Sport

Eygló féll úr leik í undanúrslitum í 50 metra baksundi

Kristinn Páll Teitsson skrifar
Eygló Ósk hefur náð frábærum árangri á EM i Ísrael.
Eygló Ósk hefur náð frábærum árangri á EM i Ísrael. Vísir/Pjetur
Þrátt fyrir að vera 22 sekúndubrotum frá Íslandsmetinu tókst Eygló Ósk Gústafsdóttir, sundkonan úr SH, ekki að komast upp úr undanúrslitum í 50 metra baksundi á Evrópumótinu í 25 metra laug í Ísrael.

Eygló lenti í 7. sæti í fyrri undanúrslitunum og fékk því ekki þátttökurétt í úrslitasundinu.

Eygló sem hefur náð frábærum árangri á mótinu og nælt í tvenn bronsverðlaun en hún komst í undanúrslit er hún kom í mark á 27,97 sekúndum í morgun.

Eygló gerði enn betur í undanúrslitunum rétt í þessu og kom í mark aðeins á 27,67 sekúndum.

Var hún 22 sekúndubrotum frá eigin Íslandsmeti sem hún deilir með Ingibjörgu Kristínu Jónsdóttur en það dugði ekki til og lenti hún í 15 sæti af 16 keppendum í undanúrslitunum.




Fleiri fréttir

Sjá meira


×