Segist hafa verið niðurlægð og augljóst að Ólafíu var illa við sig Birgir Olgeirsson skrifar 10. apríl 2015 10:45 Sara Lind Guðbergsdóttir og Stefán Einar Stefánsson. Vísir Sara Lind Guðbergsdóttir krefur VR um tvær milljónir króna í skaðabætur fyrir það sem hún vill meina að hafi verið ólögmæt uppsögn hjá stéttarfélaginu VR. Þá vill hún einnig bætur fyrir einelti sem hún segist hafa verið beitt á meðan hún starfaði fyrir VR. Aðalmeðferð í málinu fer fram í dag. Sara Lind var ráðin til VR í apríl árið 2012 en henni var sagt upp í júní 2013 vegna skipulagsbreytinga. Hún er nú gift Stefáni Einari Stefánssyni, fyrrverandi formanni VR. Sara Lind gaf fyrst skýrslu fyrir dómi en hún sagðist hafa verið ráðin til starfa sem deildarstjóri ráðgjafadeildar VR og sagðist hafa séð um málefni atvinnuleitenda hjá félaginu, starfsendurhæfingarráðgjöf sem félagið veitt ásamt því að taka þátt í kjarasamningum ásamt formanni og stjórn félagsins. Rekin níu vikum eftir að Ólafía tók við formennsku Sara Lind greindi frá því að hún hefði verið rekin frá félaginu níu vikum eftir að Ólafía Rafnsdóttir tók við sem formaður VR í apríl árið 2013 og var hún beðin um að lýsa samskiptum sínum við formanninn. „Það er ástæðan fyrir því að við erum hér að það samstarf var því miður ekki eins og ég hefði á kosið og sérstaklega út frá mínum starfskyldum,” sagði Sara Lind fyrir dómi í dag. Hún sagðist hafa óskað eftir fundi með formanninum til að fara yfir þau brýnu málefni sem lágu fyrir. „Eftir nokkra daga hafði ég ekki fengið neitt svar og óskaði eftir formlegri beiðni um fund í tölvupósti en fékk því miður ekki neitt svar. Þetta var upphafið að þeirri hunsun sem ég varð fyrir. Bæði óskaði ég ítrekað eftir fundum til að fara yfir einstök mál,” sagði Sara og sagðist hafa fengið snubbótt svör.Fékk engan fund „Þrátt fyrir að ég hefði ítrekað óskað eftir því að ræða við hana og framkvæmdastjóri félagsins hefði óskað eftir því þá varð því miður ekkert úr því,” sagði Sara og greindi frá því að hún hefði ekki verið boðuð á þá fundi sem snéru að kjaramálum og þrátt fyrir að framkvæmdastjóri hefði óskað eftir því að hún væri viðstödd þá. „Þannig að frumkvæðið að því að hafa samband var því miður ekki til staðar þrátt fyrir ítrekaðar ábendingar þar um.“ Hún sagði formanninn hafa kosið að taka undirmann sinn með sér á þessa fundi og eiga samskipti við hann um kjaramál. „Ég var ekki upplýst um marga af þessum fundum. Ég hafði fengið vitneskju eftir á að þessir fundir væru í farvatninu eða haldnir og get ekki fullyrt að þeir væru fleiri. Vitandi hvernig skipurritið liggur og þrátt fyrir ítrekaðar beiðnir þá hunsaði formaður þessa beiðni og tók undirmann með sér á þessa fundi. “ Hún sagðist hafa upplifað þessa framkomu sem lítilsvirðingu.Ólafía B. Rafnsdóttir.Upplifði lítilsvirðingu „Mér leið eðlilega ekki vel. Þetta er ekki til þess fallið að ýta undir þá stöðu sem ég hafði innan félagsins. Mér fannst þetta fela í sér ótrúlega miklar lítilsvirðingu og eins og hún hafi lagt sig fram um að grafa undan mér og minni stöðu innan félagsins,” sagði Sara og nefndi sem dæmi að formanninum hefði borið að boða hana á fundi hjá ASí. „Mér fannst þetta ótrúlega miki niðurlæging og erfitt að rifja þetta upp. “ Hún segist hafa reynt að taka þessu uppbyggilega og reyndi að koma því á framfæri við formanninn hversu mikilvægt það væri að þau væru sameinuð út á við. „Þrátt fyrir tvær beiðnir var það hunsað.” Hún sagði það hafa verið missi fyrir félagið að sér hefði verið sagt upp og algjörlega þarft því hún hefði verið eini löglærði starfsmaður félagsins. Hún lýsti vanlíðan sinni sem fylgdi uppsögninni. „Mér leið ekki vel. Mér leið í fullri hreinskilni alveg gríðarlega illa. Það hjálpaði ekki til þegar félagið tók upp á því að tilkynna að mér hefði verið sagt upp. Ég veit ekki að það sé gert nokkru staðar,” sagði Sara Lind og sagðist ekki vita til þess að félög eða fyrirtæki sendi fréttatilkynningu á fjölmiðla þar sem uppsögn starfsmanna er tilkynnt. „Það jók gríðarlega á mina vanlíðan þrátt fyrir vitnisburði stjórnarmanna og samstarfsmanna að vera hæfur starfsmaður. Mér leið mjög illa eftir þetta og átti lengi vel erfitt með að keyra framhjá VR. Það vakti mér gríðarlegan kvíða og gat ekki farið inn á VR til að sækja þar þjónustu sem félagsmaður þetta hafði gríðarlega mikil áhrif á sjálfsmynd mina ég skyldi ekki af hverju einstaklingi sem stendur sig vel í vinnu sé sagt upp á grundvelli skipulagsbreytinga því verkefnin fóru ekki neitt. Þau voru enn innanhúss færð undir starfsmenn sem ekki höfðu sérfræðing þekkingu sem ég bjó yfir mér fannst þetta grafa undan trúverðugleika að vera svona lítilsvirt,” sagði Sara. Hún sagðist hafa leitað sér aðstoðar geðlæknis til að koma sér í gegnum þennan tíma.Sagði augljóst að Ólafíu væri illa við hana Hún lýsti því síðan hvernig atvinnuleit hefði gengið eftir að henni var sagt upp hjá VR. „Það er skemmst frá því að segja að það gekk mjög brösulega,” sagði Sara og lýsti því hvernig framkvæmdastjóri Starfs hefði tilkynnt heni að Gylfi Arnbjörnsson, formaður Alþýðusambands Íslands, hefði sagt honum að það væri ekki ráðlegt að ráða hana í vinnu því það mætti ekki rugga bátnum hjá VR. Hún sagðist hafa fengið sömu viðbrögð frá Ragnari Árnasyni, hjá Samtökum atvinnulífsins og segir hún hann hafa greint henni frá því að það væri augljóst að Ólafíu Rafnsdóttur, formanni VR, væri augljóslega illa við hana. Hún sagði að hún hefði ekki fengið tækifæri á vinnumarkaði fyrr en ári síðar eftir að hafa greint frá sinni hlið málsins í viðtali við starfsmann Capacent.Óskaði eftir að sitja fund en komst svo ekki Lögmaður Ólafíu Rafnsdóttur rétti því næst fram tölvupóst og spurði hvort Sara Lind kannaðist við hann. Hún gekkst við því en í þessum tölvupósti er Sara að óska eftir því að fá að taka þátt á fundi um kjaramál sem Ólafía átti við undirmann Söru Lindar. Hún sagðist hafa verið í þeirri ómögulegu stöðu að óska eftir því að fá að sitja þennan fund og hún hefði fengið þau svör til baka að henni sé velkomið að taka þátt ef hún hefði tíma til þess. Sara Lind sagðist hafa sent svar til baka þess efnis að hún væri upptekin á öðrum fundi en sagðist hafa ítrekað að hún vildi komast betur inn í þessi kjaramál. Hún sagði að lesa yrði þennan póst undir þeim formerkjum að hún hafi verið að reyna að vera kurteis við formanninn. Hún sagði að ekki vera til vitnis um að hún hefði ekki þekkingu á kjaramálum þegar hún sagðist vilja komast betur inn í þau. Þetta hefði verið kurteisisleg beiðni.Taldi dyrnar ávallt standa opnar Ólafía Rafnsdóttir gaf því næst skýrslu fyrir dómi og sagði að hún hefði boðað í formannskjörinu að kjaramál félagsins væru hjarta þess og hún vildi lyfta þeim upp. Öll sú þjónusta sem félagið veitir væri byggð á kjaramálum og taldi hún það eina af aðalástæðunum fyrir því að hún var kjörin að hún boðaði að gera breytingar á skipulagi félagsins. Hún sagðist hafa nýtt sér tímann þegar hún var í þann mund að hefja störf á skrifstofu félagsins að kynna sér það vel og leitaði þess vegna til þeirra sem höfðu yfirburða þekkingu á starfsemi þess og kjaramálum. Hún sagðist þess vegna hafa leitað til undirmanns Söru Lindar sem hefði haft 25 ára reynslu af kjaramálum. „Mér fannst það bara eðlilegt og við hæfi að afla mér upplýsinga hjá þeim sem hafði yfirburðaþekkingu.” Hún sagðist alltaf sem stjórnandi hafa starfað undir þeim formerkjum að dyrnar á hennar skrifstofu stæðu ávallt opnar og sagði Söru Lind ekki hafa nýtt sér það. Hún sagði að ekki þyrfti að biðja með formlegum hætti um fund með formanni og sagði starfsmenn geta rætt við hana hvenær sem er svo lengi sem hún væri á skrifstofunni. Þegar hún var spurð út í þá ásökun Söru Lindar að Ólafía hefði sem formaður reynt að grafa undan Söru Lind svaraði Ólafía því að það hefði komið henni á óvart. „Ég er svolítið gáttuð á því að heyra það því það var aldrei í mínum huga.” Mest lesið „Hún var hjartahlýjasta og saklausasta mannveran“ Innlent Hnífi beitt á bæjarhátíðinni Í túninu heima Innlent Sex gíslar fundust látnir Erlent „Þýðir ekkert að keyra og bíða þangað til það eru fimm prósent eftir af rafhlöðunni“ Innlent Slysið hörmulega muni ekki hafa áhrif á vopnasendingar Erlent Rafmagnslaust í Hafnarfirði, Álftanesi og Garðabæ Innlent Blendnar tilfinningar fyrir langþráð ferðalag Innlent Tveir stungnir í gistiskýlinu Granda Innlent Guðlaugur Þór miður sín vegna hraðaksturs Innlent Treystir sér til formennsku ef Bjarni hættir Innlent Fleiri fréttir Blendnar tilfinningar fyrir langþráð ferðalag Störf umboðsmanns, Sjálfstæðisflokkur og menntakerfið Rafmagnslaust í Hafnarfirði, Álftanesi og Garðabæ Hnífi beitt á bæjarhátíðinni Í túninu heima „Hún var hjartahlýjasta og saklausasta mannveran“ Smelltu Kristrúnu í hitasætið og kalla eftir aðgerðum Treystir sér til formennsku ef Bjarni hættir „Þýðir ekkert að keyra og bíða þangað til það eru fimm prósent eftir af rafhlöðunni“ 15 fatlaðir starfsmenn hættir á Múlalundi Bjarni íhugar stöðu sína og ævintýraheimur í Hafnarfirði Tveir stungnir í gistiskýlinu Granda Sósíalistar næðu manni inn Guðlaugur Þór miður sín vegna hraðaksturs „Við snúum bökum saman og náum tökum á stöðunni“ Fyrsti Hjallastefnuleikskólinn á Selfossi Of snemmt að segja til um landris Stúlkan er látin Þegar við tölum um íslenskt flugævintýri þá er það í dag Bein útsending: Flokksráðsfundur Sjálfstæðisflokksins Blæs á gagnrýni á bjartari Friðarsúlu Skynsamlegast fyrir stjórnarflokkana að segja satt um samstarfið Íslensk kona ákærð fyrir fíkniefnainnflutning í Færeyjum Sjálfstæðismenn funda í skugga fylgishruns og umdeildar viðgerðir á Friðarsúlunni Handtóku tvo unga menn eftir að upptökur voru skoðaðar Margfölduð áhrif þegar gasmengun og svifryk blandast „Löggan er ekki að fara að labba í gegnum Garðabæ og leita á ungmennum“ Segir algengan misskilning að læknar séu hátekjustétt Þrjár skriður féllu á Barðaströnd Náðu líkamsárás á myndband Dagarnir miklu fleiri hjá Davíð og Ingibjörgu Sjá meira
Sara Lind Guðbergsdóttir krefur VR um tvær milljónir króna í skaðabætur fyrir það sem hún vill meina að hafi verið ólögmæt uppsögn hjá stéttarfélaginu VR. Þá vill hún einnig bætur fyrir einelti sem hún segist hafa verið beitt á meðan hún starfaði fyrir VR. Aðalmeðferð í málinu fer fram í dag. Sara Lind var ráðin til VR í apríl árið 2012 en henni var sagt upp í júní 2013 vegna skipulagsbreytinga. Hún er nú gift Stefáni Einari Stefánssyni, fyrrverandi formanni VR. Sara Lind gaf fyrst skýrslu fyrir dómi en hún sagðist hafa verið ráðin til starfa sem deildarstjóri ráðgjafadeildar VR og sagðist hafa séð um málefni atvinnuleitenda hjá félaginu, starfsendurhæfingarráðgjöf sem félagið veitt ásamt því að taka þátt í kjarasamningum ásamt formanni og stjórn félagsins. Rekin níu vikum eftir að Ólafía tók við formennsku Sara Lind greindi frá því að hún hefði verið rekin frá félaginu níu vikum eftir að Ólafía Rafnsdóttir tók við sem formaður VR í apríl árið 2013 og var hún beðin um að lýsa samskiptum sínum við formanninn. „Það er ástæðan fyrir því að við erum hér að það samstarf var því miður ekki eins og ég hefði á kosið og sérstaklega út frá mínum starfskyldum,” sagði Sara Lind fyrir dómi í dag. Hún sagðist hafa óskað eftir fundi með formanninum til að fara yfir þau brýnu málefni sem lágu fyrir. „Eftir nokkra daga hafði ég ekki fengið neitt svar og óskaði eftir formlegri beiðni um fund í tölvupósti en fékk því miður ekki neitt svar. Þetta var upphafið að þeirri hunsun sem ég varð fyrir. Bæði óskaði ég ítrekað eftir fundum til að fara yfir einstök mál,” sagði Sara og sagðist hafa fengið snubbótt svör.Fékk engan fund „Þrátt fyrir að ég hefði ítrekað óskað eftir því að ræða við hana og framkvæmdastjóri félagsins hefði óskað eftir því þá varð því miður ekkert úr því,” sagði Sara og greindi frá því að hún hefði ekki verið boðuð á þá fundi sem snéru að kjaramálum og þrátt fyrir að framkvæmdastjóri hefði óskað eftir því að hún væri viðstödd þá. „Þannig að frumkvæðið að því að hafa samband var því miður ekki til staðar þrátt fyrir ítrekaðar ábendingar þar um.“ Hún sagði formanninn hafa kosið að taka undirmann sinn með sér á þessa fundi og eiga samskipti við hann um kjaramál. „Ég var ekki upplýst um marga af þessum fundum. Ég hafði fengið vitneskju eftir á að þessir fundir væru í farvatninu eða haldnir og get ekki fullyrt að þeir væru fleiri. Vitandi hvernig skipurritið liggur og þrátt fyrir ítrekaðar beiðnir þá hunsaði formaður þessa beiðni og tók undirmann með sér á þessa fundi. “ Hún sagðist hafa upplifað þessa framkomu sem lítilsvirðingu.Ólafía B. Rafnsdóttir.Upplifði lítilsvirðingu „Mér leið eðlilega ekki vel. Þetta er ekki til þess fallið að ýta undir þá stöðu sem ég hafði innan félagsins. Mér fannst þetta fela í sér ótrúlega miklar lítilsvirðingu og eins og hún hafi lagt sig fram um að grafa undan mér og minni stöðu innan félagsins,” sagði Sara og nefndi sem dæmi að formanninum hefði borið að boða hana á fundi hjá ASí. „Mér fannst þetta ótrúlega miki niðurlæging og erfitt að rifja þetta upp. “ Hún segist hafa reynt að taka þessu uppbyggilega og reyndi að koma því á framfæri við formanninn hversu mikilvægt það væri að þau væru sameinuð út á við. „Þrátt fyrir tvær beiðnir var það hunsað.” Hún sagði það hafa verið missi fyrir félagið að sér hefði verið sagt upp og algjörlega þarft því hún hefði verið eini löglærði starfsmaður félagsins. Hún lýsti vanlíðan sinni sem fylgdi uppsögninni. „Mér leið ekki vel. Mér leið í fullri hreinskilni alveg gríðarlega illa. Það hjálpaði ekki til þegar félagið tók upp á því að tilkynna að mér hefði verið sagt upp. Ég veit ekki að það sé gert nokkru staðar,” sagði Sara Lind og sagðist ekki vita til þess að félög eða fyrirtæki sendi fréttatilkynningu á fjölmiðla þar sem uppsögn starfsmanna er tilkynnt. „Það jók gríðarlega á mina vanlíðan þrátt fyrir vitnisburði stjórnarmanna og samstarfsmanna að vera hæfur starfsmaður. Mér leið mjög illa eftir þetta og átti lengi vel erfitt með að keyra framhjá VR. Það vakti mér gríðarlegan kvíða og gat ekki farið inn á VR til að sækja þar þjónustu sem félagsmaður þetta hafði gríðarlega mikil áhrif á sjálfsmynd mina ég skyldi ekki af hverju einstaklingi sem stendur sig vel í vinnu sé sagt upp á grundvelli skipulagsbreytinga því verkefnin fóru ekki neitt. Þau voru enn innanhúss færð undir starfsmenn sem ekki höfðu sérfræðing þekkingu sem ég bjó yfir mér fannst þetta grafa undan trúverðugleika að vera svona lítilsvirt,” sagði Sara. Hún sagðist hafa leitað sér aðstoðar geðlæknis til að koma sér í gegnum þennan tíma.Sagði augljóst að Ólafíu væri illa við hana Hún lýsti því síðan hvernig atvinnuleit hefði gengið eftir að henni var sagt upp hjá VR. „Það er skemmst frá því að segja að það gekk mjög brösulega,” sagði Sara og lýsti því hvernig framkvæmdastjóri Starfs hefði tilkynnt heni að Gylfi Arnbjörnsson, formaður Alþýðusambands Íslands, hefði sagt honum að það væri ekki ráðlegt að ráða hana í vinnu því það mætti ekki rugga bátnum hjá VR. Hún sagðist hafa fengið sömu viðbrögð frá Ragnari Árnasyni, hjá Samtökum atvinnulífsins og segir hún hann hafa greint henni frá því að það væri augljóst að Ólafíu Rafnsdóttur, formanni VR, væri augljóslega illa við hana. Hún sagði að hún hefði ekki fengið tækifæri á vinnumarkaði fyrr en ári síðar eftir að hafa greint frá sinni hlið málsins í viðtali við starfsmann Capacent.Óskaði eftir að sitja fund en komst svo ekki Lögmaður Ólafíu Rafnsdóttur rétti því næst fram tölvupóst og spurði hvort Sara Lind kannaðist við hann. Hún gekkst við því en í þessum tölvupósti er Sara að óska eftir því að fá að taka þátt á fundi um kjaramál sem Ólafía átti við undirmann Söru Lindar. Hún sagðist hafa verið í þeirri ómögulegu stöðu að óska eftir því að fá að sitja þennan fund og hún hefði fengið þau svör til baka að henni sé velkomið að taka þátt ef hún hefði tíma til þess. Sara Lind sagðist hafa sent svar til baka þess efnis að hún væri upptekin á öðrum fundi en sagðist hafa ítrekað að hún vildi komast betur inn í þessi kjaramál. Hún sagði að lesa yrði þennan póst undir þeim formerkjum að hún hafi verið að reyna að vera kurteis við formanninn. Hún sagði að ekki vera til vitnis um að hún hefði ekki þekkingu á kjaramálum þegar hún sagðist vilja komast betur inn í þau. Þetta hefði verið kurteisisleg beiðni.Taldi dyrnar ávallt standa opnar Ólafía Rafnsdóttir gaf því næst skýrslu fyrir dómi og sagði að hún hefði boðað í formannskjörinu að kjaramál félagsins væru hjarta þess og hún vildi lyfta þeim upp. Öll sú þjónusta sem félagið veitir væri byggð á kjaramálum og taldi hún það eina af aðalástæðunum fyrir því að hún var kjörin að hún boðaði að gera breytingar á skipulagi félagsins. Hún sagðist hafa nýtt sér tímann þegar hún var í þann mund að hefja störf á skrifstofu félagsins að kynna sér það vel og leitaði þess vegna til þeirra sem höfðu yfirburða þekkingu á starfsemi þess og kjaramálum. Hún sagðist þess vegna hafa leitað til undirmanns Söru Lindar sem hefði haft 25 ára reynslu af kjaramálum. „Mér fannst það bara eðlilegt og við hæfi að afla mér upplýsinga hjá þeim sem hafði yfirburðaþekkingu.” Hún sagðist alltaf sem stjórnandi hafa starfað undir þeim formerkjum að dyrnar á hennar skrifstofu stæðu ávallt opnar og sagði Söru Lind ekki hafa nýtt sér það. Hún sagði að ekki þyrfti að biðja með formlegum hætti um fund með formanni og sagði starfsmenn geta rætt við hana hvenær sem er svo lengi sem hún væri á skrifstofunni. Þegar hún var spurð út í þá ásökun Söru Lindar að Ólafía hefði sem formaður reynt að grafa undan Söru Lind svaraði Ólafía því að það hefði komið henni á óvart. „Ég er svolítið gáttuð á því að heyra það því það var aldrei í mínum huga.”
Mest lesið „Hún var hjartahlýjasta og saklausasta mannveran“ Innlent Hnífi beitt á bæjarhátíðinni Í túninu heima Innlent Sex gíslar fundust látnir Erlent „Þýðir ekkert að keyra og bíða þangað til það eru fimm prósent eftir af rafhlöðunni“ Innlent Slysið hörmulega muni ekki hafa áhrif á vopnasendingar Erlent Rafmagnslaust í Hafnarfirði, Álftanesi og Garðabæ Innlent Blendnar tilfinningar fyrir langþráð ferðalag Innlent Tveir stungnir í gistiskýlinu Granda Innlent Guðlaugur Þór miður sín vegna hraðaksturs Innlent Treystir sér til formennsku ef Bjarni hættir Innlent Fleiri fréttir Blendnar tilfinningar fyrir langþráð ferðalag Störf umboðsmanns, Sjálfstæðisflokkur og menntakerfið Rafmagnslaust í Hafnarfirði, Álftanesi og Garðabæ Hnífi beitt á bæjarhátíðinni Í túninu heima „Hún var hjartahlýjasta og saklausasta mannveran“ Smelltu Kristrúnu í hitasætið og kalla eftir aðgerðum Treystir sér til formennsku ef Bjarni hættir „Þýðir ekkert að keyra og bíða þangað til það eru fimm prósent eftir af rafhlöðunni“ 15 fatlaðir starfsmenn hættir á Múlalundi Bjarni íhugar stöðu sína og ævintýraheimur í Hafnarfirði Tveir stungnir í gistiskýlinu Granda Sósíalistar næðu manni inn Guðlaugur Þór miður sín vegna hraðaksturs „Við snúum bökum saman og náum tökum á stöðunni“ Fyrsti Hjallastefnuleikskólinn á Selfossi Of snemmt að segja til um landris Stúlkan er látin Þegar við tölum um íslenskt flugævintýri þá er það í dag Bein útsending: Flokksráðsfundur Sjálfstæðisflokksins Blæs á gagnrýni á bjartari Friðarsúlu Skynsamlegast fyrir stjórnarflokkana að segja satt um samstarfið Íslensk kona ákærð fyrir fíkniefnainnflutning í Færeyjum Sjálfstæðismenn funda í skugga fylgishruns og umdeildar viðgerðir á Friðarsúlunni Handtóku tvo unga menn eftir að upptökur voru skoðaðar Margfölduð áhrif þegar gasmengun og svifryk blandast „Löggan er ekki að fara að labba í gegnum Garðabæ og leita á ungmennum“ Segir algengan misskilning að læknar séu hátekjustétt Þrjár skriður féllu á Barðaströnd Náðu líkamsárás á myndband Dagarnir miklu fleiri hjá Davíð og Ingibjörgu Sjá meira