Hjálparsamtök að gera klárt fyrir jólin 3. desember 2015 06:00 Mæðrastyrksnefnd er með fataúthlutun, þar á meðal spariföt. Fréttablaðið/Vilhelm Jólapakki Þegar styttist í jólin fara hjálparsamtök að úthluta nauðsynjum til bágstaddra fjölskyldna. Meðal þess sem samtökin úthluta eru spariföt, hátíðarmatur, klipping fyrir jólin og pakkar. Ekki er búist við minni eftirspurn eftir aðstoð fyrir jólin í ár.Hjálparstarf kirkjunnar Bjarni Gíslason, framkvæmdastjóri Hjálparstarfs kirkjunnar, segir að um 1.400 umsóknir hafi borist um aðstoð í fyrra og eigi hann ekki von á öðru en að svipaður fjöldi berist í ár, eða færri þar sem atvinnuleysi hefur minnkað. „En það er ákveðinn hópur sem hefur verið hjá okkur ár eftir ár, einstæðar mæður og öryrkjar eru þar stórir hópar sem virðast oft þurfa að koma til okkar,“ segir Bjarni. Tekið verður á móti umsóknum í dag og næstu daga. Úthlutað er inneignarkortum í matvöruverslunum. „Fólk þarf að sækja um hjá okkur og koma með gögn um tekjur og gjöld síðustu mánaða. Við skoðum hverja umsókn og reiknum út hvort fólk sé undir ákveðnum mörkum til þess að þeir sem þurfi mest á að halda fái stuðninginn,“ segir Bjarni. Hjálparstarf kirkjunnar fær ásamt öðrum sem standa að hjálparstarfi pakka úr pakkajólum Kringlunnar og Smáralind. Bjarni segir mjög marga sem fá kortin einnig þiggja gjafirnar. Auk þess bjóðast smáhlutir í skóinn sem eru gjafir frá fyrirtækjum. Hjálparstarf kirkjunnar er með fataúthlutun og biður um jólaföt og fín föt í aðdraganda jólanna. „En það er bara ákveðinn hópur sem nýtir sér það líka og fær kannski föt fyrir börnin fyrir jólin,“ segir Bjarni.Fjölskylduhjálp Íslands „Þetta ár er búið að vera rosalega erfitt, við verðum líklega með 33 þúsund matargjafir á árinu. Við erum ekki ríkisrekin og við fáum ótrúlega litla styrki. Þetta hefur þyngst verulega undanfarin ár,“ segir Ásgerður Jóna Flosadóttir, formaður Fjölskylduhjálpar Íslands. „Í fyrra beindum við hælisleitendum, flóttafólki, fólki með dvalarleyfi og fólki nýkomnu með atvinnuleyfi til Rauða krossins vegna þess að Útlendingastofnun hefur gert samning við Rauða krossinn. Við vorum komin svo langt út fyrir það sem við gátum gert að við þurftum að vísa því frá,“ segir Ásgerður sem býst við gríðarlegum fjölda umsókna. „En við munum á ákveðnum tíma segja stopp. Við þurfum að sjá hvað við getum keypt mikið kjöt og annað sem við þurfum að kaupa, og við getum ekki steypt okkur í skuldir. Það fer því eftir því hvað við fáum inn á reikninginn hvað við getum sinnt mörgum.“ Ásgerður telur eftirspurnina ekki munu minnka milli ára. „Þetta mun ekki dragast saman nema við forstöðufólkið drögum þetta saman.“ Fjölskylduhjálpin býður matargjafir, pakka og einnig klippingu fyrir jólin. „Við erum með klippingu fyrir alla sem þurfa meðan hárgreiðslukonurnar anna því,“ segir Ásgerður. Mæðrastyrksnefnd Sækja mátti um úthlutun úr Mæðrastyrksnefnd fram að 30. nóvember. Anna H. Pétursdóttir, formaður Mæðrastyrksnefndar, segist eiga von á svipuðum fjölda úthlutana og í fyrra. Mæðrastyrksnefnd er með matarúthlutun og einnig pakka frá pakkajólum. Nefndin er með fataúthlutun, þar á meðal spariföt, Anna segist hins vegar ekki sérstaklega fá spariföt.jólakjóll 2Hjálpræðisherinn Á aðfangadagskvöld býður Hjálpræðisherinn upp á hátíðarmat. Hjördís Kristinsdóttir, flokksleiðtogi í Reykjavík, segir að sökum fjöldans í fyrra verði maturinn nú í Ráðhúsinu. „Við gerum ráð fyrir því að það verði ekki færri en í fyrra, en þá voru 130,“ segir Hjördís. Hjálpræðisherinn er í samstarfi við Hjálparstarf kirkjunnar með jólaúthlutanir. Hjördís segir einstaklinga leita meira til þeirra, en fjölskyldufólkið leiti frekar til Hjálparstarfsins. Hjálpræðisherinn útbýr einnig jólapakka fyrir fanga. Jólasöfnun Hjálpræðishersins hefst á morgun og fer peningurinn sem safnast í þessi verkefni. Flóttamenn Jól Mest lesið Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Innlent „Tilraun Hezbollah til að ráða mig og konu mína af dögum voru stór mistök“ Erlent Sautján ára piltur lést í brunanum á Stuðlum Innlent Kosningavaktin: Íslendingar ganga að kjörborðinu Innlent „Ég hef alltaf haft augun á þessu“ Innlent Lýsir stjórnlausum rasisma: „Hvort verður það líkamlegt ofbeldi eða svívirðingar?“ Innlent Vill leiða Miðflokkinn í Suðurkjördæmi Innlent Samkeppni á íslenskum frjósemismarkaði í fyrsta sinn Innlent „Hann tók algjörlega völdin yfir lífi mínu“ Innlent Eldur í skorsteini í Mávahlíð Innlent Fleiri fréttir Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Vill leiða Miðflokkinn í Suðurkjördæmi Samkeppni á íslenskum frjósemismarkaði í fyrsta sinn Eldur í skorsteini í Mávahlíð Þórólfur ætlar ekki fram Lýsir stjórnlausum rasisma: „Hvort verður það líkamlegt ofbeldi eða svívirðingar?“ „Ég hef alltaf haft augun á þessu“ Í gæsluvarðhald vegna alvarlegrar líkamsárásar á Vopnafirði Búin að biðja Jón afsökunar Stjórnlaus rasismi og spenna í Kraganum Sautján ára piltur lést í brunanum á Stuðlum Víðir verður oddviti Samfylkingarinnar í Suðurkjördæmi Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Sjá meira
Jólapakki Þegar styttist í jólin fara hjálparsamtök að úthluta nauðsynjum til bágstaddra fjölskyldna. Meðal þess sem samtökin úthluta eru spariföt, hátíðarmatur, klipping fyrir jólin og pakkar. Ekki er búist við minni eftirspurn eftir aðstoð fyrir jólin í ár.Hjálparstarf kirkjunnar Bjarni Gíslason, framkvæmdastjóri Hjálparstarfs kirkjunnar, segir að um 1.400 umsóknir hafi borist um aðstoð í fyrra og eigi hann ekki von á öðru en að svipaður fjöldi berist í ár, eða færri þar sem atvinnuleysi hefur minnkað. „En það er ákveðinn hópur sem hefur verið hjá okkur ár eftir ár, einstæðar mæður og öryrkjar eru þar stórir hópar sem virðast oft þurfa að koma til okkar,“ segir Bjarni. Tekið verður á móti umsóknum í dag og næstu daga. Úthlutað er inneignarkortum í matvöruverslunum. „Fólk þarf að sækja um hjá okkur og koma með gögn um tekjur og gjöld síðustu mánaða. Við skoðum hverja umsókn og reiknum út hvort fólk sé undir ákveðnum mörkum til þess að þeir sem þurfi mest á að halda fái stuðninginn,“ segir Bjarni. Hjálparstarf kirkjunnar fær ásamt öðrum sem standa að hjálparstarfi pakka úr pakkajólum Kringlunnar og Smáralind. Bjarni segir mjög marga sem fá kortin einnig þiggja gjafirnar. Auk þess bjóðast smáhlutir í skóinn sem eru gjafir frá fyrirtækjum. Hjálparstarf kirkjunnar er með fataúthlutun og biður um jólaföt og fín föt í aðdraganda jólanna. „En það er bara ákveðinn hópur sem nýtir sér það líka og fær kannski föt fyrir börnin fyrir jólin,“ segir Bjarni.Fjölskylduhjálp Íslands „Þetta ár er búið að vera rosalega erfitt, við verðum líklega með 33 þúsund matargjafir á árinu. Við erum ekki ríkisrekin og við fáum ótrúlega litla styrki. Þetta hefur þyngst verulega undanfarin ár,“ segir Ásgerður Jóna Flosadóttir, formaður Fjölskylduhjálpar Íslands. „Í fyrra beindum við hælisleitendum, flóttafólki, fólki með dvalarleyfi og fólki nýkomnu með atvinnuleyfi til Rauða krossins vegna þess að Útlendingastofnun hefur gert samning við Rauða krossinn. Við vorum komin svo langt út fyrir það sem við gátum gert að við þurftum að vísa því frá,“ segir Ásgerður sem býst við gríðarlegum fjölda umsókna. „En við munum á ákveðnum tíma segja stopp. Við þurfum að sjá hvað við getum keypt mikið kjöt og annað sem við þurfum að kaupa, og við getum ekki steypt okkur í skuldir. Það fer því eftir því hvað við fáum inn á reikninginn hvað við getum sinnt mörgum.“ Ásgerður telur eftirspurnina ekki munu minnka milli ára. „Þetta mun ekki dragast saman nema við forstöðufólkið drögum þetta saman.“ Fjölskylduhjálpin býður matargjafir, pakka og einnig klippingu fyrir jólin. „Við erum með klippingu fyrir alla sem þurfa meðan hárgreiðslukonurnar anna því,“ segir Ásgerður. Mæðrastyrksnefnd Sækja mátti um úthlutun úr Mæðrastyrksnefnd fram að 30. nóvember. Anna H. Pétursdóttir, formaður Mæðrastyrksnefndar, segist eiga von á svipuðum fjölda úthlutana og í fyrra. Mæðrastyrksnefnd er með matarúthlutun og einnig pakka frá pakkajólum. Nefndin er með fataúthlutun, þar á meðal spariföt, Anna segist hins vegar ekki sérstaklega fá spariföt.jólakjóll 2Hjálpræðisherinn Á aðfangadagskvöld býður Hjálpræðisherinn upp á hátíðarmat. Hjördís Kristinsdóttir, flokksleiðtogi í Reykjavík, segir að sökum fjöldans í fyrra verði maturinn nú í Ráðhúsinu. „Við gerum ráð fyrir því að það verði ekki færri en í fyrra, en þá voru 130,“ segir Hjördís. Hjálpræðisherinn er í samstarfi við Hjálparstarf kirkjunnar með jólaúthlutanir. Hjördís segir einstaklinga leita meira til þeirra, en fjölskyldufólkið leiti frekar til Hjálparstarfsins. Hjálpræðisherinn útbýr einnig jólapakka fyrir fanga. Jólasöfnun Hjálpræðishersins hefst á morgun og fer peningurinn sem safnast í þessi verkefni.
Flóttamenn Jól Mest lesið Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Innlent „Tilraun Hezbollah til að ráða mig og konu mína af dögum voru stór mistök“ Erlent Sautján ára piltur lést í brunanum á Stuðlum Innlent Kosningavaktin: Íslendingar ganga að kjörborðinu Innlent „Ég hef alltaf haft augun á þessu“ Innlent Lýsir stjórnlausum rasisma: „Hvort verður það líkamlegt ofbeldi eða svívirðingar?“ Innlent Vill leiða Miðflokkinn í Suðurkjördæmi Innlent Samkeppni á íslenskum frjósemismarkaði í fyrsta sinn Innlent „Hann tók algjörlega völdin yfir lífi mínu“ Innlent Eldur í skorsteini í Mávahlíð Innlent Fleiri fréttir Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Vill leiða Miðflokkinn í Suðurkjördæmi Samkeppni á íslenskum frjósemismarkaði í fyrsta sinn Eldur í skorsteini í Mávahlíð Þórólfur ætlar ekki fram Lýsir stjórnlausum rasisma: „Hvort verður það líkamlegt ofbeldi eða svívirðingar?“ „Ég hef alltaf haft augun á þessu“ Í gæsluvarðhald vegna alvarlegrar líkamsárásar á Vopnafirði Búin að biðja Jón afsökunar Stjórnlaus rasismi og spenna í Kraganum Sautján ára piltur lést í brunanum á Stuðlum Víðir verður oddviti Samfylkingarinnar í Suðurkjördæmi Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Sjá meira
Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Innlent
Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar
Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Innlent