Fundu fimm stjörnu sólkerfi

Vísindamenn hafa fundið sólkerfi sem hefur fimm stjörnur. Það er annað slíka sólkerfið sem finnst í alheiminum og er það í um 250 ljósára fjarlægð. Í sólkerfinu, sem hefur fengið hið einfalda nafn „1SWASP J093010.78+533859.5“, eru tvö tvístirni og ein stök stjarna sem snýst um annað tvístirnið.

Þegar um tvístirni eru að ræða eru tvær stjörnur á braut um hvora aðra.

Stjörnurnar fimm snúast um sameiginlega miðjupunkt, en þrátt fyrir það er lengra á milli þeirra en sólarinnar og Plútó.

Fundur sólkerfisins var kynntur á ráðstefnu nýverið og einnig voru niðurstöður rannsóknarinnar birtar í Astronomy & Astrophysics. Sólkerfið fannst í stjörnumerkinu Stóra-Birni og voru það vísindamenn sem vinna að SuperWASP verkefninu sem fundu það.

Samkvæmt einum af höfundum rannsóknarinnar snúast stjörnurnar í öðru tvístirninu svo nálægt hvorri annarri að þær deila ytra gufuhvolfi. Það tvístirni er hið eina slíka sem hefur fundist í alheiminum.

„Þetta stjörnukerfi er sannarlega framandi. Tæknilega séð er ekki nokkur ástæða fyrir því að plánetur geti verið á sporbaug um stjörnurnar. Ef líf er í sólkerfinu horfa þau á himin sem kastar rýrð á framleiðendur Star Wars,“ segir Markus Lohr.