Hjálparhönd: "Ég á enga minningu þar sem pabbi var ekki ógn“ Sunna Karen Sigurþórsdóttir skrifar 30. september 2015 16:07 Thelma Ásdísardóttir hefur nær helgað líf sitt baráttunni gegn ofbeldi. Hún stofnaði samtökin Drekaslóð fyrir um fimm árum síðan, eftir að hafa sagt frá grimmilegu ofbeldi í æsku, í bókinni Myndin af pabba. Thelma er þekkt sem einstök baráttukona sem réttir öllum þeim sem þurfa hjálparhönd. Thelma sagði sögu sína í þættinum Hjálparhönd sem sýndur var á Stöð 2 í gærkvöld, meðal annars í tilefni þess að um þessar mundir eru tíu ár liðin frá útgáfu bókarinnar. Hún segir það hafa reynst sér afar erfitt að rifja upp minningar sínar úr æsku, en er þakklát fyrir að hafa gert það. Það hafi hjálpað sér mikið og í kjölfarið hafi henni tekist að áorka meiru en hana hefði áður getað dreymt um.Thelma sagði sögu sína í bókinni Myndin af pabba - saga Thelmu eftir Gerði Kristnýju.Draumurinn um eðlilegt líf Hún ólst upp í Hafnarfirði með fimm systrum sínum. Fjölskyldan var fátæk, en móðir Thelmu var harðdugleg; vann mikið, var afar útsjónarsöm og saumaði, prjónaði og sá um allt það sem tengdist fjölskyldulífinu. Faðir Thelmu vann hins vegar ekki, var á örorkubótum, drakk mikið og neytti fíkniefna. „Faðir minn var ofbeldismaður. Hann beitti móður mína ofbeldi frá því ég man eftir mér. Ég á enga minningu þar sem pabbi var ekki ógn, nema þegar hann sat í fangelsi um tíma. Hann var í fangelsi og inni á geðdeildum. Þá voru það bara við systurnar og mamma og þá leið okkur vel. Þessi tími kannski sáði eins konar fræi um hvernig lífið gæti verið,“ segir Thelma. „Pabbi var ekki bara ofbeldismaður gagnvart mömmu heldur beitti hann okkur börnin ofbeldi líka; líkamlegu, andlegu og kannski það sem risti dýpst, kynferðislegt ofbeldi. Hann beitti mig kynferðisofbeldi frá því ég var fimm ára, sem er svona fyrsta skýra minningin sem ég á um þetta ofbeldi.“„Ef ástandið á pabba var slæmt þá vorum við lokaðar inni. Jafnvel í einhverja sólarhringa.“Seldi aðgang að börnunum Ofbeldið var þó ekki einungis af hálfu föður Thelmu. Þegar neysla hans var hvað verst seldi hann aðgang að börnunum, gegn greiðslu sem var meðal annars í formi fíkniefna. „Mamma var uppi á fæðingardeild að eiga yngstu systur mína og á meðan fer pabbi á eitthvað sukk, býður vini sínum og þá eru þeir tveir að misnota okkur.“ Þetta gerði faðir Thelmu fyrst þegar hún var fimm ára gömul, og allt frá því var kynferðisofbeldi partur af hennar tilveru. Ofbeldið einkenndi líf hennar. „Ef ástandið á pabba var slæmt þá vorum við lokaðar inni. Jafnvel í einhverja sólarhringa. Við fengum að fara fram á klósett eða að borða, en annars varð ég bara að vera hjá honum í myrkri og alls konar ógeði,“ segir hún. Allt hafi verið gert til að halda föður þeirra góðum, því annars yrði þeim refsað.Gæludýrin drepin „Hann notaði alls konar aðferðir til að brjóta mig niður. Hann til dæmis drap gæludýrin okkar og ef ég hafði staðið mig illa þá kannski var kettlingi drekkt og ég fékk að vita að það væri mín sök. Enda elska ég ketti í dag og hef alltaf átt ketti.“ Það sem Thelmu þótti hvað erfiðast var að þurfa að horfa upp á fólkið í kringum sig líða illa. „Ég var mjög ung þegar ég reyndi að fá föður minn til að ráðast á mig frekar en mömmu, því mér fannst algjörlega hræðilegt að horfa upp á hann ráðast á mömmu, þannig að ég reyndi að ýta á einhvern takka til að stuða hann.“„Hann til dæmis drap gæludýrin okkar og ef ég hafði staðið mig illa þá kannski var kettlingi drekkt og ég fékk að vita að það væri mín sök.“mynd/myndin af pabbaLifir hvorki í sorg né reiði Thelma hefur ákveðið að lifa ekki í reiði. Hún segist aldrei munu fyrirgefa föður sínum glæpina, en er sátt við hann sem persónu í dag. „Hann kvaldist klárlega yfir því sem hann var að gera, en ekki nóg til að hætta því. Ég hugsaði bara með mér, ég ætla ekki að taka að mér það verkefni að fyrirgefa þetta. Það er hlutur sem hann þarf að eiga við sjálfan sig og sinn æðri mátt eða hvern sem hann leitar til. Ég ákvað samt að ég vildi ná sátt við hann, en ekki glæpina því þeir eru of stórir,“ segir hún. „Til dæmis þegar ég hugsa um allt hvað hann gerði mömmu, systrum mínum, öðru fólki og gæludýrunum okkar. Þá hugsaði ég, nei, ég get ekki sagt þessi orð að þetta sé búið og ég sé sátt við þetta eða einhvers konar fyrirgefningu á glæpunum, en ég vildi ná sátt við hann sem persónu,“ segir Thelma og bætir við að hún sé afar þakklát fyrir allt það sem hún hafi í dag. Því ætli hún að halda áfram að vinna að því að hjálpa öðrum þolendum kynferðisofbeldis og auka umræðu um málaflokkinn.Þáttinn Hjálparhönd má sjá í heild í spilaranum hér fyrir ofan. Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent Mátti binda barn á höndum og fótum og kitla það Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent SFS hafi skrópað á fund ráðuneytisins Innlent Langflestir telja afsögn Ásthildar rétta ákvörðun Innlent Fleiri fréttir Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Sjá meira
Thelma Ásdísardóttir hefur nær helgað líf sitt baráttunni gegn ofbeldi. Hún stofnaði samtökin Drekaslóð fyrir um fimm árum síðan, eftir að hafa sagt frá grimmilegu ofbeldi í æsku, í bókinni Myndin af pabba. Thelma er þekkt sem einstök baráttukona sem réttir öllum þeim sem þurfa hjálparhönd. Thelma sagði sögu sína í þættinum Hjálparhönd sem sýndur var á Stöð 2 í gærkvöld, meðal annars í tilefni þess að um þessar mundir eru tíu ár liðin frá útgáfu bókarinnar. Hún segir það hafa reynst sér afar erfitt að rifja upp minningar sínar úr æsku, en er þakklát fyrir að hafa gert það. Það hafi hjálpað sér mikið og í kjölfarið hafi henni tekist að áorka meiru en hana hefði áður getað dreymt um.Thelma sagði sögu sína í bókinni Myndin af pabba - saga Thelmu eftir Gerði Kristnýju.Draumurinn um eðlilegt líf Hún ólst upp í Hafnarfirði með fimm systrum sínum. Fjölskyldan var fátæk, en móðir Thelmu var harðdugleg; vann mikið, var afar útsjónarsöm og saumaði, prjónaði og sá um allt það sem tengdist fjölskyldulífinu. Faðir Thelmu vann hins vegar ekki, var á örorkubótum, drakk mikið og neytti fíkniefna. „Faðir minn var ofbeldismaður. Hann beitti móður mína ofbeldi frá því ég man eftir mér. Ég á enga minningu þar sem pabbi var ekki ógn, nema þegar hann sat í fangelsi um tíma. Hann var í fangelsi og inni á geðdeildum. Þá voru það bara við systurnar og mamma og þá leið okkur vel. Þessi tími kannski sáði eins konar fræi um hvernig lífið gæti verið,“ segir Thelma. „Pabbi var ekki bara ofbeldismaður gagnvart mömmu heldur beitti hann okkur börnin ofbeldi líka; líkamlegu, andlegu og kannski það sem risti dýpst, kynferðislegt ofbeldi. Hann beitti mig kynferðisofbeldi frá því ég var fimm ára, sem er svona fyrsta skýra minningin sem ég á um þetta ofbeldi.“„Ef ástandið á pabba var slæmt þá vorum við lokaðar inni. Jafnvel í einhverja sólarhringa.“Seldi aðgang að börnunum Ofbeldið var þó ekki einungis af hálfu föður Thelmu. Þegar neysla hans var hvað verst seldi hann aðgang að börnunum, gegn greiðslu sem var meðal annars í formi fíkniefna. „Mamma var uppi á fæðingardeild að eiga yngstu systur mína og á meðan fer pabbi á eitthvað sukk, býður vini sínum og þá eru þeir tveir að misnota okkur.“ Þetta gerði faðir Thelmu fyrst þegar hún var fimm ára gömul, og allt frá því var kynferðisofbeldi partur af hennar tilveru. Ofbeldið einkenndi líf hennar. „Ef ástandið á pabba var slæmt þá vorum við lokaðar inni. Jafnvel í einhverja sólarhringa. Við fengum að fara fram á klósett eða að borða, en annars varð ég bara að vera hjá honum í myrkri og alls konar ógeði,“ segir hún. Allt hafi verið gert til að halda föður þeirra góðum, því annars yrði þeim refsað.Gæludýrin drepin „Hann notaði alls konar aðferðir til að brjóta mig niður. Hann til dæmis drap gæludýrin okkar og ef ég hafði staðið mig illa þá kannski var kettlingi drekkt og ég fékk að vita að það væri mín sök. Enda elska ég ketti í dag og hef alltaf átt ketti.“ Það sem Thelmu þótti hvað erfiðast var að þurfa að horfa upp á fólkið í kringum sig líða illa. „Ég var mjög ung þegar ég reyndi að fá föður minn til að ráðast á mig frekar en mömmu, því mér fannst algjörlega hræðilegt að horfa upp á hann ráðast á mömmu, þannig að ég reyndi að ýta á einhvern takka til að stuða hann.“„Hann til dæmis drap gæludýrin okkar og ef ég hafði staðið mig illa þá kannski var kettlingi drekkt og ég fékk að vita að það væri mín sök.“mynd/myndin af pabbaLifir hvorki í sorg né reiði Thelma hefur ákveðið að lifa ekki í reiði. Hún segist aldrei munu fyrirgefa föður sínum glæpina, en er sátt við hann sem persónu í dag. „Hann kvaldist klárlega yfir því sem hann var að gera, en ekki nóg til að hætta því. Ég hugsaði bara með mér, ég ætla ekki að taka að mér það verkefni að fyrirgefa þetta. Það er hlutur sem hann þarf að eiga við sjálfan sig og sinn æðri mátt eða hvern sem hann leitar til. Ég ákvað samt að ég vildi ná sátt við hann, en ekki glæpina því þeir eru of stórir,“ segir hún. „Til dæmis þegar ég hugsa um allt hvað hann gerði mömmu, systrum mínum, öðru fólki og gæludýrunum okkar. Þá hugsaði ég, nei, ég get ekki sagt þessi orð að þetta sé búið og ég sé sátt við þetta eða einhvers konar fyrirgefningu á glæpunum, en ég vildi ná sátt við hann sem persónu,“ segir Thelma og bætir við að hún sé afar þakklát fyrir allt það sem hún hafi í dag. Því ætli hún að halda áfram að vinna að því að hjálpa öðrum þolendum kynferðisofbeldis og auka umræðu um málaflokkinn.Þáttinn Hjálparhönd má sjá í heild í spilaranum hér fyrir ofan.
Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent Mátti binda barn á höndum og fótum og kitla það Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent SFS hafi skrópað á fund ráðuneytisins Innlent Langflestir telja afsögn Ásthildar rétta ákvörðun Innlent Fleiri fréttir Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Stuttu eldgosi lokið Bein útsending: Evrópsk öryggis- og varnarmál í breytilegum heimi Sjá meira