Upplifa eitthvað nýtt og spennandi Magnús Guðmundsson skrifar 17. mars 2015 10:30 Opnunarmynd hátíðarinnar er Antboy og rauða refsinornin og hún er talsett á íslensku. Fyrri myndin um Antboy var sýnd á síðustu hátíð og naut þá gríðarlegra vinsælda. Alþjóðlega barnakvikmyndahátíðin í Reykjavík hefst á miðvikudaginn og stendur til 29. mars næstkomandi. Þetta er í þriðja sinn sem efnt er til þessarar skemmtilegu hátíðar sem hefur farið ört vaxandi. „Þetta verður stærsta hátíðin til þessa,“ segir Helga Bryndís Ernudóttir. „Við eigum von á flottum erlendum gestum í fyrsta skipti á þessa hátíð, verðum með fjölda spennandi viðburða og svo komum við að sjálfsögðu til með að sýna margar skemmtilegar kvikmyndir. Opnunarmynd hátíðarinnar í fyrra var hin stórskemmtilega Antboy og nú fylgjum við henni eftir með framhaldsmyndinni Antboy: Rauða refsinornin sem er opnunarmyndin í ár. Leikstjóri Antboy-myndanna, Ask Hasselbalch, mun opna hátíðina formlega ásamt Vigdísi Finnbogadóttur, verndara hátíðarinnar, og forseta borgarstjórnar, Sóleyju Tómasdóttur.“ Helga Bryndís segir að meginmarkmiðið með því að halda svona hátíð sé að auka kvikmyndalæsi barna og gefa þeim færi á því að sjá myndir sem eru utan þess almenna efnis sem er í boði í öðrum kvikmyndahúsum. „Hér gefst börnum, unglingum og foreldrum því tækifæri til þess að sjá og upplifa eitthvað nýtt og spennandi, sem við teljum að eigi erindi til okkar allra,“ segir hún. „Það verða sýndar myndir víða að úr heiminum og líka sígildar íslenskar barnamyndir. Næsta kynslóð kvikmyndagerðarmanna og kvikmyndaunnenda mun einnig fá tækifæri til að kynnast því hvernig kvikmyndir og teiknimyndir verða til, fara á leiklistarnámskeið fyrir kvikmyndaleik og margt fleira skemmtilegt. Miðaverð á myndirnar er 1.000 krónur en svo er frítt á viðburðina og um að gera að koma og vera með. Þema hátíðarinnar í ár er friður og endurspegla margar myndanna það mikilvæga málefni. Börn og unglingar munu því fá að að kynnast hugmyndafræði eins og fjölmenningu, kynvitund, líkamsvirðingu, sköpun og gagnrýninni hugsun. Eins og á síðasta ári verðum við svo með áhorfendaverðlaun þar sem gestirnir velja sína uppáhaldsmynd. Myndin sem fær þessi verðlaun fer svo í sýningarferð um landið, fer nánar tiltekið á sex staði þar sem er ekki kvikmyndahús á staðnum, og þannig gefst krökkunum þar færi á að koma í bíó í sinni heimasveit.“ Bíó og sjónvarp Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Fundu ástina á ný eftir skilnað Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Alþjóðlega barnakvikmyndahátíðin í Reykjavík hefst á miðvikudaginn og stendur til 29. mars næstkomandi. Þetta er í þriðja sinn sem efnt er til þessarar skemmtilegu hátíðar sem hefur farið ört vaxandi. „Þetta verður stærsta hátíðin til þessa,“ segir Helga Bryndís Ernudóttir. „Við eigum von á flottum erlendum gestum í fyrsta skipti á þessa hátíð, verðum með fjölda spennandi viðburða og svo komum við að sjálfsögðu til með að sýna margar skemmtilegar kvikmyndir. Opnunarmynd hátíðarinnar í fyrra var hin stórskemmtilega Antboy og nú fylgjum við henni eftir með framhaldsmyndinni Antboy: Rauða refsinornin sem er opnunarmyndin í ár. Leikstjóri Antboy-myndanna, Ask Hasselbalch, mun opna hátíðina formlega ásamt Vigdísi Finnbogadóttur, verndara hátíðarinnar, og forseta borgarstjórnar, Sóleyju Tómasdóttur.“ Helga Bryndís segir að meginmarkmiðið með því að halda svona hátíð sé að auka kvikmyndalæsi barna og gefa þeim færi á því að sjá myndir sem eru utan þess almenna efnis sem er í boði í öðrum kvikmyndahúsum. „Hér gefst börnum, unglingum og foreldrum því tækifæri til þess að sjá og upplifa eitthvað nýtt og spennandi, sem við teljum að eigi erindi til okkar allra,“ segir hún. „Það verða sýndar myndir víða að úr heiminum og líka sígildar íslenskar barnamyndir. Næsta kynslóð kvikmyndagerðarmanna og kvikmyndaunnenda mun einnig fá tækifæri til að kynnast því hvernig kvikmyndir og teiknimyndir verða til, fara á leiklistarnámskeið fyrir kvikmyndaleik og margt fleira skemmtilegt. Miðaverð á myndirnar er 1.000 krónur en svo er frítt á viðburðina og um að gera að koma og vera með. Þema hátíðarinnar í ár er friður og endurspegla margar myndanna það mikilvæga málefni. Börn og unglingar munu því fá að að kynnast hugmyndafræði eins og fjölmenningu, kynvitund, líkamsvirðingu, sköpun og gagnrýninni hugsun. Eins og á síðasta ári verðum við svo með áhorfendaverðlaun þar sem gestirnir velja sína uppáhaldsmynd. Myndin sem fær þessi verðlaun fer svo í sýningarferð um landið, fer nánar tiltekið á sex staði þar sem er ekki kvikmyndahús á staðnum, og þannig gefst krökkunum þar færi á að koma í bíó í sinni heimasveit.“
Bíó og sjónvarp Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Fundu ástina á ný eftir skilnað Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira