolti Ricciardo tapar sæti sínu hjá RB Formúla 1 Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Andri Már spilaði stóran þátt í sigri Leipzig Handbolti Amanda lagði upp á leið sinni í riðlakeppni Meistaradeildar Evrópu Fótbolti Birkir á leið til Vals á nýjan leik Íslenski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira