Grikkir fresta greiðslu til Alþjóðagjaldeyrissjóðsins

Fulltrúar grískra stjórnvalda hafa greint Alþjóðagjaldeyrissjóðnum frá því að Grikkir munu fresta endurgreiðslu á 300 milljóna evra láni til sjóðsins, um 44 milljarða króna.

Í frétt BBC segir að Grikkir hyggist endurgreiða allar fjórar greiðslurnar sem til stendur að endurgreiða til lánadrottna í júní á sama tíma.

Alexis Tsipras, forsætisráðherra Grikklands, vinnur nú að því að ná samkomulagi við lánadrottna áður en sjóðir Grikkja tæmast.